Chamakdar Ghanne Or Lambe Baal - Sab Ki Pasand - Article No. 2162
چمک دار،گھنے اور لمبے بال۔سب کی پسند - تحریر نمبر 2162
ہر عورت کی دلی خواہش ہوتی ہے کہ اس کے بال چمک دار ،گھنے اور لمبے ہوں۔
منگل 17 ستمبر 2019
امبر سلیم
ہر عورت کی دلی خواہش ہوتی ہے کہ اس کے بال چمک دار ،گھنے اور لمبے ہوں۔مرد حضرات بھی گھنے اور خوبصورت بالوں کے خواہاں ہوتے ہیں۔بہت سے افراد اپنی جلد کی حفاظت کرتے ہیں،لیکن بالوں کی طرف سے غفلت برتتے ہیں،نتیجتاً جلد فارغ البال ہو جاتے ہیں۔آپ کی جلد لاکھ چمک دار اور لباس بے حد قیمتی ہو،لیکن اگر بال خوش نما نہیں ہیں تو آپ کی شخصیت میں کوئی کشش نہیں ہوگی۔
(جاری ہے)
آپ کے بالوں کی صحت مندی اور جو غذا آپ کھاتے ہیں،اس میں ایک خاص نسبت ہے۔
ماہرین سے معلوم کیجیے کہ بال گرنے یا بالوں کا رنگ خراب ہونے پرکیا کرنا چاہیے؟اوائل عمری میں اگر بالوں کا رنگ خراب ہو جائے تو شرمندگی ہوتی ہے ،مجبوراً انھیں رنگنا پڑتا ہے۔ایسی بہت سی غذائیں ہیں،جنھیں کھا کر آپ اس عیب کو چھپا سکتے ہیں۔ان غذاؤں سے رنگ پیدا کرنے والے غدود صحت یاب ہو جاتے ہیں ۔سفید بالوں کو چھپانے کے لیے کھمبیاں (مشرومز)کھائیں ،ان سے یہ غدود فعال ہو جاتے ہیں اور بالوں کی سفیدی ختم ہو جاتی ہے ۔سفید بالوں کے علاج کے لیے چین میں کھمبیاں کھائی جاتی ہیں۔
اوائل عمری میں بالوں میں سفیدی کی بڑی وجہ تانبے اور فولک ایسڈ کی کمی ہوتی ہے۔گائے کی کلیجی میں تانبا اور جست(زنک)خوب ہوتاہے۔یہ دونوں معدنیات(منرلز)اوائل عمری میں کھائی جائیں تو بال
سفید نہیں ہوتے۔ایسے افراد کو چاہیے کہ وہ ہفتے میں تین دن گائے کی کلیجی کھائیں۔بالوں کا رنگ تانبے کی کمی سے اُڑ جاتاہے،لہٰذا اخروٹ کھانے چاہییں۔تانبے سے ”میلانن“(MELANIN)نامی ایک سیاہ مادہ پیدا ہوتا ہے،جس سے بالوں میں رنگ آجاتا ہے۔بہتر ہو گا کہ بالوں کو رنگوانے کے لیے حجام کی دکان پر جانے کے بجائے روز ایک مٹھی اخروٹ کی گری کھالیا کریں۔
جسم میں حیاتین ب12 (وٹامن بی12)کی کمی سے بھی ابتدائی عمر میں بال سفیدہو جاتے ہیں اور دوسری بیماریاں بھی لاحق ہو جاتی ہیں۔اگر آپ دودھ پییں،مرغی کا گوشت اور انڈے کھائیں تو حیاتین ب 12کی کمی دور ہو جائے گی۔فولک ایسڈ کی کمی دور کرنے کے لیے آپ روزانہ سبزیاں کھائیں۔سبزیاں فولک ایسڈ حاصل کرنے کا قدرتی ذریعہ ہیں۔اس کے علاوہ ان سے حیاتین ب 12اورب6بھی حاصل ہوتی ہیں۔جہاں تک ممکن ہو،غذا کے ساتھ کچی سبزیاں کھائیں۔یہ زیادہ فائدہ مند ہو تی ہیں۔
بیریاں(BERRIES)،خاص طور پر نیلی بیریاں بالوں میں سفیدی نہیں آنے دیتیں۔ان میں حیا تین ج،حیاتین ب کمپلیکس ،جست ،تانبا اور آیوڈین ہوتی ہے۔چنانچہ انھیں کھانے سے یہ اجزاء بڑھ جاتے ہیں،کیونکہ ان کی کمی سے بالوں کا رنگ اُڑجا تا ہے۔بیریاں روزانہ کھانے سے بھی میلانن پیدا ہوتاہے،جس سے بالوں کی سفید ختم ہو جاتی ہے۔امینو ایسڈ بالوں کا رنگ واپس لانے میں اہم کردار ادا کرتا ہے۔مسور کی دال سے سرخ خلیے بڑھ جاتے ہیں،جن سے ہمیں حیاتین ب9اور ب 12حاصل ہوتی ہیں۔
آپ جو کچھ بھی کھاتے ہیں ،اس کا اثر آپ کے چہرے اور بالوں پر پڑتا ہے،اس لیے متوازن غذا کھائیے۔متوازن سے مرادوہ غذاہے،جس میں لحمیات(پروٹینز)،حیاتین ج اور الف،اومیگا۔3شحمی تیزاب اور فولاد پا یا جاتاہو۔صحت بخش غذائیں کھانے سے آپ کے بال نرم وملائم اور خوب صورت ہو
جاتے ہیں ،ٹوٹتے نہیں ہیں اور ان میں خشکی بھی پیدا نہیں ہوتی۔ذیل میں چند ایسی غذاؤں کے نام دیے جارہے ہیں،جن کے کھانے سے آپ کے بال صحت مند رہتے ہیں۔
گاجر میں کیروٹین(CAROTENE)کی کافی مقدار ہوتی ہے،جس سے بال نہیں گرتے۔گاجر کچی کھانے یا اس کارس پینے سے بال مضبوط اور گھنے رہتے ہیں اور گرتے نہیں ہیں۔
دہی میں لحمیات ہوتی ہیں،لہٰذا یہ مانع تکسید(ANTIOXIDANT)ہے،اس لیے یہ بالوں کی افزائش کرتا اور انھیں دل کش رکھتاہے۔آپ دہی کو بالوں اور کھال کی غذا کہہ سکتے ہیں۔
پالک میں حیاتین الف اور ج خوب ہوتی ہیں ۔اس میں فولاد بھی ہوتا ہے،جس سے بال لمبے،چمکیلے اور جاذب نظر ہوجاتے ہیں۔
اسٹرابیری پابندی سے کھانے سے بھی بال گرنا بند ہو جاتے ہیں ،اس لیے کہ اس میں حیاتین ج کافی مقدار میں ہوتی ہے،لہٰذا یہ بالوں کو ٹوٹنے سے بچاتی ہے۔
اگرجسم میں حیاتین ب کی مقدار کم ہوجائے تو بال گرنے لگتے ہیں ۔انڈے میں لحمیات ،حیاتین ب اور فولاد ہوتاہے۔اگر ایک انڈاروز کھایا جائے تو بال چمک دار اور لمبے ہو جاتے ہیں ۔انڈا بالوں کو بے رنگ اور خشک نہیں ہونے دیتا۔
Browse More Hair Color, Hair Dye and Bleaching
نامیاتی ہیئر ڈائی ضرورت بھی تحفظ بھی
Namyati Hair Dye Zaroorat Bhi Tahaffuz Bhi
ہیئر کلر سے بالوں کی صحت تباہ
Hair Color Se Balon Ki Sehat Tabah
فیشن کے رنگ سمٹ آئے زلفوں کے سنگ
Fashion Ke Rang Simat Aaye Zulfon Ke Sang
بال رنگیں احتیاط سے
Baal Rangain Ehtiyat Se
فیشن کے جدید رنگ سمٹ آئے زُلفوں میں
Fashion Ke Jadeed Rang Simat Aaye Zulfon Mein
عارضی ہیئر کلرنگ
Arzi Hair Coloring
بال رنگنے کا جادو
Baal Rangne Ka Jadu
خواتین میں مقبول”ہیئر کلرز“
Khawateen Main Maqbool Hair Colors
خوبصورتی کے لئے لمبے بالوں کی اہمیت
Khoobsorti K Liye Lambe Baloon Ki Ehmiyat
اسٹریکنگ․․․شخصیت میں بہترین تبدیلی
Streking - Shaksiyat Main Behtareen Tabdeeli
بالوں کو رنگنے کا جدید فیشن
Balon Ko Rangne Ka Jadeed Fashion
کس رنگ کے بال مجھ پر جچیں گے ؟
Kis Rang Ke Baal Mujh Par Jachain Gay