Marhaba Ramzan - Article No. 3112
مرحبا رمضان - تحریر نمبر 3112
اچھا شیڈول بھی اشد ضروری
منگل 11 اپریل 2023
رمضان المبارک کی عظمت و اہمیت سے ہم سبھی واقف ہیں۔اس ماہِ مقدس کی شان ہی نرالی ہے۔عظمتوں والے اس مہینہ میں عبادت کا ثواب کئی گنا بڑھا دیا جاتا ہے،وہیں اللہ پاک کی رحمتوں اور برکتوں کا نزول ہوتا ہے۔خوش نصیب ہیں وہ لوگ جو اس ماہِ مقدس کو پائیں اور اس کا حق ادا کرنے کی کوششیں کریں۔اس ماہِ مقدس کی شان کے پیش نظر ہر مسلمان مرد،عورت اور بچے کی خواہش ہوتی ہے کہ وہ زیادہ سے زیادہ عبادت کر کے اپنے رب کو راضی کر لے۔خواتین چاہتی ہیں کہ اچھی طرح عبادت بھی ہو جائے اور گھریلو کام بھی بخوبی انجام دیے جائیں،اس کے لئے خواتین کو شیڈول بنا لینا چاہیے۔
بعض خواتین فجر کی نماز پڑھ کر اور تلاوت قرآن پاک سے فارغ ہو کر سوتی جاتی ہیں جو درست نہیں۔
(جاری ہے)
خواتین اگر رمضان المبارک میں اپنا ایک شیڈول بنا لیں تو وہ گھریلو کام کاج کی بخوبی انجام دہی کے ساتھ ہی عبادت بھی خشوع و خضوع سے کر سکیں گی۔
فجر کی نماز اور قرآن پاک کی تلاوت کے بعد سونے سے بہتر ہے کہ گھر کی صاف صفائی و کپڑوں کی ڈھلائی وغیرہ کا کام نمٹا دیا جائے۔اس سے فارغ ہونے کے بعد سبزیوں،فروٹس اور گوشت وغیرہ کو دھو کر رکھ دیں۔پھر نہانے کے بعد قرآن پاک کی تلاوت کیجیے اور ظہر کی نماز ادا کرنے کے بعد کچھ دیر سو جائیے۔ہلکی نیند لینے کے بعد عصر سے پہلے جب آپ بیدار ہوں گی تو اپنے آپ کو فریش محسوس کریں گی۔آرام و سکون سے عصر کی نماز ادا کیجیے۔کھانے اور افطار کا انتظام کیجیے۔دیکھنے میں آتا ہے کہ کچھ خواتین افطار میں بھی معقول انتظام کرتی ہیں اور کھانا بھی روزمرہ کے لحاظ سے بناتی ہیں ایسے میں کافی کھانا بچ جاتا ہے جو خراب ہو جاتا ہے۔افطار میں یا تو ہلکا پھلکا انتظام کیجیے یا پھر کھانے کے انتظام میں احتیاط برتئے،کیوں کہ روزہ رکھنے کا مطلب یہ نہیں ہے کہ انسان اپنی بھوک اور پیٹ سے زیادہ کھائے۔عشاء کی نماز و تراویح کی نماز سے فارغ ہونے کے بعد اپنے اوپر ظلم نہ کریں کیونکہ کچھ خواتین بلاوجہ سحری تک جاگتی رہتی ہیں،تھکان کی وجہ سے نہ وہ عبادت کر پاتی ہیں اور نہ ہی نیند لے پاتی ہیں۔
اکثرگھروں میں تو بچے بھی جاگتے نظر آتے ہیں جو کسی طور پر بھی مناسب نہیں ہے۔جس طرح ہم کسی تقریب میں جانے یا کسی سے ملنے ملانے یا کسی کی عیادت کرنے یا شاپنگ پر جانے کے لئے اپنے پورے دن کے شیڈول کو ایک دن کے لئے ری شیڈول کرتے ہیں اسی طرح رمضان المبارک میں پورے ایک ماہ میں اپنے شیڈول کو اس طرح ری شیڈول کیجیے کہ آپ کے آرام میں کسی طرح کا خلل نہ ہو،گھر کے کام کاج دیگر دنوں کے مقابلے میں زیادہ بہتر طریقے سے انجام دیے جائیں،وہیں عبادت بھی خشوع و خضوع کے ساتھ کی جائے۔ایک اہم بات اس ماہِ مقدس میں اپنے آس پاس محلے،پڑوس اور رشتہ داروں میں ایسے لوگوں کا خاص خیال رکھئے جو اپنی سفید پوشی کا بھرم رکھے ہوئے ہیں۔اپنی حیثیت کے مطابق ان کی اس طرح مدد کیجیے کہ ان کی عزت نفس پر آنچ نہ آئے۔
Browse More Special Articles for Women
رنگِ حنا اور کھنکتی چوڑیاں
Rang E Hina Aur Khanakti Chooriyan
رمضان شاپنگ مہنگائی کا علاج سادگی
Ramadan Shopping Mehngai Ka Ilaj Saadgi
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
رمضان اور خواتین کے معمولاتِ زندگی
Ramzan Aur Khawateen Ke Mamolat E Zindagi
رمضان سے پہلے رمضان کی تیاری ہے بہت ضروری
Ramzan Se Pehle Ramzan Ki Tayari Hai Bahut Zaroori
ذہین بچے کی پیدائش کے لئے حمل کے دوران مخصوص غذائیں
Zaheen Bache Ki Paidaish Ke Liye Hamal Ke Douran Makhsoos Ghizain
جیولری کی ورائٹی سے جگمگاتی دنیا
Jewellery Ki Variety Se Jagmagati Duniya
زیورات بتائیں شخصیت کے راز
Zewrat Bataain Shakhsiyat Ke Raaz
ورسٹائل ٹرے ․․․ ہر گھر کی ضرورت
Versatile Tray - Har Ghar Ki Zaroorat
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
دیدہ زیب ست رنگی چوڑیاں
Deeda Zaib Sat Rangi Choriyon
اِک قوسِ قزح ہے رقصاں
Ik Qaus E Qaza Hai Raqsaan