Oriental Design - Mashriqi Asian Khasosan Chinese Taraz E Araish - Home Interior & Decoration - Ghar Ki Aaraish

اورینٹل ڈیزائن ․․․ مشرقی ایشیائی خصوصاً چائنیز طرزِ آرائش - گھر کی آرائش

بدھ 18 جنوری 2023

Oriental Design - Mashriqi Asian Khasosan Chinese Taraz E Araish
کسی بھی ملک چلے جائیں،لوگوں کے گھروں کو عمومی آرائش اپنی مخصوص ثقافت،ذاتی ذوق،جمالیاتی تقاضوں اور مالی حیثیت کے مطابق ہوتی دیکھی جاتی ہے۔چائنیز اسپیشل کے اس شمارے میں ہم اہل چین کی مخصوص آرائشی روایات اور اشیاء کا تعارف پیش کر رہے ہیں۔یہ لوگ اپنی زمین اور ثقافت سے جڑے ہوئے ہیں ہماری طرح مغربیت پسند کی جھلک وہاں خال خال ہی نظر آتی ہے۔


ان کے ڈرائنگ رومز اور لاؤنجز کی سجاوٹ کے انداز دیکھئے
دیواروں کی آرائش میں چیری بلاسم اور Orchids کی تصاویر آویزاں ہوتی ہیں۔وسطی میز پر پروسلیس اور سیرامکس کی آرائشی چیزیں نظر آتی ہیں۔اہل چین لکڑی اور بانس (Rattan) سے بنے فرنیچر کا انتخاب کرتے ہیں۔ان کا پسندیدہ رنگ سرخ ہے۔یہ اپنی دیواریں بھی سرخ رنگ کی رنگتے ہیں تاہم اب رجحان بدلنے لگا ہے۔

(جاری ہے)

چینی طرز آرائش بدھ ازم،تادأزم اور Confucianism پر منحصر ہوتی ہے۔
ان کے سونے کے کمروں کی آرائش دیکھ لیں یا لاؤنج کی یہ اپنے روایتی اسلوب سے ہٹتے نہیں۔
یہ اپنی کلر پلیٹ سے مدہم رنگ بھی چنتے ہیں البتہ ان کی توجہ سرخ اور سنہرے رنگ پر بھی مرکوز ہوتی ہے۔خواہ وہ کسی اسکرین،کسی فریم یا غالیچے کی شکل میں ہو اور ساتھ ہی ساتھ Bamboo کے عنصر سے میزیں یا کرسیاں گھروں میں رکھتے ہیں۔

کیونکہ یہ جزو لکڑی کے میٹریل کے بعد بہترین ماحول دوست مانا جاتا ہے۔اس میں یہاں Bamboo کے پودے اور اچھی خاصی فصل بنتی ہے۔لہٰذا یہ Blinds، تصویروں کے فریم اور دوسرے عام استعمال کے برتن یا فرنیچر ہر مد سے اسے استعمال کرنے کا گُر بھی جانتے ہیں اور اسے فینگ شوئی کے نظرئیے سے بھی ماحول دوست مانتے ہیں۔
اہل چین کا Lacquer Craft اپنی مثال آپ ہے۔


یہ صلاحیت کے اعتبار سے کئی ہزار برس پرانی تکنیک ہے۔چینیوں کے گھروں میں آپ کو روایتی الماریاں ایسی ملتی ہیں جن پر لکیر کا کام کیا گیا ہے۔یہاں شادیوں میں یہ سرخ لکیر کے ساتھ شاندار Cabinet دینے کی رسم ہے۔جیسے ہمارے یہاں کبھی صندوق دیئے جاتے تھے اور جہیز کا بیشتر سامان یہاں کھپایا جاتا تھا۔
آراستہ و پیراستہ اسکرینز
ایشیا کے کئی ملکوں میں قد آدم اور دیوار سے چھت تک Screens آویزاں کرنے کا رواج ہے مثلاً جاپان،تھائی لینڈ اور چین کی ریاستوں میں یہ Coromandel اسکرینز لگائی جاتی ہیں۔

یہ ایک قسم کا شاندار Mural ہوتا ہے۔اس تصویر میں پرندے،پھول،پتے،درخت مخصوص گھروں کی چھتوں کے خاکے اور دلکش زاویے سے عورتوں کی شبیہات دیکھی جا سکتی ہیں۔
Chinoiserie Wallpaper
کہیں کہیں پوری دیوار کو ڈھانپ لینے والا وال پیپر تو کہیں Backdrop کی شکل میں پھلدار تخیل کی ہنر مندی جھلکتی دکھائی دیتی ہے۔
غرض یہ کہ چین انسانی تہذیب کے اولین مراکز میں سے ایک مانا جاتا ہے۔چین کو یہ اعزاز بھی حاصل ہے کہ اس نے اپنی تحریری زبان خود ایجاد کی اور ہم دیکھتے ہیں کہ ان کے گھروں میں چینی رسم الخط میں انسانیت کی بھلائی،ترقی کا عزم اور مسلسل محنت ہی پھل دیتی ہے جیسے تخلیقی اور سماجی بھلائی کا مفہوم لئے جملے مصوری کی شکل میں موجود ہیں۔
تاریخ اشاعت: 2023-01-18

Your Thoughts and Comments

Special Home Interior & Decoration - Ghar Ki Aaraish article for women, read "Oriental Design - Mashriqi Asian Khasosan Chinese Taraz E Araish" and dozens of other articles for women in Urdu to change the way they live life. Read interesting tips & Suggestions in UrduPoint women section.