Chehra Ki Chamak Damak Ke Naye Tareeqay - Article No. 1925

اب چہرے کے چمک دمک بڑھانے کے لیے ٹرانسلو سینٹ لُک ران ہے ۔(میٹ لُک اب پسند نہیں کیا جاتا اور آؤٹ آف فیشن بھی ہوگیا ہے )فاؤنڈیشن کی ایسی کئی اقسام مارکیٹ میں بآسانی دستیاب ہیں جو آپ کے چہرے کو خوبصورت بنانے میں اور کم عمر دکھانے میں اہم کردار ادا کر سکتے ہیں ۔ان کے استعمال سے یوں محسوس ہوگا کہ وقت آپ ہر ٹھہر گیا ہے اوریہ شادابی قدرت کا تحفہ ہے کسی کا سمیٹکس کی مرہون منت نہیں ۔

لارئیل ‘میک کلینک ‘لینکوم یاYSLکے 6شیڈز میں دستیاب پر لی پاؤڈر فاؤنڈیشن میں سے کسی کا بھی انتخاب کیا جا سکتا ہے ۔یہ سب ہی ایشیائی خواتین کے جلد اور رنگت کے لیے نہایت مناسب ہیں ۔
آنکھوں کے لیے اس وقت سبزرنگ بہت زیادہ پسند کیا جا رہا ہے ۔سبز کے علاوہ گرے رنگ کو بھی پسندیدگی مل رہی ہے ۔

(جاری ہے)

آنکھوں کو خوبصورت اور خوابیدہ لک دینے کے لیے ایسے ٹو۔

ان ۔ون آئی شیڈو کا انتخاب کریں جس کے ایک طرف آئی شیڈو اور دوسری طرف آئی لائنر ہو۔اس کے لیے Clinique
کے آئی شیڈو بہت موزوں ہیں ۔
آنکھوں کو تہہ دار لک دینے کے لیے YSLکے آئی شیڈو بہت کامیاب ہیں ۔ان کے استعمال کے بعد آپ چمکدار یا میٹ کوئی بھی مسکارا استعمال کر سکتی ہیں ۔ان کے علاوہ برونز گولڈکریم آئی شیڈو بھی بہت خوبصورت لک دیتے ہیں ۔ان کو بلشر کے ساتھ مکس کرکے گالوں پر بھی گلیٹر کے طور پر استعمال کیا جا سکتا ہے ۔برونز گولڈن کے علاوہ برونز اور گرین کا امتزاج بھی دیکھا جا رہا ہے ۔یہ بھی یاد رکھیں کہ کا جل اور مسکارا اب بھی بہت پسندیدہ ہیں ۔
شام کا میک اپ ایسا ہر گزنہ ہو کہ آپ کی شخصیت کا تاثر ہی بگڑ جائے۔بلکہ اس کو سادہ مگر باوقاررکھیں ۔کسی ایک جزکوابھاریں اور باقی چیزوں کو نارمل رکھیں ۔جیسے سنڈی کرافورڈ کلر اسٹے لپ اسٹک کا استعمال بہت خوبصورتی سے کرتی ہے اور باقی چیزوں کو دھیما رکھتی ہے ۔اسی طرح الزبتھ ہلری ایک مشہورومعرو ف کمپنی کا مسکارا استعمال کرتی ہے جو اس کی آنکھوں کو سب سے نمایاں کرتا ہے ۔آپ بھی یہی گرآزما سکتی ہیں ۔
بہت سے ماہرین آرائش حسن اپنے کلائنٹ کی بیس پر گھنٹوں صرف کر دیتے ہیں لیکن اگر آپ ان سے پوچھیں گی تو وہ صرف ایک چیز کے بارے میں بلاجھجک بتا سکتے ہیں۔بھنویں بالکل درست اور چہرے کی ساخت کے مطابق بنوائیں۔ اس کے بعد آئی بروپنسل کا استعمال کریں چاہے وہ رنگین ہویا سیا ہ چہرے کا یہ لک دن ہرحصے کے لیے نہیں ہے بلکہ دو پہریا صبح کے وقت آپ کا میک اپ قدرتی ٹون پر مشتمل ہونا ضروری ہے جبکہ شام کے لیے ذراشوخ رنگوں کا انتخاب کریں ۔
بلشر کاذرا کھلتا ہوا شیڈ‘ذرا گہرے رنگ کی لپ اسٹک رات کی تقریب ہے تو میک اپ کو ذرا گہرا کریں تا کہ تیز روشنی کی چکا چوند میں یہ خوبصورت لگے لیکن یاد رکھیں بہت گہرا ہر گز نہیں ہونا چاہیے۔