Naujawan Ladkiyon Ka Kamra - Article No. 3068
نوجوان لڑکیوں کا کمرہ - تحریر نمبر 3068
قرینے سے سجا،جدت بھرا
منگل 7 فروری 2023
ہوم ورک کے لئے علیحدہ جگہ
اپنی بیٹی کے کمرے کو ایک منفرد تاثر دینے کے لئے ایک چھوٹی سی حاشیہ دار کھڑکی طرز کے ریکس،دیواروں میں نصب سفید ڈیسک،درازوں اور کیبنٹس کے لئے خاصی جگہ فراہم کر سکتی ہے۔
(جاری ہے)
اسٹائلش شیلفز
کمرے کو اسٹائلش اور منظم رکھنے کے لئے اس میں شیلفز کا اضافہ کریں۔سادے مگر خوبصورت اور چھوٹے شیلفز دیکھنے میں بہت بھلے لگتے ہیں اور کمرے کا اچھا تاثر پیش کرتے ہیں۔اس طرح ان شیلفز کی بدولت کتابوں،آرٹ ورک اور ٹرافیز وغیرہ کو سجا سکتی ہیں۔بید کی بنی کچرے کی ٹوکری بھی آپ کے کمرے کو منظم اور صاف ستھرا رکھنے میں مددگار ثابت ہو گی۔
جدید طرز کے پھولدار پرنٹس
بچیوں کے کمرے کی آرائش کے وقت چادر،غلاف اور پردوں کے پرنٹس نہایت اہمیت رکھتے ہیں۔حد سے زیادہ نمائشی اور بچگانہ یا دانشورانہ طرز کے پرنٹس بچیوں کے کمروں کے حساب سے مناسب نہیں۔بہتر یہی ہے کہ آپ روایتی پھولدار پرنٹس کا انتخاب کریں۔یہ کمرے کو جدید طرز سے ہم آہنگ کر دیں گے۔ساتھ ہی گرافک ڈیزائن کے پھولدار پرنٹس کے وال پیپر بھی ہوں تو کیا ہی بات ہے۔
دلچسپ اشیاء کا اضافہ
بچیوں کا کمرہ صرف سونے کی حد تک محدود نہیں۔ان کے کمرے میں ایک ببل چیئر بھی لٹکائیں۔ببل چیئر بید کے مٹیریل سے بنی لٹکائی جانے والی جھولا نما نشست ہوتی ہے جو سیاہ،سفید،بھورے اور سرخ رنگ میں رنگی ہوئی تیار ملتی ہیں۔یہ آپ کی بچی کے کمرے کو انوکھا تاثر دینے کے ساتھ اس کو پڑھنے کے لئے ایک اچھی اور آرام دہ جگہ بھی فراہم کرے گی۔اس کے علاوہ کمرے کو اور بھی دلچسپ تاثر دینے کے لئے ”Girls Only“ کا بورڈ بھی دروازے پر لٹکا سکتی ہیں۔اس کے کشادہ کمرے کو بکھرے رہنے سے بچانے کے لئے آپ جدید طرز کے بنا دروازوں والے بک شیلفز یا دیواروں میں نصب الماری بھی بنا سکتی ہیں۔
دلکش اسٹائل
گلابی اور ہرے رنگ کا امتزاج ہر عمر کی لڑکیوں کے کمرے کے لئے بہترین ہے۔پھولدار پرنٹس اور کرسٹلز کی آرائشی اشیاء کمرے میں متوازن فضاء برقرار رکھیں گی۔اس طرح نہ تو کمرہ نہایت بچگانہ لگے گا اور نہ بڑوں کے کمرے جیسا۔ساتھ ہی آپ ایک چھوٹی آرام دہ کرسی کا اضافہ کر سکتی ہیں جو آپ کی ننھی پری کے لئے سونے سے پہلے کہانیاں پڑھنے کے لئے آئیڈیل جگہ ہے۔
نمایاں نقوش اور مثالی آرائش
بچیوں کے کمرے میں موجود کھڑکیاں نئے اور منفرد ڈیزائنز کے پردوں کے تجربے کرنے کے لئے مثالی ہے کیونکہ آپ یہ تجربہ لاؤنج یا گھر کے داخلی دروازے کے ساتھ تو نہیں کر سکتیں۔کوشش کریں کہ نیوٹرل شیڈز جیسے کالے،سفید یا سرمئی رنگ کے بڑے حجم والے نقوش کا انتخاب کریں۔اور اگر آپ کی ننھی گڑیا کا دل اپنے کمرے کے رنگ سے اُکتا گیا ہے تو جدید رجحان کے رنگوں کا استعمال کرتے ہوئے ان کی دیواروں اور پردوں کا رنگ تبدیل کرنا مفید ہو گا۔
دلکش اطراف
اسٹائلش سرمئی دیواروں کے ساتھ جدید طرز کے فرنیچر کا انتخاب کرکے آپ اپنی بچی کو کئی سالوں کے لئے دلکش اور آرام دہ ماحول مہیا کر سکتی ہیں۔چھوٹی سفید ڈیسک اور ٹیبل لیمپس کا فرنیچر کے طور پر استعمال ہر عمر کی بچیوں کے کمرے کے لئے بہترین ثابت ہو گا۔
روشنیوں کا سحر انگیز استعمال
خوبصورت فانوس میں سجی روشنی لڑکیوں کے کمروں میں جان ڈال دیتی ہے۔مختلف طرز کی جدید اور روایتی لائٹس ہمیشہ انتہائی جاذب نظر لگتی ہیں۔فانوس اور اس طرز کی جدید Lights آج کل خاصی مقبول اور فیشن میں ہیں۔اور بالغرض آپ کی بیٹی کا دل ان سے بھر بھی جائے تو آپ انہیں گھر کے دوسرے حصوں میں بھی لگا سکتی ہیں۔
بڑھتی عمر کے ساتھ کمرے کا نقشہ بدل دیں
بستر کے سرہانے کی دیوار پر گہرے چاکلیٹ براؤن رنگ کا کمرہ بچی کے بڑے ہونے کی دلیل ہو گا اور اس حسین رنگ کے ساتھ گہرے گلابی رنگ کے دلکش ڈیزائن والے پردے اور اسٹائلش پھولدار لیمپس سونے پہ سہاگے کا کام کریں گے۔
Browse More Home Interior & Decoration - Ghar Ki Aaraish
کم بجٹ کے ساتھ گھر سجائیے
Kam Budget Ke Sath Ghar Sajaiye
آرائش خانہ ۔ کامن غلطیوں سے بچیں
Araish Khana - Common Ghaltiyon Se Bachain
شکستہ برتنوں سے گھر کی آرائش
Shikasta Bartanon Se Ghar Ki Araish
آرائشی آئینے گھر کو بنائیں شیش محل
Araishi Aaine Ghar Ko Banain Sheesh Mahal
بیڈ روم کی سجاوٹ کی بہترین حکمتِ عملی
Bedroom Ki Sajawat Ki Behtareen Hikmat E Amli
موسم کی تبدیلی پر الماری کی ترتیبِ نو
Mausam Ki Tabdeeli Par Almari Ki Tarteeb E Nau
اپنے بیڈ روم کو متاثر کن انداز میں سجائیں
Apne Bedroom Ko Mutasir Kun Andaaz Mein Sajaye
دلکش و دیدہ زیب پردے
Dilkash O Didazeb Parde
نیا پینٹ کریں ۔ گھر جدید بنائیں
Naya Paint Karen - Ghar Jadeed Banaye
قد آدم آرائشی آئینے
Qad Adam Araishi Aaine
چھوٹی چیزیں، بڑی سجاوٹ
Choti Cheezain Bari Sajawat
گھر کی تزئین میں Chi انرجی کا رہے دھیان
Ghar Ki Tazeen Mein CHI Energy Ka Rahe Dhyan