Mustahri Hadssat - Article No. 1701
مشتہری کے حادثات - تحریر نمبر 1701
اگر خون بہہ رہا ہو تو سب سے پہلے اسے بند کریں پھر زخم کی حالت کے مطابق پہلے اس کے اردگرد کی سطح کو پاک صاف کریں اور اس دوران میں زخم کو ڈھانپے رکھیں
جمعرات 14 دسمبر 2017
اس ضمن میں معمولی خراش سے لے کر عضو مجروح کے بالکل بے کار ہوجائے ہر قسم کے زخم پائے جائیں گے اگر خون بہہ رہا ہو تو سب سے پہلے اسے بند کریں پھر زخم کی حالت کے مطابق پہلے اس کے اردگرد کی سطح کو پاک صاف کریں اور اس دوران میں زخم کو ڈھانپے رکھیں اور کوئی بیرونی شے اس کے اندر نہ جانے دیں جلد کو صاف کرتے وقت زخم کنارے سے شروع کرکے باہر کی طرف کپڑا پھیر یں اور کپڑے کو باہر کی طرف سے زخم کنارے کی طرف نہ لائیں اس سے جلد کی گندگی زخم کی طرف نہ آنے پائے گی پھر زخم پر خوب اچھی طرح پانی بہاکر اسے صاف کریں پانی چرانے کا خوف نہ کھائیں یہ خام خیالی ہے جہاں تک ممکن ہو عضو کو اپنی اصلی حالت پر لانے کی کوشش کریں اگر ہڈی ٹوٹ گئی ہو یا جوڑ ٹل گیا ہو تو مجروح عضو پر پٹی لپیٹ کر اسے فوراً ہسپتال لے جائیں یا کسی ماہر فن کا مشورہ حاصل کریں۔
(جاری ہے)
پیٹ کے اندر کے احشا کا مجروح ہونا: اگر پیٹ کی دیوار پر نیل یا خراش آئی ہو بالخصوص جب گاڑی کا پہیا گزر گیا ہو تو یہ حالت خطرناک ثابت ہوسکتی ہے ظاہری زخم کی عدم موجودگی میں بھی اندرونی اعضا بری طرح مجروح ہوسکتے ہیں مریض کو فوراً ہسپتال پہنچائیں۔
جلنا اور جھلسنا: جلنے اور جھلسنے کے حادثے میں کئی قسم کے زخم پائے جاتے ہیں اور اس لیے کسی ایک قسم کا طرز علاج اختیار کرنا بے سود ہوتا ہے ہرمحدوث کا علاج حادثے کے مطابق کریں کئی ایک علاج بیان کیے جاتے ہیں ان میں سے کسی کو فراموش نہ کریں اور نہ ہی کسی ایک پر کلی انحصار کریں گاہے ایک سے فائدہ ہوگا اور گاہے دوسرے سے،یہ حادثہ اکثر آگ رگڑ اور کیمیاوی اشیا سے پیش آتا ہے اوراُبلتے ہوئے پانی یا دیگر سیال چیزوں کے بدن پر پڑجانے سے بھی اس کا ایک حصہ جھلس جاتا ہے جب حادثہ شدید ہو تو اس سے تمام جسم متاثر ہوتا ہے صرف وہی حصہ نہیں جو جلانے والی شے کی زد میں آگیا ہے اس قسم کے اکثر حادثات سے اپنے آپ کو محفوظ رکھا جاسکتا ہے بشرطیکہ معمولی احتیاط سے کام لیا جائے،جلنے کی دو قسمیں ہوتی ہیں ایک سطحی اور دوسری گہرائی پر،فوری امداد اور علاج کا مقصد یہ ہوتا ہے:
۱۔محدوث کا مزید نقصان سے بچایا جائے،
۲۔زخموں کو تعدی(جراثیم) کے حملے سے بچایا جائے،
۳۔جلنے سے جسم کو جو نقصان پہنچتا ہے اس کا تدارک کیا جائے،
۴۔محدوث کو تسلی دی جائے کہ جو کچھ اس کے لیے کیا جاسکتاہے اسے بہترین طریقے پر سرانجام دیا جارہا ہے۔
۵۔اگر ضرورت ہو تو محدوث کو جس قدر جلد ہوسکے ہسپتال پہنچا دیا جائے یا ماہر فن کی امدا د حاصل کی جائے،
محدوث کو مزید نقصان سے بچانے کے لیے ضروری ہے کہ اسے سبب سے دور کیاجائے یا سبب کو اس سے دور کردیا جائے یاد رکھیں کہ جلتی ہوئی شے سے اٹھتا ہوا دھواں زیادہ نقصان دہ ہوتاہے اور زیادہ اموات کا باعث ہوتاہے بجائے واقعی آگ سے اور یہ بھی یاد رکھیں کہ منہ اور چہرے پر خشک یا بھیگا ہوا کپڑا ڈال لینے سے دھوئیں کے اثرات سے انسان محفوظ نہیں ہوجاتا اگر آپ کمرے کے اندر داخل ہورہے ہیں تو دروازوں کو بڑی احتیاط سے کھولیں کیونکہ جب دروازہ کھولا جاتا ہے تو گرم ہوا یا جھونکا یا آگ کا شعلہ باہر کو لپکتا ہے اور امداد کرنے والے کو بھی جھلس دیتا ہے اور جب کمرے کے اندر داخل ہوں تو یہ انتظام کرلیں کہ داخل ہونے کے بعد دروازہ پھر بند نہ ہوجائے پھر جب کمرے میں داخل ہوں تو پیٹ کے بل رینگتے ہوئے داخل ہوں کیونکہ فرش کے قریب ہوا کی مقدار زیادہ ہوتی ہے اور جب تلاش شروع کریں تو سوچے سمجھے منصوبے کے ماتحت عمل کریں،یاد رہے کہ ایسی حالت میں لوگ کمرے کے اندر پڑی ہوئی الماریوں کے پیچھے یا چارپائی کے نیچے چھپنے کی کوشش کرتے ہیں ان جگہوں کو ضرور اچھی طرح دیکھ لینا چاہیے ہوسکتا ہے کہ محدوث نیند کے دوران دھوئیں سے بے ہوش ہو کروہیں پڑا ہوا ہو،کمرے سے جلدی باہر آنے کی کوشش کریں اگر آپ یہ نہیں جانتے کہ بے ہوش انسان کندھوں پر اٹھاکر کیسے باہر لایا جاسکتا ہے توکمرے میں داخل ہونے کی کوشش نہ کریں اگر آپ کمرے سے باہر نکلنے کا راستہ بھول گئے ہوں تو گھبرائیں نہیں دیوار کا سہارا ڈھونڈ کر اس کے ساتھ ساتھ چلتے آئیں تو بالآخر آپ اس دروازے تک پہنچ جائیں گے جہاں سے آپ کو باہر نکلنا ہے۔
Browse More Child Care & Baby Care Articles
چھوٹے بچے روزہ رکھیں تو والدین کیا کریں
Chote Bache Roza Rakhain To Waldain Kya Karen
بچوں کی دیکھ بھال میں دادا دادی کا تعاون ماں کا ڈپریشن کم کرتا ہے
Bachon Ki Dekh Bhaal Mein Dada Dadi Ka Taawun Maa Ka Depression Kam Karta Hai
شیر خوار بچے اور ٹھوس غذا
Sheer Khawar Bache Aur Thos Ghiza
بچوں کا غصیلا رویہ اور بد مزاجی
Bachon Ka Ghuseela Rawaya Aur Bad Mizaji
بچے کی نشوونما میں کمی
Bache Ki Nashonuma Mein Kami
بچوں کو ٹھنڈ لگنے سے بچائیں
Bachon Ko Thand Lagne Se Bachaain
آٹزم
Autism
بچے انگوٹھا کیوں چوستے ہیں
Bache Angutha Kyun Chuste Hain
اٹیچمنٹ اسٹائل سائیکالوجی
Attachment Style Psychology
صحت مند عادات
Sehat Mand Aadaat
رمضان میں بچوں کا رکھیں زیادہ خیال
Ramzan Mein Bachon Ka Rakhain Ziada Khayal
بچوں سے کسے پیار نہیں
Bachon Se Kise Pyar Nahi