بند کریں
خواتین مضامینمضامینحُسن کی نگہداشت کے لئے سنگھاری اشیاء کے استعمال کی تکنیک جاننا ضروری ہے

مزید مضامین

- مزید مضامین
حُسن کی نگہداشت کے لئے سنگھاری اشیاء کے استعمال کی تکنیک جاننا ضروری ہے
جلد کی صفائی میں اسکرب ‘مساج کریم اور فیس پیک کا بہت اہم کردار ہوتا ہے لیکن اگر آپ کو یہ علم نہیں ہے کہ ان چیزوں کو چہرے پر کتنی دیر تک لگانا ہے ‘کیسے لگانا ہے اور کیسے صاف کرنا ہے تو آپ کو فائدے کی بجائے نقصان بھی ہو سکتا ہے ۔

بہت سی خواتین ایسی بھی ہیں جو اپنی جلد کی حفاظت کرنا چاہتی ہیں ‘اپنی جلد کی خوبصورتی کے لئے پریشان رہتی ہیں ‘لیکن بہتر طور پر نہیں جانتی ہیں کہ ان کو دراصل ان کو کیا کرنا ہے ؟ایسی خواتین گھر پررہ کر اپنی جلد کو خوبصورت اور شاداب بنانا چاہتی ہیں۔ بازار میں جلد کی حفاظت وخوبصورتی کے لئے بے شمار مصنوعات دستیاب ہیں لیکن اہم امر یہ ہے کہ ان مصنوعات کا درست استعمال بھی معلوم ہونا چاہئے ۔
جلد کی درست دیکھ بھال کے لئے درست مصنوعات کا درست انداز میں استعمال آنا بہت ضروری ہے ۔جلد کی صفائی میں اسکرب ‘مساج کریم اور فیس پیک کا بہت اہم کردار ہوتا ہے لیکن اگر آپ کو یہ علم نہیں ہے کہ ان چیزوں کو چہرے پر کتنی دیر تک لگانا ہے ‘کیسے لگانا ہے اور کیسے صاف کرنا ہے تو آپ کو فائدے کی بجائے نقصان بھی ہو سکتا ہے ۔
اپنی جلد کی ساخت کی مناسبت سے ان اشیاء کا انتخاب کریں ۔اسکرب کا استعمال کرتے وقت چہرے پر انگلیوں کی مدد سے دائرے بناتے ہوئے ہلکے ہاتھ سے مساج کریں ۔بہت زیادہ رگڑنے سے جلد کو نقصان پہنچنے کا خدشہ زیادہ ہوتا ہے۔اس لئے جب بھی اسکرب یا مساج کریم کا استعمال کریں ہلکے ہاتھ سے چہرے پر دائروں کی شکل میں مساج کریں ۔
اسی انداز سے مساج کرنے سے جلد کے مردہ خلیات اور سوختگی کو ختم کیا جا سکتا ہے ۔اگر کسی خاص تقریب میں جانا ہے تو مساج کے بعد کوکونٹ ملک سے تیار کیا گیا پیسٹ لگائیں۔10منٹ کے لئے چھوڑ دیں اور اس کے بعد چہرے دھولیں ۔حسّاس حصّوں میں نرمی سے مساج کریں ۔جلد پر زیادہ سختی برتنے سے گریز کریں۔

(0) ووٹ وصول ہوئے