Balon Ki Hifazat - Article No. 1989
بالوں کی حفاظت - تحریر نمبر 1989
آپ کے بال اور ان کی نوک پلک سنوارنے کی جدید مصنوعات اور جدید طریقے
بدھ 20 فروری 2019
شیمپو
بالوں کو شیمپو کرنے کی بنیادی ضرورت سر اور بالوں کی صفائی سر انجام دینا ہے ۔
لیکن اس بنیادی ضرورت کی تکمیل کے علاوہ یہ احتیاط بھی ملحوظ خاطر رکھنے کی ضرورت ہے کہ دوران صفائی آپ کے بالوں کی فطرتی چکنائی بھی متاثر نہ ہو اور آپ کے بالوں کی صحت پر کوئی حرف نہ آئے۔
آپ کے شیمپو میں ایسے اجزاء شامل ہونے چاہیں جو آپ کے بالوں کی کنڈیشنگ سر انجام دیں اور انہیں گھنا اور ملائم بنائیں اور شیمپو کرنے کے بعد آپ کے بال الجھنے سے محفوظ رہ سکیں۔
پی ایچ سے کیا مراد ہے ؟
اگر آپ اپنی شیمپو کی بوتل پر درج اس کے اجزائے ترکیبی پر ایک نظر ڈالیں تو آپ کی نظر سے پی ایچ کے حروف بھی گزریں گے ۔یہ پی ایچ کیا ہے ؟اس سے کیا مراد ہے ؟در حقیقت پی ایچ کے حروف شیمپو میں موجود تیزابی اور الکلائی کے تناسب کو ظاہر کرتے ہیں ۔
(جاری ہے)
ان اجزاء کے تخمینے کے لیے ماہرین ایک تاچودہ کے اعداد کا سہارا لیتے ہیں ۔
سات سے نیچے کے اعداد تیزابیت کی نشاندہی کرتے ہیں جبکہ سات کے بعد الکلائی اجزاء کا آغاز ہوتا ہے ۔
زیادہ تر شیمپو کی اقسام میں یہ تناسب پانچ اور سات ہوتا ہے ۔ادویاتی خوائص کے حامل شیمپو میں پی ایچ عام طور پر 7.3ہوتا ہے اور اعتدال کے حامل تناسب سے قریب تر تصور کیا جاتا ہے ۔سر کے مساموں سے جو قدرتی چکنائی خارج ہوتی ہے و ہ پی ایچ تناسب 4.5اور 5.5کے درمیان واقع ہوتی ہے اور کسی قدر تیزابی نوعیت کی حامل ہوتی ہے اور سر میں موجود بیکٹیریا کو زائل کرنے کے لیے اکسیر کا حکم رکھتی ہے ۔یہی وجہ ہے کہ سر کے بالوں کو جراثیم سے محفوظ رکھنے کے لیے اس تناسب کو قائم رکھنا اہمیت کا حامل ہے ۔
شیمپو کے استعمال کے سلسلے میں مد نظر رکھی جانے والی احتیاطیں
شیمپو کرنے سے قبل اپنے بالوں کو کنگھی کرنی چاہیے۔اس عمل کی بدولت بالوں میں پھنسی ہوئی آلودگی نکلنے کے علاوہ ان کا الجھاؤ بھی دور ہو جائے گا۔
نیم گرم پانی کے ساتھ شیمپو کریں کیونکہ زیادہ گرم پانی آپ کے بالوں کو نقصان پہنچا سکتا ہے ۔
شیمپو کرنے سے قبل اپنے بالوں کو گیلا کرنا نہ بھولیں۔
بالوں کو گیلا کرنے کے بعد اپنی انگلیوں کی پوروں کے ذریعے تھوڑا سا شیمپو آہستہ آہستہ مساج کرتے ہوئے بالوں کی جڑوں تک لگائیں۔
شیمپو کرنے کے دوران اپنے بالوں کو سختی کے ساتھ ہر گز نہ رگڑیں۔
شیمپو کرنے کے بعد بالوں کو بخوبی دھولیں اور شیمپو کی قلیل سی مقدار بھی آپ کے بالوں میں باقی نہیں رہنی چاہیے۔
اگر ضرورت محسوس ہوتو دوسری مرتبہ بھی شیمپو کیا جا سکتا ہے ۔
بالوں دھونے کے بعد ان پر تولیہ لپیٹ لیں تا کہ فاضل پانی اس میں جذب ہو جائے اور ما بعد ان کی کنڈیشنگ کریں ۔
Browse More Hair Care, Hair Color & Hair Styling
سردیوں میں بالوں پر خصوصی توجہ دیجیے
Sardiyon Mein Balon Par Khusoosi Tawajah Dijiye
عید کا میک اپ اور ہیئر اسٹائل
Eid Ka Makeup Aur Hair Style
خوبصورت بال صرف تھوڑی سی توجہ سے
Khobsorat Baal Sirf Thori Si Tawajah Se
سفید بال چھپانے کے طریقے
White Hair Chupane Ke Tarike
سرسوں کا تیل اور حسن کی حفاظت
Sarson Ka Tail Aur Husn Ki Hifazat
پارٹی ہیئر اسٹائل․․․آسان بھی دیدہ زیب بھی
Party Hair Style - Asan Bhi Aur Deeda Zeb Bhi
اِک قوسِ قزح ہے رقصاں
Ik Qaus E Qaza Hai Raqsaan
موسم گرما کے ٹرینڈی اور ہاٹ اسٹائل
Mausam Garma Ke Trendy Aur Hot Style
آئلی بالوں کو منٹوں میں صاف اور چمکدار بنائیں
Oily Balon Ko Minton Mein Saaf Aur Chamakdar Banaye
حسن کا تاج پرکشش صحت مند بال
Husn Ka Taaj Purkashish Sehat Mand Baal
موٹاپا‘ ایکنی اور بالوں کی خشکی
Motapa Acne Aur Balon Ki Khushki
موسم برسات میں بالوں کی حفاظت،کیسے
Mausam Barsaat Mein Balon Ki Hifazat Kaise