Haryali Layeen Ghar Sajayeen - Article No. 2513
ہریالی لائیں گھر سجائیں - تحریر نمبر 2513
لکڑی کے صندوق نما سانچے بنا کر بھی ان میں پھول اور پودے لگائے جا سکتے ہیں
منگل 19 جنوری 2021
آج کی افراتفری اور تیز رفتاری والے زمانے میں بہت ہی کم وقت مل پاتا ہے کہ ہم کسی باغ کی سیر کو جائیں یاہر ے بھرے پارک میں چہل قدمی کریں اور لمبی و گہری سانسیں لے کر تازہ ہوا کو اپنے اندر اتاریں۔اس کے علاوہ ہم میں سے اکثر افراد کے پاس گھر میں اتنی جگہ نہیں ہوتی جہاں ہم باغبانی کا شوق پورا کر سکیں۔آج ہم آپ سے کچھ ایسے آئیڈیاز شیئر کرنے جا رہے ہیں جن کے ذریعے اپارٹمنٹس یا مکان میں چھوٹی جگہ کو بھی باغیچے کے لئے کارآمد بنایا جا سکتا ہے اور آپ ان اچھوتے طرز کے باغیچوں سے بھرپور فائدہ اٹھا سکتے ہیں۔
بالکنی میں گملے
اگر اپارٹمنٹ میں جگہ کی کمی کا سامنا ہے تو پھر اس کی بالکنی کے ایک حصے کو جڑی بوٹیوں اور پودوں کے لئے وقف کیا جا سکتا ہے۔
(جاری ہے)
کونے میں باغیچہ
سادہ اور خوبصورت چیزوں کو استعمال کرنے کا بھی اپنا ہی منفرد انداز ہوتا ہے،اسی طرح ٹرے میں مختلف پودے لگائے جا سکتے ہیں۔اگر گھر کا کوئی کونا خالی ہے تو اس جگہ بازار میں دستیاب بڑی ٹرے رکھی جا سکتی ہے یا پھر اس مقصد کے لئے کوئی کو نا خالی بھی کیا جا سکتا ہے۔اس ٹرے کو فرش اور لکڑی کے ڈیک کے ساتھ سجایا جا سکتا ہے اور لکڑی کی ایک بینچ یا کوئی کشن کو بھی ساتھ رکھا جا سکتا ہے۔آپ اگر اس ٹرے پر کوئی عمدہ سا رنگ بھی کر لیں تو یہ مزید دیدہ زیب معلوم ہو گی۔
ٹرالیوں میں کیاریاں
آج کے زمانے میں ہر چیز کا حل موجود ہے،اسی لئے گھبرایئے مت کیونکہ چھوٹی جگہوں پر باغبانی کا شوق پورا کرنے کے لئے مارکیٹ میں ٹرے پر مبنی ٹرالیاں بھی دستیاب ہیں۔یہ ٹرالیاں دو سے تین خانوں پر مشتمل ہوتی ہیں۔سب سے اوپر پودے اور دوسرے پر باغبانی کا سامان با آسانی رکھاجا سکتا ہے۔ان ٹرالیوں کے ذریعے ایک طرف آپ باغبانی کا شوق پورا کر سکیں گے تو دوسری طرف آپ اپنے گھر کو منفرد انداز دے پائیں گے۔
لٹکے ہوئے گملے
چھوٹے گملوں کو چھت پر بھی لٹکایا جا سکتا ہے۔کوشش کریں کہ ان گملوں میں ایسے پودے لگائیں جن میں زیادہ سے زیادہ خوشبودار اور رنگین پھول لگتے ہوں تاکہ آپ انہیں دیکھ کر خود بھی لطف اندوز ہوں اور باہر کی جانب سے بھی دیکھنے میں ایک خوبصورت تاثر ملے۔گملوں کو مختلف رنگوں سے رنگ دیا جائے تو یہ اور بھی خوبصورت نظر آتے ہیں۔
راہداری میں پودے
آپ کا یا مہمانوں کا استقبال کرنے کے لئے”ہربل ویلکم“ایک منفرد آئیڈیا ہے۔پودینہ،روز میری اور نیاز بو جیسے پودوں کا استعمال گھر کے داخلی حصے اور راہداری کے لئے بہترین ہے۔ان جگہوں پر ایسے پودوں کا انتخاب آپ کے گھر کو ہرا بھرا اور بڑا دکھانے میں معاون ثابت ہو گا۔
منی پلانٹ
منی پلانٹ ایک آرائشی بیل ہے،جو پانی اور مٹی دونوں میں با آسانی اگائی جا سکتی ہے۔اس کی خاص بات یہ ہے کہ اس پر نہ کوئی پھل لگتا ہے اور نہ پھول۔لیکن اگر یہ جنگل میں اُگی ہو تو اس پر بہت دیر بعد پھول لگ ہی جاتے ہیں اور ایسا ہونا بہت نایاب ہے۔
لکڑی کے سانچے
لکڑی کے صندوق نما سانچے بنا کر بھی ان میں پھول اور پودے لگائے جا سکتے ہیں اور اگر ان کے نیچے پہیے لگا دیے جائیں تو انہیں اِدھر سے اُدھر حرکت دینے میں آسانی ہو گی اور انہیں دھوپ بھی لگائی جا سکے گی۔
Browse More Gardening Tips and Tricks for Women
آج پھول دار بونسائی کاشت کریں
Aaj Phooldar Bonsai Kasht Karen
آئیے اسٹرابیری اُگاتے ہیں
Aaiye Strawberry Ugate Hain
انڈور پلانٹ ۔ ماحول دوست آرائش
Indoor Plant - Mahol Dost Aaraish
چلئے باغبانی کا آغاز کریں
Chaliye Baghbani Ka Aghaz Karen
اپنے لئے ٹماٹر خود کاشت کریں
Apne Liye Tomato Khud Kasht Karen
اپنی پالک خود اگائیں
Apni Palak Khud Ugaien
قومی پرچم کے رنگوں میں رنگا
Qaumi Parcham Ke Rangon Mein Ranga
سائے کا پودا Jade لگائیے
Saaye Ka Poda Jade Lagaiye
گھریلو باغ لگائیے
Gharelu Bagh Lagaiye
Peperomia سایہ دار پودا
Peperomia Saya Dar Poda
گھر رہے ہرا بھرا سرسبز و شاداب
Ghar Rahe Hara Bhara Sarsabz O Shadab
بات ہو جائے ہار سنگھار کی
Baat Ho Jaye Haar Singhar Ki