Khoobsoorat Jild K Liay Chand Aasan Gharelu Totkay - Article No. 1465
خوبصورت جلد کے لئے چند آسان گھریلو ٹوٹکے - تحریر نمبر 1465
چہرے پر بلیک ہیڈز(Blackheads) کا مسئلہ ہے تو لیموں کا ایک ٹکڑا کاٹ لیں اور صبح شام پورے چہرے پر مساج کریں، چہرہ حیرت انگیز طور پر شفاف ہوجائے گا۔
جمعہ 6 مئی 2016
لیموں بہترین موئسچرائزنگ (Moisturizing) کاکام بھی کرتا ہے۔ خصوصاََ خشک جلد کے لئے لیموں کا رس شہد اور زیتون کا تیل ہم وزن لے کر اچھی طرح مکس کریں۔ یہ مکسچر چہرے پا لگاکر 8سے 10منٹ تک چھوڑدیں․․․․․․․ اس کے بعد نیم گرم پانی سے چہرہ دھولیں۔
ناخنوں کی مضبوطی اور چمک کے لئے لیموں کا رس پانی میں ملائیں اور 10سے 15منٹ تک ہاتھوں کو پانی میں ڈبو کر رکھیں۔ اس کے بعدناخنوں کو کسی برش کی مدد سے اچھی طرح صاف کرلیں۔
اکثر زیادہ پیدل چلنے سے پاؤں تھکن سے چور ہوجاتے ہیں ، اگر ایسا ہوتو اس صورت میں پیروں کو گرم پانی سے اچھی طرح دھو کر اُن پر لیموں مل لیں۔
(جاری ہے)
اس سے تھکن دور ہوجاتی ہے اور سکون ملتا ہے۔
دراصل گرم پانی سے پیروں کے مسام کھل جاتے ہیں اور لیموں کا رس انہیں ٹھنڈک پہنچاتا ہے۔پیروں میں جلن کی صورت میں ایک بڑا لیموں کاٹ کر تلوؤں اور ایڑھیوں پر گڑیں اس سے نہ صرف جلن ختم ہوگی بلکہ پیروں میں ہونے والا داور کھچاؤ بھی کم ہوجائے گا ۔
دھوپ سے چہرے کی رنگت اکثر دورنگی ہوجاتی ہے․․․․․․ اس صورت میں رات کو لیموں کا رس اور عرق گلاب ہم وزن لے کر چہرے پر لگائیں، رات بھر اسے لگا رہنے دیں اور صبح نیم گرم پانی سے چہرہ دھو لیں چند ہی دنوں میں آپ کی جلد پرکشش اور شفاف ہوجائے گی۔
اگر آپ کی آنکھوں کے گرد سیاہ حلقے پیدا ہوچکے ہیں تو دودھ کی بالائی میں لیموں کا رس مل کر ماسک کی طرح آنکھوں پر لگائیں اور 20منٹ بعد انہیں دھودیں، اس سے نہ صرف جلد شفاف چمکدار ہوجائے گی بلکہ حلقے بھی ختم ہوجائیں گے۔
چہرے کی رونق بڑھانے اور رنگت نکھارنے کے لئے ایک بڑا چمچہ ککڑی کارس چند قطرے لیموں کا رس اور چٹکی بھر ہلدی مکس کرکے گردن اور چہرے پر لیپ کریں، آدھے گھنٹے بعد دھوکر تولئے سے پونچھ لیں، چہرہ نکھرجائے گا۔
لیموں کے ٹکڑے سے ناخنوں پر ہلکاہلکا مساج بھی ان کی خوبصورتی اور چمک میں اضافہ کرتا ہے۔
لیموں کا استعمال کیل مہاسے پیدا کرنے والے بیکٹیریا کو ختم کرنے میں مدد دیتا ہے۔ اینٹی آکسیڈنٹس سے بھرپور لیموں کے رس کو براہ راست یاایک گلاس پانی میں مکس کرکے جلد پر آزمائیں، اس سے آپ نہ صرف کیل مہاسوں سے نجات حاصل کرلیں گی بلکہ آپ کی جلد بھی نرم وملائم ہوجائے گی۔
Browse More Women Beauty - Khoobsurti
رنگِ حنا اور کھنکتی چوڑیاں
Rang E Hina Aur Khanakti Chooriyan
آنکھیں بڑی اور خوبصورت کرنے کے انوکھے اور بہترین طریقے
Ankhain Bari Aur Khubsurat Karne Ke Anokhe Aur Behtareen Tariqe
جلد کی رنگت اور آپ کی لپ اسٹک
Jild Ki Rangat Aur Aap Ki Lipstick
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
ہوم بیسڈ اسکرب سے پیر بنائیں خوبصورت
Home Based Scrub Se Feet Banain Khoobsurat
بھنوؤں کو گھنا بنانے کے نسخے
Eyebrows Ko Ghana Banane Ke Nuskhe
لپ ماسک سے بنائیں ہونٹ خوبصورت
Lip Mask Se Banaain Hont Khubsurat
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
کاجل کے مختلف انداز
Kajal Ke Mukhtalif Andaz
سیلف گرومنگ پر توجہ دیں
Self Grooming Par Tawaja Dein
بیوٹی ٹپس
Beauty Tips