Mausam Garma Mein Sajne Sanwarne Ke Liye - Article No. 2642

آپ بہت خوبصورت اور پُرکشش ہو سکتی ہیں تاہم بدلتے موسم میں آپ کو اپنی جلد کی دیکھ بھال تو کرنی ہی پڑتی ہے۔ان صفحات میں ہم آپ کو گھریلو استعمال کی اشیاء مثلاً بیسن،لیموں،ملتانی مٹی،اُبٹن اور چاول کے آٹے سے مختلف Pastes بنا کی جلد کے نکھارنے کے لئے تراکیب بتاتے رہتے ہیں بلاشبہ ان قدرتی غذاؤں کے اجزاء کرشماتی تاثر دیتے ہیں مگر مارکیٹ کچھ تیار اشیاء سے بھی یہی خدمات لی جا سکتی ہیں۔ذیل میں ہم ایسی ہی چند پراڈکٹس کا تعارف پیش کر رہے ہیں۔جو بالخصوص موسم گرما کے لئے موزوں ہیں۔
سن بلاک SPF50
یہ بازار میں مختلف کمپنیوں کے لئے دستیاب ہیں۔آپ کی جلد پر کونسا موزوں رہتا ہے Neutrogena ہے جو خشک،حساس اور صحت مند یعنی ہر قسم کی جلدوں کے لئے مختلف پراڈکٹس بناتی ہیں۔

(جاری ہے)

آپ اس کمپنی کو آزمائیں۔سن بلاک دن کے وقت سورج ڈھلنے تک گھر سے باہر رہنے والوں کے لئے (خواہ آپ مرد ہوں یا خاتون) سن بلاک کی ضرورت ہوتی ہے یہ سامان تعیش میں شامل نہیں۔

اسکن کلینرز
آپ کے لئے صرف صابن سے ہاتھ دھونا کافی نہیں۔پہلے تو چہرے اور گردن کی جلد کا گہرائی کی حد تک صفائی کا ہونا ضروری ہے۔آپ کا موجودہ کلینزر اگر جلد کو سرخ کرتا ہے یا چبھن پیدا کر رہا ہے تو اپنی جلد کی قسم کے مطابق کلینزر کا انتخاب کرنا پڑے گا۔جلد اگر روغنی ہے تو اس کے لئے Cetaphil نے Oily Skin Cleanser متعارف کرایا ہے۔آپ اسے آزمایئے بہتر نتائج پائیں گے۔اگر آپ کی جلد خشک ہے تو باڈی آئلز کا استعمال ضروری ہو جاتا ہے۔اس مقصد کے لئے Olive Oil کا استعمال کر سکتی ہیں۔مختلف کاسمیٹکس کمپنیاں بھی ملٹی پریز آئل بنا رہی ہیں ان میں Nuxe کا آئل زیادہ بہتر نتائج دیتا ہے۔
آئی کریم
آنکھوں کے گرد حلقوں یا نوجوانی میں جلد کی حفاظت نہ کرنے سے لکیروں کا نمودار ہو جانا عام شکایت ہو سکتی ہے لیکن اس سے بچاؤ کے لئے گھریلو ٹوٹکے کے طور پر بالائی،بادام کا تیل یا اولیو آئل میں لیموں کے قطرے ملا کر استعمال کرنا بہتر رہتا ہے۔کاسمیٹکس بنانے والے اداروں نے آئی کریمز متعارف کرائی ہیں۔آپ چاہیں تو رات کو میک اپ اتارنے کے بعد کوئی ایسی آئی کریم جس کے اجزاء میں ایزنشیل آئلز اور وٹامن Extracts موجود ہوں استعمال کریں مگر خیال رہے کہ کریم کی معمولی سی مقدار لے کر نازک انگلیوں کی مدد سے اطراف میں لگانی ہے یہ کریم آنکھوں کے اندر نہیں جانی چاہئے بلکہ کوئی بھی دیکھ بھال کے مقصد کے لئے استعمال ہونے والی چیز احتیاط سے بیرونی جلد پر لگانی مفید ہو گی MANA کی بیوٹی اسپرٹ وائٹ ٹی آئی کریم جن خواتین نے استعمال کی ہے تعریف کی ہے۔
موئسچرائزر
اگر آپ کا خیال ہے کہ گرمیوں کے موسم میں جلد کو نم رکھنا ضروری نہیں تو آپ غلطی پر ہیں۔گرمیوں کے موسم میں پسینہ الجھن کا احساس دیتا ہے۔آپ فیس واش ضرور استعمال کریں۔پاکستانی کمپنیاں بھی بہت اچھی فیس واش بنا رہی ہیں۔اسی طرح Hyaluronic Acid اور وٹامن E جیسے اجزاء پر مشتمل موئسچرائزر بھی مارکیٹ میں موجود ہیں یہ آئل فری فارمولے کے تحت ہلکے موئسچرائزر ہیں۔30 برس کی عمر کے بعد جلد کو بطور خاص موئسچرائزر کی ضرورت پڑتی ہے۔POND'S نے دن بھر کے لئے محفوظ ترین موئسچرائزر متعارف کرایا ہے۔
آرگینک کلے ماسک
اگر آپ نے اب تک ملتانی مٹی کا ماسک استعمال نہیں کیا تو اس کے شاندار نتائج سے واقف نہیں ہو سکیں۔Covid کے اس دور میں ہم ماسک پہنتے ہیں یہ بھی ہماری جلد کو دھوپ،گرد و غبار وغیرہ سے بچاؤ کرنے کی تدبیر ہے تاہم گھروں میں مختلف اقسام کی مٹی جس میں گلابی رنگ کی مخصوص Clay بھی شامل ہے اور یہ دستیاب نہ ہو تو ملتانی مٹی کا چہرے پر (صفائی کے بعد) لیپ ضرور کریں۔اس طرح مساموں میں گرد و غبار اور بلیک ہیڈز،جمع نہیں ہوتے اور جلد شفاف ہوتی ہے۔ان تمام مصنوعات کے ساتھ ساتھ دن میں آٹھ گلاس پانی اور متوازن غذا کے ساتھ ساتھ نیند پوری کرنے سے بھی جلد پر خوشگوار اثرات مرتب ہوتے ہیں۔