Chehre Ki Jild Dilkash Banain ! - Article No. 2137
چہرے کی جلد دلکش بنائیے! - تحریر نمبر 2137
مختلف ماسک بنائیے اور چہرے کو خوبصورت بنائیے!
جمعرات 8 اگست 2019
اگر چہرے کی جلد صاف اور شگفتہ ہے تو یقینا چہرہ پر کشش دکھائی دے گا۔بہت سی خواتین دلکش ناک نقشے کی مالک ہوتی ہیں پھر بھی محسوس ہوتا ہے کہ اٹریکشن یا جاذبیت کی ان میں کمی ہے۔اس کی وجہ یہ ہے کہ وہ ایک اہم نعمت سے ناواقف ہیں۔یہ نعمت نرم ونازک جلد کی صورت میں خدا نے سب ہی کو عطا کی ہے۔
عمر کا کوئی بھی حصہ ہوا گر جلد کا خیال رکھا جائے تو جلد تروتازہ دکھائی دے گی،یہی احساس موڈ کو بھی اچھا رکھنے میں مدد گار ہوتا ہے۔
(جاری ہے)
ماسک کی تیاری میں استعمال ہونے والی کئی اشیاء کچن میں با آسانی مل سکتی ہیں تو پھر آئیے ماسک تیار کرتے ہیں۔
انڈے کا ماسک
انڈے کا ماسک زیادہ تر جلدوں کے لیے مفید سمجھا جاتا ہے ۔اس کے تیار کرنے کا طریقہ کچھ یوں ہے۔ایک انڈے کی سفیدی لے کر اس میں چند قطرے لیموں کا رس اور آدھا چمچ شہد ملا کر اچھی طرح یکجا کر لیں،چہرے پر اس کا لیپ کریں،بیس منٹ بعد گرم پانی میں روئی بھگو کر چہرہ صاف کرلیں جلد کو ملائم بنانے کے لیے مفید ہے۔
خشک جلد کے لیے بہترین ماسک کچھ اس طرح تیار کیا جا سکتا ہے کہ ایک انڈے کی زردی لے کر اس میں ذرا سا بادام یا زیتون کا خالص تیل ملائیں،اچھی طرح پھینٹ کر چہرہ پر لگالیں بیس منٹ بعد روئی اور گرم پانی سے چہرہ صاف کرلیں۔اگر جلد روغنی ہے تو اس کے لیے بھی انڈا مفید ہے وہ اس طرح کہ انڈے کی زردی میں چند قطرے لیموں یا سنگترے کے شامل کرلیں۔بیس منٹ تک یہ ماسک چہرے پر لگا رہنے دیں پھر صاف کرلیں۔
شہد کاماسک
چمکیلی اور نرم جلد کے لیے شہد کا ماسک مفید ہے،ایک چمچ شہد لے کر اس میں چند قطرے لیموں کا رس ملالیں۔اس مرکب کو بطور ماسک استعمال کریں۔خیال رہے کہ ماسک کو گرم پانی اور روئی کی مدد سے صاف کرنا ضروری ہے۔اگر جلد چکنی ہے تو شہد لے کر اس میں گندم کا آٹا ملا کرماسک بنالیں۔اس کے علاوہ آٹے میں پانی یا دودھ ملا کر بھی ماسک تیار کیا جا سکتاہے۔
مولی کا ماسک
مولی کے بیج پنساریوں کے پاس با آسانی مل سکتے ہیں ۔کھانے کا ایک چمچ بیج لے کر باریک پیس لیں،پھر دہی میں ملا کر بطور ماسک استعمال کریں۔اس کے استعمال سے چہرہ نکھرا ہوا اور تروتازہ ہو جاتاہے۔
کھیرے کا ماسک
کھیرا چھیل کر باریک پیس لیں اور چہرے پر اس کا لیپ کرلیں۔اس ماسک سے چہرے کے عضلات کا ڈھیلا پن ٹھیک ہوتاہے۔
گریپ فروٹ کا ماسک
گریپ فروٹ چھیل لیں۔چھلکے کے زرد حصے کو باریک پیس لیں۔اب اس میں کھانے کا ایک چمچ جو کا آٹا اور دہی شامل کرکے لیپ بنا لیں۔یہ لیپ کرنے کے آدھے گھنٹے بعد نیم گرم پانی سے چہرہ صاف کرلیں۔اب ٹھنڈے پانی کے چھینٹے چہرے پر ماریں۔اس سے چہرہ دلکش اور خوبصورت دکھائی دیتا ہے۔
آلو کاماسک
چکنی جلد کے لیے آلو اُبال کر باریک پیس لیں ذرا سا دودھ آلوؤں میں ملا کر چہرے پر لیپ کریں۔
بیسن کا ماسک
کھانے کا ایک چمچ بیسن لے کر مولی کا رس اس میں ملا لیں۔مولی کا رس لینڈر کے ذریعے نکالا جا سکتا ہے،جب ماسک خشک ہو جائے تو نیم گرم پانی سے چہرہ صاف کرلیں،چہرے پرپانی کے چھینٹے ماریں۔چہرہ دمک اُٹھے گا۔
جو کا ماسک
جو کا آٹا(پسا ہوا)دو کھانے کے چمچ،لیموں کا رس چار قطرے ،شہد ایک چوتھائی چائے کا چمچ،عرق گلاب حسب ضرورت ،بادام (پسے ہوئے )تین عدد۔جن خواتین کے چہرے پر رواں موجود ہو انہیں ہفتے میں ایک بار جو کے آٹے کا ماسک چہرے پر لگانا چاہیے ،جو چہرے پر اگنے والے بالوں کی نشوونما کو بڑھنے سے روکتا ہے اور آہستہ آہستہ رواں ختم ہو جاتاہے۔گلاب کے عرق میں تمام اجزاء شامل کرکے گاڑھا پیسٹ بنا لیں،چہرے پر لگائیں،خشک ہو جائے تو اتار دیں،چہرہ دھونے کے بعد آئل فری کولڈکریم لگا لیں۔
پھلو ں کا ماسک
اسٹرابیری دو عدد،کیلا آدھا ،بیسن ایک کھانے کا چمچ،دو دھ تین کھانے کے چمچ۔پھلوں کا ماسک ہر قسم کی جلد کی حامل خواتین کے لیے مفید ہے ۔اسٹرابیری اورکیلے کو چمچ سے کچل لیں۔بیسن اور دودھ میں شامل کرکے چہرے پر اچھی طرح لگائیں،آنکھوں کو سکون دینے کے لیے ان پر کھیرے کے قتلے یا گلاب کے عرق میں بھیگی روئی رکھ دیں۔روپ نکھر آئے گا۔
آڑو کا ماسک
آڑو آدھا ،ٹماٹر آدھا،انڈے کی سفیدی ایک،جو کا آٹا تین کھانے کے چمچ۔جن خواتین کی جلد چکنی ہو ان کے لیے یہ ماسک زیادہ مفید ہے۔
آڑو کو کدو کش کرکے کچل لیں،ٹماٹر کاچھلکا اتار کر اسے بھی کچل لیں،کسی برتن میں تمام اجزاء ملالیں،آڑو اور ٹماٹر دو چائے کے چمچ استعمال کریں ،چہرے پر لگائیں جب خشک ہو جائے تو بھیگی ہوئی روئی سے ماسک اتار دیں،گھلے ہوئے مسام بند ہو جائیں گے اور میل کچیل صاف ہو جائے گا۔
Browse More Skin Care
کیل مہاسے اور سفید کیلوں سے نجات حاصل کریں
Keel Muhase Aur Safed Keel Se Nijat Hasil Karen
ایکنی
Acne
ٹین ایج میں جلد کی حفاظت
Teenage Mein Jild Ki Hifazat
گرمیوں میں جلد کی صفائی کا خاص خیال رکھیں
Garmiyon Mein Jild Ki Safai Ka Khas Khayal Rakhain
سرسوں کا تیل اور حسن کی حفاظت
Sarson Ka Tail Aur Husn Ki Hifazat
سرخ ٹماٹر - حسن سنوارنے والی سبزی
Red Tomato - Husn Sanwarne Wali Sabzi
گہرے سیاہ حلقوں کو چھپانے کے طریقے
Gehre Siyah Halkon Ko Chupane Ke Tarike
ایکنی سے متاثر جلد کے لئے فیس ماسک
Acne Se Mutasir Jild Ke Liye Face Mask
موٹاپا‘ ایکنی اور بالوں کی خشکی
Motapa Acne Aur Balon Ki Khushki
دورانِ حمل جلد کی حفاظت کریں
Doran E Hamal Jild Ki Hifazat Karen
حاملہ خواتین اور جلد کی سیاہی
Hamla Khawateen Aur Jild Ki Siyahi
ٹماٹر لائے دلکشی اور کرے صحت بحال بھی
Tomato Laye Dilkashi Aur Kare Sehat Bahal Bhi