Fashion Mein Ki Jane Wali Ghaltiyan - Article No. 3376

ہماء میر
یاد رکھیے خواتین کا حسن ان کی صحت سے مشروم ہے۔خواتین اکثر فیشن اور نئے ٹرینڈز کو اپنانے کی دوڑ میں اپنی صحت کو نظر انداز کر دیتی ہیں۔یہ رجحان مختلف شکلوں میں نظر آتا ہے، جیسے کہ غیر آرام دہ لباس پہننا، سخت ڈائٹنگ کرنا، یا ایسی مصنوعات کا استعمال جن کے طویل مدتی اثرات نقصان دہ ہو سکتے ہیں۔فیشن کا تعلق صرف آپ کے انداز سے نہیں ہے آپ جو پہنتے ہیں، وہ آپ کی صحت پر بھی اثر ڈال سکتا ہے۔کچھ فیشن کی غلطیاں دراصل طویل مدتی صحت کے مسائل کا سبب بن سکتی ہیں۔لہٰذا یہ ضروری ہے کہ خواتین اپنی صحت کو اولین ترجیح دیں اور فیشن کو اعتدال کے ساتھ اپنائیں۔یہاں چند نکات پیش ہیں جو اس حوالے سے مددگار ثابت ہو سکتے ہیں۔
اونچی ایڑیوں کے جوتے
اونچی ایڑھیاں پہننا گردن، کمر اور گھٹنوں میں درد کا باعث بن سکتی ہیں۔

(جاری ہے)

اونچی ہیلز آپ کی ٹانگ کے پچھلے حصے کے پٹھوں کو چھوٹا اور سخت کر سکتی ہیں۔
بھاری ہینڈ بیگ
روزانہ بھاری بیگ اٹھانے سے کندھوں، گردن اور ریڑھ کی ہڈی پر دباؤ پڑتا ہے، جس سے دائمی درد ہو سکتا ہے۔
تنگ لباس
تنگ لباس خون کے بہاؤ کو روک سکتا ہے اور معدے کی مشکلات پیدا کر سکتا ہے۔ایسے لباس کے مسلسل استعمال سے صحت کے مسائل پیدا ہو سکتے ہیں۔بہتر ہے کہ آرام دہ اور کھلے کپڑے پہنیں۔
غیر موزوں کریمیں اور میک اپ
بازار میں بکنے والی بہت سی پروڈکٹ سستی اور غیر معیاری ہوتی ہیں۔غیر تصدیق شدہ میک اپ اور کریموں سے گریز کرنا چاہیے اور صرف معیاری پروڈکٹ ہی استعمال کرنا چاہیے۔
کانٹیکٹ لینس کی غلط دیکھ بھال
کانٹیکٹ لینز کو صحیح طریقے سے صاف نہ کرنا یا انہیں طویل عرصے تک پہننا آنکھوں کی انفیکشن کا باعث بن سکتا ہے۔انہیں صحیح طریقے سے صاف کریں اور زیادہ دیر تک نہ پہنیں۔