Sardiyon Mein Balon Ki Hifazat Kaise - Article No. 3022
سردیوں میں بالوں کی حفاظت،کیسے - تحریر نمبر 3022
بہت سی خواتین اس کی روک تھام مختلف شیمپوز،تیل اور دواؤں کے ذریعے کرتی ہیں
ہفتہ 3 دسمبر 2022
سردیوں میں بالوں کے مسائل میں اضافہ ہو جاتا ہے اور عام طور پر بال خشک اور بے رونق بھی ہونے لگتے ہیں۔بہت سی خواتین اس کی روک تھام مختلف شیمپوز،تیل اور دواؤں کے ذریعے کرتی ہیں۔دوسری جانب قدرت نے ہمیں بے شمار سبزیوں،پھلوں اور غذائی اجناس سے نوازا ہے کہ ہم اپنے جسم کو توانائی دینے کے ساتھ ساتھ بالوں کے مسائل پر بھی آسانی سے قابو پا سکتے ہیں،کیونکہ ہم جو کچھ کھاتے ہیں اس کا براہ راست اثر ہمارے بالوں پر بھی پڑتا ہے۔آپ کو آج ہم ایسی چیزوں کے بارے میں بتاتے ہیں جنہیں آپ اپنی روزمرہ خوراک میں شامل کرکے خاص طور پر سردیوں میں بالوں کے مسائل سے چھٹکارا حاصل کر سکتی ہیں۔
وٹامن سی غدود کی رطوبت میں اضافے کا باعث ہیں جو بالوں کو قدرتی طور پر مضبوط بناتی ہیں۔
(جاری ہے)
وٹامن سی کے حصول کے لئے پالک،پپیتا،شملہ مرچ،اسٹرابیری،انناس اور مالٹے کا استعمال زیادہ کریں۔
شملہ مرچیں،سرخ سبز اور پیلے رنگ کی ہوتی ہیں جو وٹامن سی کا بہترین ذریعہ ہیں اور بالوں کی صحت کے لئے انتہائی ضروری ہیں۔وٹامن سی دراصل اس بات کی یقین دہانی کرواتا ہے کہ خون میں سرخ ذرات کافی مقدار میں موجود ہیں جو آکسیجن کی مطلوبہ مقدار بالوں کی جڑوں تک پہنچاتے ہیں۔وٹامن سی کی کمی سے ہی بال خشک ہو کر پھٹ جاتے ہیں اور خشکی کے باعث کمزور ہو کر گرنے لگتے ہیں۔خوراک کے ذریعے وٹامن سی کی کمی کو دور کرکے بالوں کے مسائل سے باآسانی نمٹا جا سکتا ہے۔جن غذاؤں میں زنک پایا جاتا ہے سردیوں میں ان کا استعمال بھی بڑھا دیں کیونکہ زنک مختلف ہارمونز میں باقاعدگی لا کر بالوں کو گرنے سے روکتا ہے۔پالک،مچھلی،اناج،کدو،سرسوں کا ساگ،مرغی کا گوشت اور خشک میوہ جات زنک کے حصول کا بہترین ذریعہ ہیں۔سردیوں کے موسم میں گاجر کی فراوانی ہوتی ہے،جگہ جگہ گاجریں سستے داموں دستیاب ہیں۔ایسے میں ان سے زیادہ سے زیادہ فائدہ اٹھائیں اور گاجر کا استعمال کریں۔اس میں بیٹاکیروٹین ہوتا ہے جس سے وٹامن اے بنتا ہے۔اگر آپ کے اندر وٹامن اے کی کمی واقع ہو جائے تب بھی بال پتلے اور بے جان ہونے لگتے ہیں۔لہٰذا اس مسئلے سے نجات کے لئے گاجر کا استعمال زیادہ کریں،اس کا جوس آپ کے بالوں کو مضبوط اور توانا کرے گا۔
بالوں کو مضبوط کرنے اور ان کی نشوونما کے لئے پروٹین کا حصول بھی ضروری ہے۔دودھ،مسور کی دال،مچھلی،سفید گوشت،دہی،پنیر،لوبیا،انڈا اور سویابین پروٹین کے حصول کا بہترین ذریعہ ہیں۔ان کے استعمال سے گرتے ہوئے بالوں کو روکنے میں مدد ملتی ہے۔انڈے کی زردی،سرخ گوشت،پتوں والی سبزیاں،خشک میوہ جات،لوبیا،مسور کی دال اور سویابین کا استعمال بھی ان سردیوں میں یقینی بنائیں۔ان میں آئرن زیادہ پایا جاتا ہے جو بالوں کی بہترین نشوونما کے لئے نہایت ضروری ہے۔اس کے علاوہ مسور کی دال بھی آئرن اور پروٹین کا بہترین ذریعہ ہے جو خلیوں کی نشوونما کے لئے اہم ہے،ان میں بالوں کے خلیے بھی شامل ہیں۔
ماہرین کے مطابق اپنی خوراک میں ایسی غذا کا استعمال کریں جس میں اومیگا تھری فیٹی ایسڈ پایا جاتا ہو،کیونکہ یہ باآسانی سر کی جلد تک پہنچ کر بالوں کی جڑوں کو مضبوط بناتا ہے۔یاد رکھیں کہ مچھلی اور خشک میوہ جات اومیگا تھری فیٹی ایسڈ کے حصول کے بہترین ذریعہ ہیں۔بالوں کے مسائل سے نجات حاصل کرنے کے لئے فولک ایسڈ کا حصول بھی بے حد ضروری ہے۔پالک،آئرن اور فولک ایسڈ کا بہترین ذریعہ ہے،لہٰذا یہ پتوں والی پالک بالوں کی نشوونما اور انہیں مضبوط بنانے کے لئے انتہائی مفید ہے۔فولک ایسڈ خون کے سرخ ذرات کو پیدا کرتا ہے جو بالوں کی جڑوں تک آکسیجن کی فراہمی کو ممکن بناتا ہے،پالک کو باقاعدگی سے اپنے سلاد کا حصہ بنائیں۔
Browse More Hair Care, Hair Color & Hair Styling
سردیوں میں بالوں پر خصوصی توجہ دیجیے
Sardiyon Mein Balon Par Khusoosi Tawajah Dijiye
عید کا میک اپ اور ہیئر اسٹائل
Eid Ka Makeup Aur Hair Style
خوبصورت بال صرف تھوڑی سی توجہ سے
Khobsorat Baal Sirf Thori Si Tawajah Se
سفید بال چھپانے کے طریقے
White Hair Chupane Ke Tarike
سرسوں کا تیل اور حسن کی حفاظت
Sarson Ka Tail Aur Husn Ki Hifazat
پارٹی ہیئر اسٹائل․․․آسان بھی دیدہ زیب بھی
Party Hair Style - Asan Bhi Aur Deeda Zeb Bhi
اِک قوسِ قزح ہے رقصاں
Ik Qaus E Qaza Hai Raqsaan
موسم گرما کے ٹرینڈی اور ہاٹ اسٹائل
Mausam Garma Ke Trendy Aur Hot Style
آئلی بالوں کو منٹوں میں صاف اور چمکدار بنائیں
Oily Balon Ko Minton Mein Saaf Aur Chamakdar Banaye
حسن کا تاج پرکشش صحت مند بال
Husn Ka Taaj Purkashish Sehat Mand Baal
موٹاپا‘ ایکنی اور بالوں کی خشکی
Motapa Acne Aur Balon Ki Khushki
موسم برسات میں بالوں کی حفاظت،کیسے
Mausam Barsaat Mein Balon Ki Hifazat Kaise