Ghungriyale Baloon Ki Dekh Bhaal Ab Hui Asaan - Article No. 2566
گھنگریالے بالوں کی دیکھ بھال اب ہوئی آسان - تحریر نمبر 2566
بعض لڑکیاں ایسی بھی ہیں جن کے بال گھنگریالے ہوتے ہیں وہ ان بالوں کی حفاظت کی وجہ سے بہت پریشان رہتی ہیں
منگل 6 اپریل 2021
ہر لڑکی چاہتی ہے کہ اُس کے بال خوبصورت،لمبے،گھنے اور چمک دار ہوں۔لیکن بعض لڑکیاں ایسی بھی ہیں جن کے بال گھنگریالے ہوتے ہیں وہ ان بالوں کی حفاظت کی وجہ سے بہت پریشان رہتی ہیں اور اکثر انھیں بال اسٹریٹ کروانے کے بارے میں سوچتی رہتی ہیں۔کتنی عجیب بات یہ ہے کہ جن خواتین کے بال قدرتی طور پر گھنگریالے ہوتے ہیں،وہ انھیں سیدھے کرنے کے لئے جتن کرتی رہتی ہیں اور جن کے بال سیدھے ہیں وہ انھیں کرل کروا کر نت نئے فیشن اسٹائلز اپناتی رہتی ہیں ہم یہاں یہ بھی وثوق سے کہہ سکتے ہیں کہ اس مضمون کا مطالعہ کرنے والی خواتین نے بھی کبھی نہ کبھی اپنے بالوں کو کرلی یا اسٹریٹ کروایا ہو گا،یا اس بارے میں سوچا ضرور ہو گا۔اس ضمن میں کہنا بس یہی ہے کہ آپ کے بال اگر گھنگریالے ہیں تو پریشانی کی کوئی بات نہیں،آپ ان کی باآسانی دیکھ بھال بھی کر سکتی ہیں اور نت نئے انداز اختیار کر سکتی ہیں۔
(جاری ہے)
اس کے لئے ڈرما ٹولوجسٹ کچھ مشورے دیتے ہیں۔
تیل
گھنگریالے بال جلدی خشک ہو کر خراب لگنے لگتے ہیں۔انہیں نمی اور موئسچرائزر کی صحیح مقدار فراہم کرکے اپنی اصل حالت میں لایا جا سکتا ہے۔
برش
گھنگریالے بالوں میں برش کرتے وقت بھی احتیاط کرنی چاہیے۔گیلے بال زیادہ لچکدار ہوتے ہیں۔اس لئے اگر ان میں برش استعمال کیا جائے گا تو یہ آسانی سے کمزور ہو کر ٹوٹ جائیں گے۔جبکہ بالکل خشک بالوں کے بھی ٹونے اور پھول جانے کا امکان رکھتے ہیں۔اس لئے گھنگریالے بالوں کو صرف اس وقت برش کریں جب وہ ہلکے سے نم ہوں۔
کنگھی
گھنگریالے بالوں میں باریک کنگھی کا استعمال کبھی بھی نہ کریں۔باریک کنگھی گھنگریالے بالوں کے چھلوں میں پھنس کر انہیں توڑ دے گی۔ گھنگریالے بالوں کو سلجھانے کے لئے موٹے کنگھے کا استعمال کرنا چاہیے۔اس سے زیادہ بہتر انتخاب ہاتھوں کی انگلیاں ہیں۔اس کے علاوہ کبھی بھی گھنگریالے بالوں کو جڑوں سے لے کر سروں تک کنگھی یا برش نہ کریں۔
بلو ڈرائی
گیلے بالوں کو خشک کرنے کے لئے ہیئر ڈرائیر کا استعمال کیا جاتا ہے۔لیکن گھنگریالے بالوں میں کبھی بھی ہیئر ڈرائیر بنا ڈفیوزر کے استعمال نہ کریں۔ڈفیوزر بالوں کو مناسب ہوا پہنچانے میں مدد کرے گا اور انہیں پھول جانے سے بھی روکے گا۔
شیمپو
گھنگریالے بالوں میں ضرورت سے زیادہ شیمپو کرنے سے ان کی چمک اور نمی ختم ہو جاتی ہے۔اس لئے ان میں شیمپو استعمال کرتے وقت بالوں کی لمبائی اور سروں سے زیادہ صرف جڑوں پر دھیان دیں۔شیمپو کے بعد گھنگریالے بالوں پر اچھی طرح کنڈیشنر استعمال کرنا نہ بھولیں۔
گھنگریالے بالوں کے چند افراد
اگر آپ کے بال گھنگریالے ہیں تو انہیں اوپر اٹھا کر پونی ٹیل میں باندھ لیں۔اس سے نہ صرف بال خوبصورت لگتے ہیں بلکہ چہرے کے نقوش بھی تیکھے اور دلکش محسوس ہوتے ہیں۔لمبے بالوں سے پریشان خواتین بوب ہیئر اسٹائل اپنا کر حسین و نوجوان نظر آسکتی ہیں۔باب ہیئر کٹ میں کندھوں سے کچھ اوپر تک بالوں کی لمبائی رکھی جاتی ہے اگر آپ کے بال سیدھے ہیں تو انھیں گھنگریالے انداز میں سجا لیں،بال اور زیادہ دلکش نظر آئیں گے لیکن اگر آپ باب کٹ کو اپنے لئے زیادہ ہی مختصر سمجھتی ہیں تو لانگ باب ہیئر اسٹائل آپ کی مشکل حل کر سکتا ہے۔لانگ باب میں بالوں کی لمبائی کندھوں سے چند انچ نیچے رکھی جاتی ہے۔چھوٹے بالوں کا ایک اور بہترین اسٹائل ٹاپ ناٹ ہے،یہ بے حد مقبول ہیئر ٹرینڈ بھی ہے۔بالوں کو سمیٹ کر سر پر جوڑا بنا لینا سننے میں جتنا عام ہے دیکھنے میں اتنا ہی خاص ہوتا ہے۔اس طرح موسم گرما میں بال سمٹے رہتے ہیں اور انھیں سنبھالنا بھی مشکل نہیں ہوتا۔
Browse More Hair Care, Hair Color & Hair Styling
سردیوں میں بالوں پر خصوصی توجہ دیجیے
Sardiyon Mein Balon Par Khusoosi Tawajah Dijiye
عید کا میک اپ اور ہیئر اسٹائل
Eid Ka Makeup Aur Hair Style
خوبصورت بال صرف تھوڑی سی توجہ سے
Khobsorat Baal Sirf Thori Si Tawajah Se
سفید بال چھپانے کے طریقے
White Hair Chupane Ke Tarike
سرسوں کا تیل اور حسن کی حفاظت
Sarson Ka Tail Aur Husn Ki Hifazat
پارٹی ہیئر اسٹائل․․․آسان بھی دیدہ زیب بھی
Party Hair Style - Asan Bhi Aur Deeda Zeb Bhi
اِک قوسِ قزح ہے رقصاں
Ik Qaus E Qaza Hai Raqsaan
موسم گرما کے ٹرینڈی اور ہاٹ اسٹائل
Mausam Garma Ke Trendy Aur Hot Style
آئلی بالوں کو منٹوں میں صاف اور چمکدار بنائیں
Oily Balon Ko Minton Mein Saaf Aur Chamakdar Banaye
حسن کا تاج پرکشش صحت مند بال
Husn Ka Taaj Purkashish Sehat Mand Baal
موٹاپا‘ ایکنی اور بالوں کی خشکی
Motapa Acne Aur Balon Ki Khushki
موسم برسات میں بالوں کی حفاظت،کیسے
Mausam Barsaat Mein Balon Ki Hifazat Kaise