Chehray Ki Safai Ke Liye Mask

چہرے کی صفائی کے لیے ماسک

جمعہ اکتوبر

Chehray Ki Safai Ke Liye Mask

چہرے کی دیکھ بھال کے عمل کا آغاز جلد کی صفائی سے ہوتا ہے ۔
گردو غبار کی صفائی اور میک اپ اتار نے کے لیے کئی اقسام کی کریمیں اور لوشنز وغیرہ دستیاب ہیں ۔
اگر چہرے کی دیکھ بھال روزمرہ کی بنیاد پر نہ کی جائے تب چہرے کے مسام بند ہو جانے کی وجہ سے کئی مسائل جنم لے سکتے ہیں ۔
چہرے کی صفائی کے لیے ماسک
درج ذیل میں چہرے کی صفائی کے لیے ایسے ماسک پیش کئے جارہے ہیں جو تیاری اور استعمال میں سہل ہونے کے ساتھ ساتھ افادیت کے بھی حامل ہیں ۔


ہرے چنوں کا پاؤڈر اور ہلدی اور دودھ کا ماسک
خشک کردہ پسے ہوئے ہرے چنوں کا پاؤڈر =نصف کپ
ہدلی = چائے کا ایک چمچ
دودھ = نصف کپ
تمام اشیاء کو ملا کر بخوبی یک جان کر لیں ۔
اس آمیزے کو اپنی پیشانی ۔

(جاری ہے)

چہرے۔اور گردن پر بخوبی لگائیں ۔
دومنٹ تک اس آمیزے کو ان مقامات پر لگا رہنے دیں اور مابعد دھو کر صاف کر لیں ۔
فوائد
چکنی اور مرکب (ملی جلی)جلد کے لیے یہ ماسک اکسیر کا حکم رکھتاہے ۔


چنوں کا پاؤڈر زائد چکنائی جذب کر لیتا ہے۔
دودھ جلد کو غذائیت فراہم کرکے اسے تروتازہ اور شگفتہ بنا تا ہے ۔
کھیرے اور دہی کا ماسک
کھیرا ایک عدد
دہی کھانے کے 3یا4چمچے
کھیرے کو کدوکش کرلیں اور اس کا رس نکالیں ۔
دہی کو پھینٹ لیں ۔
کھیرے کے رس میں پھینٹی ہوئی دہی شامل کریں ۔
تمام اشیاء کو اچھی طرح ہلا کر باہم یکجا کرکے آمیزہ بنالیں ۔


اس آمیزے کو لیپ کی شکل میں اپنی پیشانی ۔چہرے اور گردن پر لگائیں ۔
تین چار منٹ تک لگا رہنے دیں ۔
اس کے بعد چہرہ اور گردن ٹھنڈے پانی سے دھو لیں ۔
فوائد
یہ ماسک چہرے کے مسامات کھولتا ہے ۔
کساوٹ پیدا کرتا ہے ۔
چھائیوں اور داغ دھبوں کو غیر نمایاں بناتا ہے ۔
جلد غذائیت فراہم کرتا ہے ۔
محض کدوکش کیا ہو کھیرا بھی بطور ماسک استعمال کیا جا سکتا ہے ۔

تاریخ اشاعت: 2018-10-12

Your Thoughts and Comments

Special Special Articles For Women article for women, read "Chehray Ki Safai Ke Liye Mask" and dozens of other articles for women in Urdu to change the way they live life. Read interesting tips & Suggestions in UrduPoint women section.