Mehdood Jagah Par Sajawat Ke Tariqe - Article No. 3310

انعم مجید
جس طرح گھر کی تعمیر میں گارے اور مٹی کی ضرورت ہوتی ہے، اسی طرح اسے خوبصورت بنانے کے لئے مکین آرائشی اشیاء کا استعمال کرتے ہیں۔البتہ کم رقبے پر بنے گھر کو سجانا مشکل سمجھا جاتا ہے۔در حقیقت چھوٹی جگہ کی سجاوٹ بھی اتنی ہی آسان ہوتی ہے جتنی کہ بڑی اور کشادہ جگہ کی سجاوٹ کیونکہ دونوں صورتوں میں آرائش و سجاوٹ کے قواعد و ضوابط یکساں رہتے ہیں۔ساتھ ہی آپ کی نگاہ ایسی ہونی چاہیے جو اس بات کا تعین کر سکے کہ کس جگہ پر کیا اچھا لگے گا اور کیا نہیں۔محدود جگہ پر سجاوٹ ایسی ہونی چاہیے کہ آپ کا گھر خوبصورت لگنے کے ساتھ ساتھ کشادہ اور ہوا دار بھی محسوس ہو۔
اگر کمرے میں بھرپور روشنی کا انتظام کیا جائے تو ایک چھوٹا سا کمرہ بھی جگمگا سکتا ہے۔

(جاری ہے)

کھڑکی سے کمرے میں داخل ہوتی قدرتی روشنی کے علاوہ اضافی مصنوعی روشنیوں کا ہونا بھی ضروری ہے۔

دور جدید میں گھر میں خوبصورتی لانے کے لئے ہینکنگ لائٹس، اسکونس لائٹس، اسٹرنگ لائٹس اور پینڈنٹ لائٹس کا اضافہ زیادہ مناسب رہتا ہے۔
کسی بھی چھوٹی جگہ کو کشادہ دکھانے کے لئے آئینے کا استعمال اہمیت کا حامل ہوتا ہے۔گھر میں درج ذیل سجاوٹی انداز سے آئینوں کی تنصیب نہ صرف گھر کو جدید انداز فراہم کرے گی بلکہ اسے کشادہ بھی دکھائے گی۔دیوار پر دیددہ زیب آئینوں کی تنصیب سے سامنے والی دیوار کا عکس بڑا اور دلکش دکھاتی ہے۔الماری کے دروازے پر آئینہ لگانے سے کمرہ کشادہ محسوس ہوتا ہے۔باتھ روم میں گلاس ٹائلز کی تنصیب آجکل ٹرینڈ کا حصہ ہے، جو ایک چھوٹی سی جگہ کو بڑا دکھاتی ہے۔