Ballo Ki Afzaish K Chnd Mashwary

جڑی بوٹیوں ، پھلوں سبزیوں اور روغنیات کے استعمال سے بالوں کو نہ صرف خوبصورت اور مضبوط بنایا جاسکتا ہے بلکہ ان کی سفیدی کو بھی ان طریقوں سے روکا جاسکتا ہے :
1 .ایسے سٹائل جن سے بالوں کی جڑیں تازہ ہوا اور سورج کی روشنی سے محروم رہیں ، بالوں کو کمزور بناتے ہیں ان کی قدرتی چمک دمک کو زائل کرتے ہیں اور انھیں وقت سے پہلے سفید کر دیتی ہیں ،ایسے ہئیر سٹائلوں سے گریز کریں ۔

2 ۔بالوں کی صحت و توانائی کے لیے کاسمیٹک ہئیر آئلز کی بجائے ہمیشہ نباتاتی روغنیات مثلاََ روغن بادام ، روغن زیتون ، روغن ارنڈی (کیسٹر آئل)، روغن کنجد (تلوں کا تیل)اور روغن کھوپڑا (گری کا تیل)استعمال کریں ۔ ان سے بال مضبوط ہوتے ہیں ، ان کی چمک دمک قائم رہتی ہیں اور جلدی سفید نہیں ہوتے۔

(جاری ہے)

3۔پھل اور سبزیاں زیادہ استعمال کریں ۔

ان سے بالوں کو نشوونما ہوتی ہے اور خوبصورتی میں اضافہ ہوتا ہے۔
4 ۔پیشانی کے فالتو بال جو بدزیبی کا باعث ہوں ،موچنے یا ہئیر ریموور (Hair Remover) سے صاف کرلیں ۔
5 ۔ سرسوں کا تیل ، انڈا اور دہی ان تمام اشیاء کو یکجا کرکے بالوں میں ملیں ۔ سر پر سکارف باندھ لیں ۔ ایک گھنٹے کے بعد دھولیں ۔ یہ امیزہ بالوں کی خشکی دور کرنے کے لیے اکسیر ہے۔