Khoubsurti Ke Liye Andha Dhund Kareem Lagana Zaroori Nahi

خوبصورتی کے لئے اندھا دھند کریم لگانا ضروری نہیں

بدھ اگست

Khoubsurti Ke Liye Andha Dhund Kareem Lagana Zaroori Nahi

عرب خواتین نہ صرف کھانوں کی تیاری میں بلکہ جِلد پر مساج کے لئے بھی کریموں کی بجائے مختلف قسم کے تیل استعمال کرتی ہیں
ماہی کی رائے میں فیشل صرف بڑی عمر کی خواتین کو کرنا چا ہیے جبکہ ینگ لڑکیاں اپنی جِلد کی حفاظت کے لئے پھل اور سبزیاں کھائیں ،جوس پئیں۔جِلد ی مسائل سے محفوظ رہنے کے لئے پانی کا استعمال زیادہ سے زیادہ کریں
سوال :میری عمر 28برس ہے ،مجھے میک اپ کرنے کا بہت شوق ہے شاید اسی وجہ سے ہی میری جِلد بہت متاثر ہورہی ہے ۔

حالانکہ میں جِلد کی حفاظت کے لئے با قاعدگی سے کلینز نگ کریم سے مساج کرتی ہوں اور کبھی کبھار فیشل وغیرہ بھی کروالیتی ہوں مگر اس سے بھی وقتی فائدہ ہوتا ہے ۔پلیز مجھے بتائیں کہ سکن کو خوبصورت اور صاف شفاف رکھنے کے لئے کون سی کریم استعمال کروں اور یہ بھی بتائیں کہ میک اپ صاف کرنے کا بہترین طریقہ کیا ہے ؟
ماہی : میں ینگ لڑکیوں سے ہمیشہ یہ کہتی ہوں کہ اپنے چہرے پر کیمیکلز کا استعمال کم سے کم کریں تا کہ سکن لمبے عرصے تک خوبصورت اور ترو تازہ رہے ۔

(جاری ہے)

افسوس کے ہمارے ہاں ٹین ایج سے ہی لڑکیاں کثرت سے کا سمیٹکس استعمال کرنا شروع کر دیتی ہیں جس سے سکن متاثر ہوتی ہے ۔آپ کو بھی میرا مشورہ ہے کہ کم سے کم میک اپ استعما ل کریں اور جلد کو تر تا زہ رکھنے کے لئے پھل اور سبزیاں کھائیں،جوس پئیں ۔یادرکھیں آپ پانی کا استعمال بھی جس قدر زیادہ کریں گی اتنا ہی جِلدی مسائل سے محفوظ رہیں گی ۔
ویسے بھی اس عمر میں زیادہ فیشل کروانا جِلد کو نقصان پہنچا تا ہے ۔

میرے خیال سے فیشل کریموں کا استعمال بڑی عمر کی خواتین کو کرنا چاہیے جبکہ ینگ لڑکیوں کو اپنی خوراک کا خاص خیال رکھیں تا کہ سکن کے مسائل سے محفوظ رہیں ۔اس کے علاوہ آپ کریموں کی بجائے گھریلو ٹو ٹکے بھی آز ما سکتی ہیں کیونکہ ہر بل اشیاء کے استعمال سے اگر مطلوبہ نتائج نہ بھی ملیں تو بھی سکن کوکوئی نقصان نہیں پہنچتا ۔کوشش کریں کہ خصوصاََ گرمیوں میں کیمیکل پراڈکٹس کا استعمال کم سے کم کیاجائے ۔

آج کل ہمارے ہاں لڑکیاں جِلد کو تروتازہ رکھنے کی خواہش میں کریموں کا استعمال کچھ زیادہ ہی کر رہی ہیں جن میں نا ئٹ کریم کا رجحان بہت بڑھ گیا ہے جو جِلد کے لئے نقصان دہ ہے ۔ویسے بھی جب آپ نائٹ کریم لگاکر سو جاتی ہیں تو جلد کے مسام بند ہوجاتے ہیں اور جلد پر چکنائی ٹھہر جاتی ہے جس سے بلیک ہیڈز بنتے ہیں ۔چنانچہ نائٹ کریم کا استعمال فوراََ ترک کردیں بلکہ رات کو کسی اچھے فیس واش سے چہرہ دھوکر خشک کریں اور سونے سے پہلے کوئی کریم نہ لگائیں تاکہ جِلد کو رات بھر براہ ِ راست ہوا اور قدرتی نمی ملتی رہے ۔

البتہ ڈے کریم کا استعمال کاایک حد تک جِلد کے لئے مفید ہے کیونکہ اگردن کے وقت باہر نکلتے ہوئے جِلد پرکریم کی تہہ لگی ہوتو جلد آلودگی ،دھول متی او ر براہ راست سورج کی مضر شعاعوں سے محفوظ رہتی ہے۔
عموماََ ڈے کریم میں سن بلاک کے ساتھ ساتھ لائٹ بیس کی خوبیاں بھی ہوتی ہیں ۔آپ ڈے کریم کے متبادل کے طور پرموز بھی لگا سکتی ہیں ،یہ سکن کو ڈرائی کرتی ہے اور سکن زیادہ دیر تک فریش رہتی ہے۔


کریم کا متبادل کیا ہے
عرب خواتین تیل بہت استعمال کرتی ہیں وہ صرف تیل میں کھانے بناتی ہیں بلکہ جِلد پر مساج کے لئے بھی کریموں کی بجائے مختلف قسم کے تیل استعمال کرتی ہیں ۔اب تو ہمارے ہاں بھی سپا کا رواج عام ہورہا ہے مگر ابھی بھی بہت سی خواتین سپاکے حقیقی فوائد سے واقف نہیں ۔تیل سے مساج سے سکن ٹائٹ رہتی ہے ،جھریاں او ر لائینں نمودار نہیں ہوتیں ،جِلد کیمیکلز کے مضر اثرات سے محفوظ رہتی ہے ۔

تا ہم اگر آپ کی سکن ڈرائی ہے تو اولیو آئل اور آمنڈآئل کو ملا کر مساج کریں ،اس سے سکن رُ و کھی نہیں ہوگی۔ آئلی سکن پر فروٹ فیشل کریں ۔مثلاََ گرمیوں میں کھیرا ضرور کھائیں لیکن اسے کدوش کر کے چہرے پرلگانے سے جِلد کو ٹھنڈی اورنمی بھی ملتی ہے جس سے چکنائی اور دانوں کا خاتمہ ہوجاتا ہے اس کے علاوہ تر بوز اور ٹماٹر کا جوس بھی فیشل مساج کے لئے استعمال کیا جاسکتا ہے ۔

اگر آپ کی جِلد وقت سے پہلے ہی بوڑھی لگنے لگی ہے یعنی ڈھلگنے لگی ہے تو انڈے کی سفید ی میں ایک چمچ شہد ،ایک چمچ لیموں کا رس اور ایک چمچ دودھ ملا کر پیسٹ بنایں اور پتلی تہہ چہرے پر لگائیں ،جب یہ خشک ہوجائے تو اسے چھلکے کی طرح جِلدسے اتار دیں ۔یہ ٹو ٹکہ باقاعدہ استعمال کرنے سے جلد ٹائٹ ہوجائے گی ۔ایلو ویرا چہرے پر لگانے کی بجائے کھانا زیادہ مفید ہے مثلاََ آپ ایلو ویرا کو کا ٹ کر جیل کے چھوٹے چھوٹے کیوبز بنالیں اور ایک ایک کیوب زبان پر رکھیں اور پانی پی لیں ۔ایلو ویرا جیل ادویات ،ٹو ٹکوں اور کھانوں میں بھی استعمال ہوتی ہے جس سے جلد کے بہت سے مسائل دور ہوجاتے ہیں ۔

تاریخ اشاعت: 2018-08-15

Your Thoughts and Comments

Special Special Articles For Women article for women, read "Khoubsurti Ke Liye Andha Dhund Kareem Lagana Zaroori Nahi" and dozens of other articles for women in Urdu to change the way they live life. Read interesting tips & Suggestions in UrduPoint women section.