Face Spray Banayen Ghar Mein - Women Beauty - Khoobsurti

فیس اسپرے کو اب گھر میں بھی تیار کیا جاسکتا ہے ۔یہ چہرے کو ترو تازہ ‘شاداب اور ٹھنڈارکھتا ہے ۔گلاب کی پتیوں کا اسپرے بنانے کے لیے پتیوں کورات بھر پانی میں بھگوکر رکھ دیں ۔صبح کو اس پانی کو اُبال لیں یہاں تک کہ پانی آدھا رہ جائے۔ٹھنڈا ہونے پر اس میں اپنی پسند کے مطابق تلسی یا چنبیلی کا تیل شامل کریں اور اسپرے بوتل میں بھر کر رکھ لیں ۔

(جاری ہے)

چکنی جلد کے لیے نیم کے پتوں کو اُبالیں اس میں تھوڑا سا لونگ کا تیل شامل کریں ۔یہ اسپرے چکنی جلد اور ایکنی کے لیے مفید ہے ۔صندل کے پیسٹ کو لیمن جوس کے ساتھ مکس کر کے بوتل میں بھرلیں جب ضرورت ہوں استعمال کریں یہ بہترین خوشبو ہے ۔تیل شامل کرنے سے پہلے دیکھ لیں کہ اسپرے کو ٹھنڈا ہو نا چا ہیے تمام اسپرے استعمال کے بعد فریج میں رکھیں ۔