Besan - Article No. 1473
بیسن - تحریر نمبر 1473
زمانہ قدیم سے حسن کامحافظ
جمعہ 20 مئی 2016
بیسن زمانہ قدیم سے حسن وخوبصورتی کی حفاظت کیلئے استعمال کیاجارہاہے ۔ بیسن خاص طور پر کو گہرائی تک صاف کرنے کاکام کرتا ہے۔ پہلے دور میں بیسن کااستعمال کیاجاتا تھا اس لئے جلدی امراض کسی نہ کسی جلدی بیماری میں مبتلا ضرور نظر آتا ہے۔ بیسن ایکنی کے علان کیلئے نہایت موزوں سمجھا جاتا ہے۔ بیسن کواپنی جلد پر استعمال کرنے سے پہلے اس بات کی مکمل یقین دہانی کرلیں کہ بیسن باسی یاپرانا نہ ہو۔ ہمیشہ تازہ باریک پساہوا بیسن استعمال کریں۔ ورنہ آپ کی جلد پر خراشیں ڈال کرآپ کو مزید الجھن وپریشانی میں مبتلا کرسکتا ہے۔ خوبصورت چمکتی دمکتی جلد حاصل کرنے کے لئے گھر پر بیسن سے اپنے لئے فیس پیک تیار کریں۔ذیل میںآ پ کی جلد کی تمام اقسام کیلئے بیسن استعمال کرنے کے طریقے اور فوائد بتائے گئے ہیں۔
(جاری ہے)
خشک جلد کیلئے:
بیسن صرف چکنی جلد کی حفاظت کیلئے ہی مخصوص نہیں ہے بلکہ یہ حیرت انگیز طور پرخشک جلد کیلئے بھی نہایت بہترین وکار گرثابت ہوتا ہے۔
چکنی جلد کیلئے:
چکنی جلد کیلئے بیسن نہایت پراثر ثابت ہوتا ہے۔ جو گلینڈز اضافی آئل پیدا کرتے ہیں ان کو جذب کرنے کی خصویت رکھتا ہے۔ علاوہ اڑیں جلد کو نرم وملائم اور چمکدار بنانے میں معاونت کرتاہے۔ کسی کیمیائی اجزاء سے بھر پور فیس واش یاصابن بار کو استعمال کرنے کی بجائے اگر دن میں دوبار بیسن میں چند قطرے لیموں کے شامل کرکے اس سے منہ دھویاجائے تو چہرہ نکھرانکھرا نظرا ٓئے گا۔ چکنی جلد کی حامل خواتین بیسن میں تھوڑے قطرے عرق گلاب شامل کرکے اس کو چہرے اور گردن پر لگائیں۔ جب ماسک خشک ہوجائے تو نیم گرم پانی سے چہرہ اچھی طرح دھولیں اور تمام بیسن صاف کردیں۔ آپ اس پیک میں دودھ یادہی بھی شامل کرکے چہرے پر لگاکر خوبصورتی کوابھار سکتی ہیں۔ چکنی جلد کی حامل خواتین ہفتے میں دوبار استعمال کر سکتی ہیں۔
کیل مہاسوں اور دانوں کیلئے:
ایکنی کی شکار جلد انتہائی حساس ہوتی ہے اور اس کی خصوصی دیکھ بھال اور توجہ کی ضرورت ہوتی ہے۔ ان کے مسائل سے نمٹنے کیلئے بیسن میں شہد کو اچھی طرح مکس کرکے پیسٹ بنالیں اور پورے چہرے پر لگا لیں۔ خشک ہونے کے بعد پانی سے نہایت نرمی، ملائمت کے ساتھ صاف کر لیں۔ آپ اس کو روزانہ کی بنیاد پر لگائیں۔ شہد میں جراثیم سے لڑنے کی قابلیت وصلاحیت موجود ہوتی ہے جس کی بدولت شہد جلد سے ایکنی وپمپلز کوم کرنے اور اس کی روک تھام کرنے میں مدد گار ثابت ہوتا ہے۔ دوسری صورت میں آپ اس میں صندل پاؤڈر ،ہلدی پاؤڈر اور عرق گلاب کو مکس کر کے پیک تیار کرسکتی ہیں۔
جلد پر داغ دھبوں کیلئے:
داغ دھبوں کو ختم کرنے اور بے داغ وشگفتہ جلد پانے کیلئے بیسن میں کھیرے کارس شامل کرکے اس پیسٹ کو پورے چہرے پراپلائی کرلیں۔ خشک ہو جائے تو نیم گرم پانی سے دھولیں۔ اس پیک کو روزانہ باقاعدگی سے دن میں ایک بار ضرور لگائیں۔ یہ چہرے سے بدنما داغ دھبوں کے مٹانے میں معاون ہے۔
جھلسی ہوئی جلد کے لئے:
بیسن لیموں کا رس اور ہلدی کو خوب یکجان کر کے بلینڈ کرلیں اورعرق گلاب شامل کرکے پیسٹ تیار کرلیں۔ چہرے پر پیک اپلائی کریں اور خشک ہونے کے بعد پانی سے دھولیں۔ اس پیک کا روزانہ استعمال ناصرف آپ کی رنگت کو نکھارنے میں مدد کرکے گا بلکہ یہ آپ کی جلد کو دلکش وحسین تاثر دے گا۔ دھوپ میں جھلسی ہوئی جلد اس پیک کے استعمال سے اپنی درست حالت میں واپس لوٹ کر آسکتی ہے اور جلد کی رعنایت بحال ہوسکتی ہے۔
Browse More Women Beauty - Khoobsurti
رنگِ حنا اور کھنکتی چوڑیاں
Rang E Hina Aur Khanakti Chooriyan
آنکھیں بڑی اور خوبصورت کرنے کے انوکھے اور بہترین طریقے
Ankhain Bari Aur Khubsurat Karne Ke Anokhe Aur Behtareen Tariqe
جلد کی رنگت اور آپ کی لپ اسٹک
Jild Ki Rangat Aur Aap Ki Lipstick
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
ہوم بیسڈ اسکرب سے پیر بنائیں خوبصورت
Home Based Scrub Se Feet Banain Khoobsurat
بھنوؤں کو گھنا بنانے کے نسخے
Eyebrows Ko Ghana Banane Ke Nuskhe
لپ ماسک سے بنائیں ہونٹ خوبصورت
Lip Mask Se Banaain Hont Khubsurat
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
کاجل کے مختلف انداز
Kajal Ke Mukhtalif Andaz
سیلف گرومنگ پر توجہ دیں
Self Grooming Par Tawaja Dein
بیوٹی ٹپس
Beauty Tips