
Shadiyoon Ka Session - Women Beauty - Khoobsurti
شادیوں کا سیزن - خوبصورتی
منگل 21 اکتوبر 2014

عنبرین فاطمہ:
شادی بیاہ جیسی تقریبات کو یادگار بنانے کیلئے ملبوسات کی تیاری ایک اہم مرحلہ ہوتا ہے آج کل جیسا کہ شادیوں کا سیزن عروج پر ہے خواتین بازاروں میں عروسی ملبوسات کو منفرد بنانے کیلئے جا بجا خریداری کرتی نظر آتی ہیں۔ڈیزائنرز بھی اس ضمن میں کسی سے پیچھے نہیں ہیں۔حال ہی میں لاہور میں برائیڈل ویک کا انعقاد ہوا جس میں 16سے زائد ڈریس ڈیزائنرز نے اپنی اپنی برائیڈل کلیکشن پیش کی جس کو بہت سراہا گیا۔پیش کردہ تمام کلیکشن کی خاص بات یہ رہی کہ اس میں ہر ڈیزائنر کے اپنی کلیکشن میں نت نئے تجربات سے کام لیا۔اس وقت پاکستانی فیشن اس موڑ پر ہے جہاں رنگوں اور ڈیزائنز کی کوئی قید نہیں رہی آپ اپنی مرضی کے مطابق کسی بھی رنگ اور کٹ کا عروسی جوڑا بنواسکتی ہیں۔
شادی بیاہ جیسی تقریبات کو یادگار بنانے کیلئے ملبوسات کی تیاری ایک اہم مرحلہ ہوتا ہے آج کل جیسا کہ شادیوں کا سیزن عروج پر ہے خواتین بازاروں میں عروسی ملبوسات کو منفرد بنانے کیلئے جا بجا خریداری کرتی نظر آتی ہیں۔ڈیزائنرز بھی اس ضمن میں کسی سے پیچھے نہیں ہیں۔حال ہی میں لاہور میں برائیڈل ویک کا انعقاد ہوا جس میں 16سے زائد ڈریس ڈیزائنرز نے اپنی اپنی برائیڈل کلیکشن پیش کی جس کو بہت سراہا گیا۔پیش کردہ تمام کلیکشن کی خاص بات یہ رہی کہ اس میں ہر ڈیزائنر کے اپنی کلیکشن میں نت نئے تجربات سے کام لیا۔اس وقت پاکستانی فیشن اس موڑ پر ہے جہاں رنگوں اور ڈیزائنز کی کوئی قید نہیں رہی آپ اپنی مرضی کے مطابق کسی بھی رنگ اور کٹ کا عروسی جوڑا بنواسکتی ہیں۔
(جاری ہے)
آج ہلکا کام اور ماڈرن کٹس پر زیادہ توجہ دی جارہی ہے نقشہ دبکہ اور تلے کا کام خاصا کامن ہے جبکہ ریشم اور دھاگے کا کام آج بھی اپنے اندر انفرادیت قائم رکھے ہوئے ہے۔
قمیضوں کے پینل بھی قدرے کم اور ساٹن سلک کی پٹیاں قمیضوں کے گھیرے،گلا بازو اور دوپٹے کے کناروں پر لگائی جا رہی ہیں۔مختلف رنگوں میں دستیاب یہ پٹیاں ڈریس پر لگانے کے بعد کسی قسم کے کام کی ضرورت باقی نہیں رہتی۔اس قسم کی پٹیاں زیادہ تر وہ لوگ استعمال کرتے ہیں جن کا بجٹ محدود ہوتا ہے ورنہ روایتی کام کی اہمیت آج بھی کم نہیں ہوئی بلکہ پچاس برس قبل ملبوسات پر کئے جانے والا کام موجودہ دور میں خوب پسند کیا جا رہا ہے۔اس کی واضح مثال عروسی لباس پر تلہ،نقشی،دبکہ،گوٹا اور گوٹے کی پٹیوں پر ”دبکہ“ کا کام کیا جانا ہے۔اگر ہم تین چار دہائیوں قبل کے عروسی ملبوسات دیکھیں تو ان پر گوٹے ،نقشی دبکہ اور تلے کا کام واضح نظر آئے گا۔اب تو گوٹے کے رنگوں میں بھی ورائٹی موجود ہے باقاعدہ ہر رنگ میں گوٹا دستیاب ہے۔پہلے صرف بارات کا جوڑا بنانے پر تمام تر توجہ مرکوز رہتی تھی لیکن اب تو مہندی اور مایوں کے ملبوسات کی بھی بھرپور تیاری کی جاتی ہے بلکہ آڈر پر بنوائے جاتے ہیں اوریہ رجحان خاصا بڑھتا ہوا دکھائی دے رہا ہے۔فیشن کی دنیا میں کس قسم کے عروسی ملبوسات چل رہے ہیں اس حوالے سے ہم نے چند ایک فیشن ڈیزائنرز سے بات چیت کی۔ ”کامیار روکنی“ نے کہا کہ گزشتہ دو تین برسوں سے فیشن ٹرینڈز تیزی سے تبدیل ہو رہے ہیں اور برائیڈل ڈریسز میں تو خاصی ورائٹی آگئی ہے یہی وجہ ہے کہ تمام فیشن ڈیزائنرز منفرد تجربات سے کام لے رہے ہیں۔روایتی موٹیوزاور راجھستانی رنگ خاصے مقبول ہیں،خصوصی طور پر لال اور شاکنگ پنک رنگوں کو استعمال کیا جا رہا ہے۔”حاجرہ حیات“ نے کہا کہ میری ہمیشہ کوشش رہی ہے کہ ایسے برائیڈل ڈریسز تیار کئے جائیں جس میں ہماری ثقافت کے رنگ نمایاں ہوں۔”نکی اینڈ نینا“ نے کہا کہ آج کل 1930ء کا کام چل رہا ہے جالی کے دوپٹے ،غرارے ،چھوٹی اور لمبی دونوں طرح کی قمیضیں حتیٰ کہ مون لائٹ بھی فیشن میں خاصی مقبول ہے۔سٹونز،دبکے کا کام ،نقشی گوٹے کو بھی ترجیح دی جا رہی ہے۔گوٹے کا فیشن دوبارہ دیکھنے میں آرہا ہے ،غراروں پر پٹی پاجامہ ،چھوٹی بیلٹ والے فراق اور سرخ کے ساتھ برائٹ رنگ چل رہے ہیں۔”آصفہ نبیل “ نے کہا کہ آج کل جالی کا استعمال بہت ہی خوبصورت انداز سے کیا جا رہا ہے۔بلاشبہ جالی کے بازو اوردوپٹوں پر مختلف قسم کا کام اور کام والی پٹیاں لباس کی خوبصورتی میں مزیداضافہ کرتی ہیں۔لڑکیاں ماڈرن طرز کے روایتی لباس پہننا زیادہ پسند کر رہی ہیں اور اسی چیز کو مد نظر رکھتے ہوئے ہم ڈریس ڈیزائنرز بھی عروسی ملبوسات کی تیاری کر رہے ہیں۔مغربی عروسی جوڑا یعنی میکسی سے ملتی جلتی قمیضوں کا استعمال لہنگوں اور شراروں کے ساتھ بلاشبہ ایک نیا تجربہ ہے۔جالی کی قمیضیں اور ان کے گھیروں پر جامہ ور اور مختلف قسم کی پٹیاں لگا کرلہنگے کی شرٹ کو سجایا جا رہا ہے۔ لہنگے اور غراروں کے ساتھ لانگ گاؤن اور اسپر خوبصورت کام بھی خواتین کی توجہ کا مرکز بنا ہوا ہے۔اس کے علاوہ کرسٹل کے موتیوں کے موٹیوز بھی فیشن میں مقبول ہیں۔ ایک زمانے میں ہیوی شرٹس اور دوپٹوں کا رواج بہت عام ہو رہا تھا لیکن اب صرف قمیض کے گھیرے اور گلے پر کام چل رہا ہے۔
تاریخ اشاعت:
2014-10-21
Your Thoughts and Comments
Special Women Beauty - Khoobsurti article for women, read "Shadiyoon Ka Session " and dozens of other articles for women in Urdu to change the way they live life. Read interesting tips & Suggestions in UrduPoint women section.
مزید خوبصورتی سے متعلق
Articles and Information
بچے کی نگہداشتبچوں کی پرورش اور غلط نظریاتمحبت اور جزباتی خلفشارخواتین کی خوبصورتیمیک اپ کرنے کے طریقے اور تجاویزبالوں کی نگہداشت اور سٹائلنگبالوں کو رنگنے کے طریقے اور تجاویزچہرے کی حفاظتجلد کی حفاظتچہرے کا فیشل، بلیچ اور مساجخوبصورتی کے نئے اندازدلہن اور شادی کا میک اپخواتین کا مساج، چہرے اور باڈی کا مساجبالوں کیلئے شیمپو کا استعمالخواتین کیلئے وزن کم کرنے کی ورزشیںںاخنوں کی حفاظت اور خوبصورتیخواتین سے متعلقہ متفرق ویڈیوزاسلام اور عورتگھریلو ٹوٹکے خواتین کیلئے مضامینمختلف رویےخواتین کے ملبوسات 100 نامور خواتینخانوادئہ رسولقرونِ اولیٰعظیم مائیںعظیم بیویاںفن اور ادب میں نام پیدا کرنے والی خواتینمشہور سیاستدان اور حکمران خواتینفلاحِ عام کرنے والی مشہور خواتینمشہور کھلاڑی خواتین مشہور آرٹسٹ خواتینبدنصیب عورتیںگھر کی آرائشخواتین کیلئے خریداری کے طریقےابتدائی طبی امدادخواتین کیلئے باغبانی کے مشورےکامیاب شادی شدہ زندگیPicture Galleries
مہندی کے ڈئزائنہاتھوں کے مہندی کے ڈئزائنپیروں کے مہندی کے ڈئزائن ABOUT US
Our Network
Who We Are
Site Links: Ramadan 2022 - Education - Urdu News - Breaking News - English News - PSL 2021 - Live Tv Channels - Urdu Horoscope - Horoscope in Urdu - Muslim Names in Urdu - Urdu Poetry - Love Poetry - Sad Poetry - Prize Bond - Mobile Prices in Pakistan - Train Timings - English to Urdu - Big Ticket - Translate English to Urdu - Ramadan Calendar - Prayer Times - DDF Raffle - SMS messages - Islamic Calendar - Events - Today Islamic Date - Travel - UAE Raffles - Flight Timings - Travel Guide - Prize Bond Schedule - Arabic News - Urdu Cooking Recipes - Directory - Pakistan Results - Past Papers - BISE - Schools in Pakistan - Academies & Tuition Centers - Car Prices - Bikes Prices
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.