Hathoon Ki Ehmiyat - Article No. 2369
ہاتھوں کی اہمیت - تحریر نمبر 2369
ہاتھوں کو بھی اتنی ہی توجہ اور نگہداشت کی ضرورت ہے جتنی آپ کے چہرے کو ہے ۔
بدھ 17 جون 2020
جی ہاں !یہ سچ ہے کہ سڈول اور نرم وملائم ہاتھ انسانی شخصیت کو چار چاند لگانے میں معاون کردار ادا کرتے ہیں ۔ہاتھوں کو بھی اتنی ہی توجہ اور نگہداشت کی ضرورت ہے جتنی آپ کے چہرے کو ہے ۔آپ نے دیکھا ہو گا کہ کسی مباحثے میں ایک مقرر جس روانی سے بول رہا ہوتا ہے اتنی ہی روانی سے اس کے ہاتھ بھی مختلف ایکشن پلے کر رہے ہوتے ہیں یعنی بیک وقت وہ دماغ اور ہاتھوں سے کام لے رہا ہوتا ہے اس سے یہ واقعہ ہوا کہ ہاتھوں کی بھی زبان ہوتی ہے جو جو مد مقابل یا سامعین کو محصور کر دیتی ہے۔
لیکن فی زمانہ ہم جو کچھ دیکھتے ہیں اس کا لب لباب یہ ہے کہ خواتین اپنی پوری توجہ صرف چہرے پر ہی دیتی ہیں اور جسم کے باقی اعضاء مثلاً گردن،کا ن،ہاتھ،پیر اور ناخن وغیرہ کو یکسر نظر انداز کر دیتی ہیں۔(جاری ہے)
آپ خود سوچیں کہ ایک پری چہرہ کے ہاتھ اگر بھدے اور کالے ہوں اور ناخن بے ترتیب ہوں تو کیا آپ اسے پسند کریں گی؟یقینا نہیں۔ ہم اپنے ہاتھوں سے دن بھر مشقت لیتے ہیں۔
گرمیوں میں ہاتھوں کو خصوصی توجہ کی ضرورت ہوتی ہے کیونکہ تپش کے باعث یہ سیاہ پڑ جاتے ہیں لہٰذا جب بھی کسی کام کے لئے گھر سے باہر نکلیں تو ہاتھوں پر کپڑے کے دستانے چڑھالیں۔دستانے پہننے سے قبل کوئی معیاری کریم یا لوشن لگانا نہ بھولیں۔ایک لوشن کی بوتل اپنے باورچی خانے میں بھی رکھیں۔کچن کے کام کاج نپٹا کر ہاتھوں پر لوشن لگا لیں۔پانی کے تمام کام مثلاً برتن دھونا وغیرہ کرنے سے قبل دستانے پہن لیں۔برتنوں کا میل کچیل،چکناہٹ اور برتن دھونے سے صابن یا لیکویڈ میں شامل کیمکلز ہاتھوں کی حساس جلد کے لئے بے حد نقصان دہ ثابت ہوتے ہیں اور ان کے باعث ہاتھوں پر جھریاں پڑنے اور جلد کے کھردرے ہونے کا خدشہ بھی لاحق رہتا ہے۔
ہاتھوں کے ساتھ ساتھ کہنیاں اور بازو بھی ہر وقت آپ کی توجہ کے طالب رہتے ہیں ۔عموماً دیکھا گیا ہے کہ آدھی آستین Half Sleevesیا Sleevelessقمیضیں پہننے کے باعث بازو اور کہنیاں کالی پڑجاتی ہیں جو کہ دیکھنے میں اچھی نہیں لگتی ہیں لیکن مسئلہ یہ ہے کہ کالی کہنیاں بازو یا ہاتھ کسی کریم یا لوشن سے دوبارہ صاف ہونے کا نام ہی نہیں لیتے ہیں۔یاد رکھیں کہ انہیں دوبارہ اپنی اصل میں لانے کے لئے تھوڑا وقت درکار ہوتا ہے ۔کوئی بھی کام راتوں رات نہیں ہوا کرتا ہے ۔اس کے لئے صبر،تحمل اور وقت کی ضرورت ہوتی ہے۔ایک آسان حل حاضر خدمت ہے۔لیموں کا رس نچوڑ کر اس کے چھلکے کو کہنیوں اور بازوؤں پر روزانہ ملیں۔اس عمل کو کرنے کے لئے آپ کو اپنی مصروف زندگی سے چند منٹ نکالنے کی بھی ضرورت نہیں ہے بلکہ آپ ٹی۔وی دیکھتے ہوئے فون پر بات کرتے یا اخبار پڑھتے ہوئے بھی یہ آسان عمل کر سکتی ہیں ۔چند ہی دنوں میں آپ محسوس کریں گی کہ دھوپ سے جھلسی ہوئی جلد دوبارہ اپنی اصلی حالت میں آگئی ہے۔بعض خواتین گرم مہینوں میں پوری آستین سلوایا کرتی ہیں تاکہ ان کے سڈول اور دلکش بازو Sub bumسے محفوظ رہ سکیں ۔لیکن اگر آپ روزانہ لیموں کا چھلکا بازوؤں پر رگڑنے کی عادت اختیار کرلیں تو پھر خوش ہو جائیے کہ اپنی من پسند Half Sleevesیا Sleeveleesقمیض سلوا سکتی ہیں۔
Browse More Women Beauty - Khoobsurti
رنگِ حنا اور کھنکتی چوڑیاں
Rang E Hina Aur Khanakti Chooriyan
آنکھیں بڑی اور خوبصورت کرنے کے انوکھے اور بہترین طریقے
Ankhain Bari Aur Khubsurat Karne Ke Anokhe Aur Behtareen Tariqe
جلد کی رنگت اور آپ کی لپ اسٹک
Jild Ki Rangat Aur Aap Ki Lipstick
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
ہوم بیسڈ اسکرب سے پیر بنائیں خوبصورت
Home Based Scrub Se Feet Banain Khoobsurat
بھنوؤں کو گھنا بنانے کے نسخے
Eyebrows Ko Ghana Banane Ke Nuskhe
لپ ماسک سے بنائیں ہونٹ خوبصورت
Lip Mask Se Banaain Hont Khubsurat
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
کاجل کے مختلف انداز
Kajal Ke Mukhtalif Andaz
سیلف گرومنگ پر توجہ دیں
Self Grooming Par Tawaja Dein
بیوٹی ٹپس
Beauty Tips