Sheeshe Ke Hand Bags Ka Naya Rujhan - Article No. 3282

Sheeshe Ke Hand Bags Ka Naya Rujhan

شیشے کے ہینڈ بیگز کا نیا رجحان - تحریر نمبر 3282

اگر ہینڈ بیگ کا انتخاب مناسب طریقے سے کیا گیا ہو تو یہ شخصیت کو اُبھارنے اور نکھارنے کا سبب بنتے ہیں

ہفتہ 15 جون 2024

سعدیہ اکرام
اگرچہ ہینڈ بیگز فیشن پراڈکٹ کے طور پر استعمال کیے جاتے ہیں لیکن یہ آپ کے گلیمر کو بڑھانے کی زبردست صلاحیت رکھتے ہیں۔خواتین کسی بھی تقریب میں شرکت کے وقت لباس کے ساتھ میچنگ ہینڈ بیگ کو لازمی سمجھتی ہیں اور اگر ہینڈ بیگ کا انتخاب مناسب طریقے سے کیا گیا ہو تو یہ شخصیت کو اُبھارنے اور نکھارنے کا سبب بنتے ہیں۔
چند اسٹائلش ہینڈ بیگز جن میں ہوبو ہینڈ بیگز، ٹوٹے ہینڈ بیگز، کراس باڈی بیگز اور اسٹائلش ایوننگ بیگز شامل ہیں نہ صرف بے حد مقبول ہیں بلکہ یہ خواتین کے اعلیٰ ذوق کی ترجمانی بھی کرتے ہیں۔ایک طرف تو یہ ہینڈ بیگز ضروری سامان سنبھالنے کے کام آتے ہیں تو دوسری طرف یہ اپنے ڈیزائن، خوبصورتی اور اسٹائل کے باعث شخصیت کے گلیمر کو بڑھا کر محفل میں ممتاز کر دیتے ہیں۔

(جاری ہے)


مارکیٹ میں لیدر سے لے کر سوتی کپڑے اور ریگزین سے لے کر پلاسٹک تک، ہر طرح کے بیگز دستیاب ہوتے ہیں۔کئی دفعہ ہم ایک سے زائد اشیاء پرس میں اپنے ہمراہ باہر لے جانا چاہتے ہیں لیکن پرس سائز میں چھوٹے ہونے کی وجہ سے آدھی چیزیں گھر پر رکھ کر آنا پڑتی ہیں۔(مستطیل بیگ) نے ہماری یہ مشکل آسان کر دی ہے۔اب آپ اسٹائل کے ساتھ ساتھ اضافی سہولت بھی میسر آ سکتی ہے۔
ان کو استعمال کرتے ہوئے اشیاء لے جانے کیلئے گنجائش کی دوسری نہیں ہوتی۔پرنٹڈ پھولدار نقوش سے لے کر ایمبرائیڈری تک اور کاٹن سے لے کر چمڑے تک کے مٹیریل میں ہر رنگ کے بیگز اب استعمال کرنے کا رجحان بڑھ رہا ہے۔آن لائن خریداری کے ایسے مراکز موجود ہیں جو آپ کو بے حد خوبصورت اور تخلیقی انداز سے بنائے گئے بیگز گھر پر پہنچانے کا اہتمام کرتے ہیں۔
اگر آپ بے پناہ مصروف رہتی ہیں یا آپ کو کسی ویب سائٹ پر کوئی چیز پسند آ گئی ہے تو آپ آن لائن آرڈر کر سکتی ہیں۔پارٹی سے لے کر سفری بیگ تک، کچھ حیرت نہیں ہوتی کہ ان میں جہاں موضوعات، تصاویر، بنیادی تخیل اور ہیئت کے ساتھ رنگوں کا خوبصورت امتزاج ہمیں متوجہ کرتا ہے وہیں ان کی ہمی صفتی کو بھی سراہا جانا چاہئے۔چاہیں تو دفتری استعمال کیلئے بھی ان بیگز کو استعمال کر سکتی ہیں، چاہیں تو پارٹی بیگز کے طور پر استعمال کر لیں، مہنگے برینڈز سے چھٹکارا دلانے کے لئے موٹے کاٹن سے بنے ہوئے اسٹائل بیگز بھی عام دستیاب ہیں۔

ان دنوں فرانسیسی کوپرنیکس برانڈ کی طرف سے ڈیزائن اور تیار کردہ شیشے کے بیگ زیادہ پسند کیے جا رہے ہیں۔مشہور شخصیات جیسے کہ ریحانہ، ہیلی بیبر اور حدید سسٹرز ریڈ کارپٹ پر ان بیگز کے ساتھ نمودار ہوتی ہیں۔اس قسم کے بیگز کے ڈیزائنرز اور بنانے والوں کے مطابق اسے بنانے کا عمل آسان نہیں ہے۔شیشے کی موٹائی کی وجہ سے اسے بنانے کے لئے ہوا کا دباؤ استعمال کیا جاتا ہے۔

Browse More Special Articles for Women

Special Special Articles for Women article for women, read "Sheeshe Ke Hand Bags Ka Naya Rujhan" and dozens of other articles for women in Urdu to change the way they live life. Read interesting tips & Suggestions in UrduPoint women section.