Khushnuma Bawarchi Khana - Article No. 2536
خوشنما باورچی خانہ - تحریر نمبر 2536
گھر کی صحت کا مرکز
منگل 2 مارچ 2021
باورچی خانہ (Kitchen) گھر کا وہ حصہ ہوتا ہے جہاں گھر کے تمام افراد کے لئے کھانے پکانے کا انتظام کیا جاتا ہے۔جس طرح گھر کے تمام کمرے اور حصے اپنی صفائی اور آرائش و زیبائش میں آپ کی توجہ چاہتے ہیں بالکل اسی طرح باورچی خانہ بھی اپنی صفائی اور زیب و آرائش کے بارے میں آپ کی توجہ مانگتا ہے۔کہا جاتا ہے کہ اچھی عورت کا سلیقہ اس کے باورچی خانے کی صفائی سے لگایا جا سکتا ہے۔باورچی خانہ کسی بھی گھر کی صحت کا مرکز ہوتا ہے۔یہاں ہونے والی ہر سرگرمی پورے کنبے کی صحت پر اثر انداز ہوتی ہے۔اگر عورت اپنے باورچی خانے کو صاف رکھے گی تو ہی کھانا بھی حفظان صحت کے اصولوں کے مطابق تیار کیا جا سکے گا۔
اکثر اوقات یہ دیکھنے میں نظر آتا ہے کہ گھر کی سجاوٹ پر تو توجہ دی جاتی ہے مگر کچن کی سجاوٹ کو نظر انداز کر دیا جاتا ہے۔
(جاری ہے)
کچن کیبنٹس میں اپنے برتنوں اور استعمال ہونے والی اشیاء اور اپلائنسز کو احتیاط سے رکھیں کچھ دنوں بعد ہی ان کی صفائی کا انتظام کریں۔ اس بات کا بے حد خیال رکھیں کہ کہیں فالتو اشیاء ان میں جمع نہ ہو جائیں اور اس بات کی بھی کوشش کریں کہ کچن کیبنٹس میں روشنی کا معقول انتظام ہوتا کہ وہاں روشنی کے باعث ہر چیز ڈھونڈنے میں آسانی ہو۔کچن اپلائنسز کا انتخاب اپنی سہولت اور ضرورت کو پیش نظر رکھتے ہوئے کریں تاکہ مستقبل میں آپ کو کسی پریشانی یا مشکل کا سامنا نہ کرنا پڑے۔
اگر آپ کا بجٹ اجازت دے تو اپنے کچن کیبنٹس میں لگی فارمیکا ٹیٹس کو بدلوا کر دوسرے رنگ اور نئے ڈیزائن والی فارمیکا شیٹس لگوا لیں۔ اسی طرح اگر ان پر رنگ کیا ہو تو ان کا رنگ بدل لیں۔اس سے آپ کے باورچی خانے میں خوشنما تبدیلی آئے گی۔آپ خود محسوس کریں گے کہ ان چھوٹی چھوٹی تبدیلیوں سے ہی آپ کے کچن کا تاثر خاصا بدل جائے گا۔
اگر آپ کے آٹا‘دالیں‘چاول وغیرہ رکھنے کے ڈبے اور کنستر پرانے اور بد رنگ ہو جائیں تو کچن میں یہ ڈبے اور کنستر انتہائی برے لگتے ہیں جو کہ اچھے خاصے باورچی خانے کی خوبصورتی میں بدنما داغ ہوتے ہیں اور کوشش کریں کہ اپنے باورچی خانے کی خوبصورتی میں چار چاند لگانے کے لئے اسے پہلی فرصت میں خرید لیں اور خیال رکھیں کہ یہ وزن میں ہلکے نہ ہو ورنہ یہ بہت جلد خراب ہو جائیں گے بعض اوقات لوگ سستے برتنوں کے چکر میں خراب کوالٹی کے برتن خرید لیتے ہیں جس سے یہ برتن کچھ دنوں بعد ہی آپ کا ساتھ چھوڑ جاتے ہیں۔
باورچی خانے کو اور پُر رونق بنانا ہو تو کچن ٹیبل پر ایک خوشنما گلدان بھی رکھ دیں یا کچن کی کھڑکی کے ساتھ منی پلانٹ جیسے کوئی بیل وغیرہ رکھ دیں اس سے آپ کے کچن کی خوبصورتی میں لطافت کا احساس بھی بڑھ جائے گا۔اس کے علاوہ اپنی پسندیدہ چیزوں کو بھی معقول جگہ پر رکھنے کا انتظام کریں جیسے کہ کافی مشین،مائیکرو ویو اور سینڈوچ میکر وغیرہ ہر وہ چیز جو باقاعدگی کے ساتھ استعمال ہوتی ہے مثلاً مصالحہ جات رکھنے کے جار اور آئل کی بوتلیں وغیرہ انہیں اور اپنے اپلائنسز کو خریدتے وقت ہمیشہ بہترین انتخاب کریں کیونکہ یہ چیزیں بار بار استعمال ہوتی ہیں اور نظروں کے سامنے سے گزرتی رہتی ہیں لہٰذا یہ چیزیں ایسی ہونی چاہئیں جن سے آپ کے کچن کی خوشنمائی میں اضافہ ہو۔برتن رکھنے کے ریک بھی بے حد ضروری ہیں ان کی وجہ سے برتن رکھنے میں بڑی سہولت رہتی ہے تاہم ان کو لگاتے وقت بھی خوبصورتی اور ترتیب کا پہلو ضرور مدنظر رکھا جائے تاکہ یہ با آسانی آپ کی پہنچ میں ہوں۔
Browse More Home Interior & Decoration - Ghar Ki Aaraish
کم بجٹ کے ساتھ گھر سجائیے
Kam Budget Ke Sath Ghar Sajaiye
آرائش خانہ ۔ کامن غلطیوں سے بچیں
Araish Khana - Common Ghaltiyon Se Bachain
شکستہ برتنوں سے گھر کی آرائش
Shikasta Bartanon Se Ghar Ki Araish
آرائشی آئینے گھر کو بنائیں شیش محل
Araishi Aaine Ghar Ko Banain Sheesh Mahal
بیڈ روم کی سجاوٹ کی بہترین حکمتِ عملی
Bedroom Ki Sajawat Ki Behtareen Hikmat E Amli
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
اپنے بیڈ روم کو متاثر کن انداز میں سجائیں
Apne Bedroom Ko Mutasir Kun Andaaz Mein Sajaye
دلکش و دیدہ زیب پردے
Dilkash O Didazeb Parde
نیا پینٹ کریں ۔ گھر جدید بنائیں
Naya Paint Karen - Ghar Jadeed Banaye
قد آدم آرائشی آئینے
Qad Adam Araishi Aaine
چھوٹی چیزیں، بڑی سجاوٹ
Choti Cheezain Bari Sajawat
گھر کی تزئین میں Chi انرجی کا رہے دھیان
Ghar Ki Tazeen Mein CHI Energy Ka Rahe Dhyan