Chehray Ka Massage - Jild Ko Rakhay Narm O Mulaim - Article No. 2818
چہرے کا مساج․․․جلد کو رکھے نرم و ملائم - تحریر نمبر 2818
اس کا باقاعدہ استعمال جلد کو تندرست اور جواں رکھتا ہے
منگل 22 فروری 2022
چہرے کے مساج میں پیشانی‘آنکھیں‘ناک‘رخسار‘ٹھوڑی اور گردن تک تمام اعضاء شامل ہوتے ہیں۔ذیل میں ہم مرحلہ وار مساج کی تفصیل درج کر رہے ہیں جسے پروفیشنل بیوٹیشن کے علاوہ گھر میں موجود کوئی دوسری خاتون بھی اس ضمن میں آپ کی مدد کر سکتی ہیں۔
سب سے پہلے اپنے دونوں ہاتھوں کو اور چہرے کو اچھی طرح دھو کر صاف کر لیں تاکہ گرد و غبار اور جراثیم وغیرہ سے چہرہ پاک ہو جائے۔
ہاتھوں کی صفائی کے بعد مساج کے لئے آئل اور کریم وغیرہ کے انتخاب کا مرحلہ آتا ہے۔
(جاری ہے)
عام طور پر مساج آئل کریم اور Gel وغیرہ استعمال کئے جاتے ہیں۔آپ اپنی جلد کی ساخت اور اگر الرجی ہوتی ہے تو اسی حساب سے کریموں کا انتخاب کریں۔
مساج پیشانی سے شروع کیا جاتا ہے کیونکہ پیشانی پر دیگر چہرے کی نسبت زیادہ لکیریں ہوتی ہیں۔تھوڑا سا موئسچرائزر یا Gel لے کر انگلی کی مدد سے پیشانی پر لگائیں اور درمیانی انگلی سے مساج کریں۔یہ مساج اوپر کی طرف کرنا چاہئے اور بڑی انگلی کے ساتھ درمیانی انگلی بھی ملا لیں اب اندر اور باہر کی سمت میں مساج کریں۔
پیشانی اور کان کی لو کے قریب کان کا حصہ ایکو پریشر ہوتا ہے اس پوائنٹ پر بھی دباؤ ڈالیں تاکہ زیادہ سے زیادہ مساج سے فوائد حاصل کئے جا سکیں۔ایکو پریشر پوائنٹس دبانے سے نہ صرف دماغی اور ذہنی سکون حاصل ہوتا ہے بلکہ شدید سر درد ہو تو بھی نجات ملتی ہے۔آدھے سر کا درد اکثر اوقات اسی طریقہ مساج سے ختم کیا جا سکتا ہے۔بھنوؤں کے اوپر سے لے کر آنکھوں کے نیچے تک دائرے کی شکل میں بڑی انگلی سے مساج کریں۔چند منٹ کے مساج کے بعد ناک کے نتھنوں پر انگلی رکھ کر دونوں جانب یکساں مساج کرتی جائیں۔
ناک پر بھی مساج نیچے سے اوپر کی طرف ہونا چاہئے۔ناک کے ایکو پریشر پوائنٹ نتھنوں کے بالکل نیچے ہوتے ہیں۔ناک کے دونوں اطراف پر بھی مساج اوپر کی طرف آنکھوں تک کریں۔
درمیانی اور تیسری انگلی استعمال کرتے ہوئے رخسار پر گولائی میں اوپر کی طرف مساج کریں۔آہستگی سے ان انگلیوں کی حرکت پیچھے کانوں تک ہونی چاہئے یعنی کانوں کی لو Earlobes تک کیونکہ یہیں ایکو پریشر پوائنٹس ہوتے ہیں اور یہاں دباؤ ڈالنے سے راحت ملتی ہے۔
ٹھوڑی کے نیچے سے دونوں انگلیوں کو باہم ملا کر ہونٹوں کے گرد اوپر ناک تک لے جائیں اور دوبارہ یہی عمل دہرائیں‘یاد رکھیں منہ کے اس طریقہ مساج میں ہمیشہ انگلیاں نیچے سے اوپر متحرک ہوں‘نیچے کی طرف مساج کرنے سے جلد ڈھیلی پڑتی ہے۔
منہ اور دہانے کا مساج تھراپی کے بعد ٹھوڑی اور گردن پر موئسچرائزر لگائیں۔جبڑوں کی وسعت تک چٹکی بھرنے کی شکل میں مساج کریں۔اس کے بعد گردن پر دونوں ہاتھوں کی انگلیاں اوپر سے نیچے کی طرف پھیریں اور کوشش کریں کہ یہ مساج گردن کی پشت تک ہو۔
گردن کا مساج بھی بہت سکون کا باعث بنتا ہے‘لیکن بعض خواتین اس کو نظر انداز کر دیتی ہیں۔گردن کا مساج کرنے کے بعد چہرے پر انگلیوں کی پوروں کی مدد سے دباؤ ڈالیں یعنی دونوں ہاتھوں کی انگلیوں سے دونوں کانوں پر تھپتھپائیں۔
انگوٹھا ماتھے پر رکھ کر درمیانی انگلی سے رخساروں پر پریشر دیں پھر انگوٹھا ماتھے سے ہٹا کر ٹھوڑی کے نیچے ہاتھ رکھ کر اوپر کی طرف دبائیں پھر اسی طرح دوسرے ہاتھ سے کریں۔
آنکھوں کے مساج کے دوران آئل یا موئسچرائزر آنکھوں میں لگنے سے بچانا ضروری ہے۔مساج کے اس عمل کے دوران آنکھیں بند رکھیں اور پُرسکون رہیں۔انشاء اللہ اس مساج تھراپی کی مدد سے بہت جلد آپ کا مضمحل سا چہرہ تروتازگی میں ڈھل جائے گا۔
Browse More Massage for Women - Face Massage, Body Massage
فیشل کریں ․․․ فریش رہیں
Facial Karen - Fresh Rahen
کھردرے اور بے رونق ہاتھوں کے لئے
Khurdare Aur Be Ronaq Hathon Ke Liye
آپ اپنا مساج سکون کا باعث
Aap Apna Massage Sakoon Ka Bais
مایونیز اب فیشل کے لئے بھی
Mayonnaise Facial Ke Liye Bhi
مساج کرے خوبصورتی میں اضافہ
Massage Kare Khoobsurti Mein Izafa
فیشل یوگا
Facial Yoga
بے بی مساج بے مقصد ثابت ہو گیا
Baby Massage Be Maqsad Saabit Ho Gaya
گھریلو کام کاج اور ہاتھوں کی حفاظت
Gharelu Kaam Kaaj Aur Hathon Ki Hifazat
فیشل کریں ۔۔۔ چہرہ چمکائیں
Facial Kareen Chehra Chamkayeen
چہرے کی ورزش فیشل یوگا
Chehrey Ki Warzish - Facial Yoga
فیشل رولر مساجر
Facial Roller Massager
کھلا کھلا سا چہرہ
Khila Khila Sa Chehra