Eid Makeup - Article No. 1490
عید میک اپ - تحریر نمبر 1490
آپ آئی شیڈ نہیں لگانا چاہتیں تو صرف لائنر اور مسکارا بھی خوشمنا دکھائی دیتا ہے۔ لڑکیاں آج کل ونگ شیپ (Wing Shape) میں لائنر بہت پسند کررہی ہیں
جمعہ 1 جولائی 2016
رمضان میں مرغن کھانوں کی وجہ سے جلد تروتازہ نہیں رہتی جلد کی تازگی اور شگفتگی برقرار رکھناچاہتی ہیں تو مرغن کھانوں سے پرہیز کریں اور ان کے ساتھ ساتھ دودھ، دہی اور ملک شیک (Milk Shake) وغیرہ کا استعمال زیادہ کریں۔ جلد کی تازگی کے لئے خوراک کے علاوہ صفائی کاخیال رکھنا بھی ضروری ہے اس لئے آپ روزانہ رات کو چہرے اورگردن پر کلینزنگ مِلک (Cleansing Milk) سے ہلکا مساج کرنے کے بعد انہیں سپنچ (Sponge) یاروئی سے صاف کرلیا کریں۔ آپ سکرب مساج بھی ہیں، اکثر کہاجاتا ہے کہ سکرب مساج خود نہیں کرنا چاہیے کیونکہ بداحتیاطی سے چہرے پر چھائیاں نمودار ہونے کاخدشہ رہتا ہے لیکن اگرآپ چاہیں تو آدھا چائے کاچمچ سکرب میں تھوڑی سی مساج کریم یاموئسچرائزنگ کریم ملاکرمساج کرلیاکریں اور عید سے ایک دودن پہلے کسی اچھے سیلون سے میعاری فیشل یا سکن پالش وغیرہ کروالیں تاکہ آپ کی جلد تروتازہ ہوجائے۔
(جاری ہے)
میک اپ کیسا ہونا چاہیے:
آج کل خواتین نومیک اپ لُک (No Makeup Look) پسندکرتی ہیں کیونکہ گرمیوں میں بیس کی موٹی تہہ اچھی نہیں لگتی اسی لئے زیادہ ترخواتین بی بی کریم (B.B Cream) استعمال کرنے لگی ہیں۔ آپ بھی اپنی جلد کے مطابق کوئی میعاری بی بی کریم لے سکتی ہیں۔ اس کریم میں فاؤنڈیشن کی خوبیاں ہوتی ہیں اور یہ جلد کوزیادہ دیرتک تروتازہ رکھتی ہے اور اگر آپ بیس نہیں لگانا چاہتیں ں تو صرف کومپیکٹ پاؤڈر (Comoact Powder) کااستعمال ہی کافی ہے۔ اسی طرح ڈارک کونٹورنگ سے بھی گریز کریں جن خواتین کوجلد دوہری رنگت کی ہے، وہ گہری رنگت کوکنسیلر (Concealor) سے چھپا کربی بی کریم لگاسکتی ہیں۔ اسی طرح آنکھوں پر آپ آیہ شیڈ نہیں لگانا چاہتیں تو صرف لائنر اور مسکارا بھی خوشمنادکھائی دیتا ہے۔ ویسے دن کی تقریبات میں ارتھ ٹونز (Earth Tones) یعنی ہلکے رنگوں میں آئی شیڈ لگانے میں ہرج بھی نہیں آپ پیچ (Peach) پنک (Pink) اور بیج (Beige) وغیرہ․․․․․ آزماسکتی ہیں۔ یادرکھیں اب آنکھوں میں کاجل لگانے کافیشن نہیں رہا البتہ لڑکیاں ونگ شیپ (Wing Shape) میں لائنرکافی پسندکرتی ہیں۔ شام کی تقریبات میں آئی میک اپ ہلکاہوتو نسبتاََ گہرے رنگ کی لپ سٹک لگانے میں ہرج نہیں البتہ دن کو تقریبات میں پیچ، پنک اور ٹی پنک جیسے لپ کلرزاچھے لگتے ہیں۔ آپ ایک ہی شیڈ میں لپ سٹک لگانے کی بجائے 2یا 3شیڈ ملاکر بھی کوئی منفرد شیڈ بناسکتی ہیں۔ بہتر ہے عید کے روزکسی لنچ یاڈنر کے لئے ہلکاپھلکا میک اپ ہی کریں ہاں شادیوں پر نسبتاََ ڈارک میک اپ بھی اچھا لگتا ہے۔
Browse More Women Beauty - Khoobsurti
رنگِ حنا اور کھنکتی چوڑیاں
Rang E Hina Aur Khanakti Chooriyan
آنکھیں بڑی اور خوبصورت کرنے کے انوکھے اور بہترین طریقے
Ankhain Bari Aur Khubsurat Karne Ke Anokhe Aur Behtareen Tariqe
جلد کی رنگت اور آپ کی لپ اسٹک
Jild Ki Rangat Aur Aap Ki Lipstick
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
ہوم بیسڈ اسکرب سے پیر بنائیں خوبصورت
Home Based Scrub Se Feet Banain Khoobsurat
بھنوؤں کو گھنا بنانے کے نسخے
Eyebrows Ko Ghana Banane Ke Nuskhe
لپ ماسک سے بنائیں ہونٹ خوبصورت
Lip Mask Se Banaain Hont Khubsurat
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
کاجل کے مختلف انداز
Kajal Ke Mukhtalif Andaz
سیلف گرومنگ پر توجہ دیں
Self Grooming Par Tawaja Dein
بیوٹی ٹپس
Beauty Tips