Chahray Ko Bhapp Ka Ghusal - Article No. 1602

چہرے کو بھاپ کا غسل ۔
مقامی بھاپ کا غسل (Local Steam Bath) چہرے کی خوبصورتی اور صحت کے لیے بہت مفید ہے۔ایک کھلے منہ کے برتن میں پانی ڈال کر چولھے پر چڑھا دیں۔جب بخارات اٹھنے لگیں گے تو چہرے کو ان پر لائیں۔آنکھیں بند کرلیں۔جب تک چہرے پرپسینہ نہ ا ٓجائے ایسا کیے جائیں۔ خوب پسینہ آجائے تو چہرہ گیلے تولیے سے پونچ لیں حتٰی کے اعتدال کی حالت پرآجائے ۔

اس کے لیے یہ ضروری ہے کہ غسل یعنی فیشل باتھ بند کمرے میں کیا جائے۔آجکل سوانا باتھ یا روغن زیتون مساج کیا جاتا ہے۔اگر آپ چہرے اور بدن کی جلد خشک ہے تو آپ کے لیے روغن غسل بہت مفید ہے ۔اس مقصد کے لیے روغن زیتون بہت بہتر ہے۔ روغنی غسل کاطریقہ یہ ہے کہ پہلے تو نیم گرم پانی میں نہائیں،تاکہ جسم کے مسامات کھل جائیں۔

(جاری ہے)

پھر روغن زیتون کو نیم گرم کرکے بدن اور چہرے پر اس کی مالش کریں۔

یہ عمل سردی کے موسم میں بہت مفید ہیں۔اگر آپ کے چہرے کی جلد قدرتی طور پر خشک ہے تو بھاپ لینے سے گریز کریں اور اپنے چہرے کو خشک ہوا سے بھی بچائیں۔ چہرے پر برف والے پانی کے چھینٹے مارنے سے دوران خون تیز ہوتا ہے۔چہرے پر پھول سی شگفتگی آجاتی ہے۔چہرے کی جلد کی ساخت (Texture) ملائم ہوتی ہے۔لیکن فیشل آئس باتھ گرمیوں میں کیا جاتا ہے۔اگر آپ چہرے پر برف کا استعمال صبح کے وقت کریں تو دن کا ایک خوشگوار آغاز ہوگا۔اگر اس کا استعمال بعد دوپہر کریں تو سارے دن کی تھکن دور ہوجائے گی ۔اگرشام کے وقت کسی دعوت یا تقریب میں شرکت کرنا ہوتو آپ کی جلد شبنم کی طرح تروتازہ ہوجائے گی۔فیشل آئس باتھ ہفتے میں دوبار کریں۔اس عمل پر فقط دس منٹ صرف ہوتے ہیں۔فیشل آئس باتھ کا طریقہ درج ذیل ہے۔
1۔ چہرے کو اچھی طرح صاف کریں اور اپنے بالوں کو اچھی طرح لپیٹ لیں۔شاور کیپ(Shower Cap) پہن لینا بھی مفید ہے۔ایک چلمچی میں ڈیڑھ سیر پانی لیں۔اس میں ایک سیر برف کے ٹکرے ڈالیں۔
2۔ہاتھوں میں ربڑ کے دستانے پہن لیں تاکہ ہاتھ ٹھنڈے یخ پانی سے سن نہ ہوں۔ربڑ کے دستانوں سے پہلے سوتی دستانے پہنیں۔آپ چہرے پر دونوں ہاتھوں سے پانچ بار چھینٹے ماریں۔
3۔اب گردن پر پانچ بار چھینٹے ماریں۔پھر پانچ بار چہرے پر چھینٹے ماریں۔یہ عمل اس طرح دہراتی رہیں جب تک کہ گردن اور چہرے پر ۲۰۔۲۵ چھینٹے نہ مارے جاچکیں۔
4۔چہرے اور گردن کو نرم تولیے سے تھپتھپا کر خشک کریں۔
5۔چہرے پر کوئی ایسی کریم لگائیں جس سے جلد نرم ہوتی ہو۔کوئی اچھی سے وینشنگ کریم بھی مفید ہے۔
6۔برف کے استعمال کے بعد چہرے پر ہمیشہ ہلکا میک اپ کریں۔لپ سٹک اور تھورا مسکارا بھی لگائیں۔
فیشل آئس باتھ سے چہرے میں دوران خون تیز ہوتا ہے۔جلد کے خلیوں کو تقویت ملتی ہے۔ تروتازہ ہوکر چہرہ نکھرتا ہے اور اس سے ایک فائدہ یہ بھی ہے کہ چہرے کے روئیں خود بخود جھڑجاتے ہیں۔اس کے علاوہ چہرے کی روئیں دور کرنے کے لیے سونی ویکس،ونڈر ویکس الزبتھ آرڈن الیکڑا ہیئر اریڈی کیٹر(Hair Eradicator Electra) بھی استعمال کیا جاتے ہیں۔