Dilkash Aur Stylish Nakhun - Nail Care Tips For Health & Strong Nails

فیشن کے کریز میں مبتلا خواتین و لڑکیاں ہر نیا فیشن اپنانے کے لئے کریزی نظر آتی ہیں۔ایک ٹرینڈی اور اسٹائلش لک کا حصول ان کا خواب ہوتا ہے۔جس کے لئے وہ محاورتاً نہیں بلکہ حقیقتاً سر دھڑ کی بازی لگا دیتی ہیں۔سر سے لے کر پیر تک اور پیروں سے لے کر ہاتھوں کے ناخنوں تک وہ میک اپ کا ہر جدید اسٹائل اپنانے کے لئے کوشاں نظر آتی ہیں۔
ناخنوں پر نیوز پیپر پرنٹ میک اپ کا ایک ایسا جدید ٹرینڈ ہے جسے اپنانے کے لئے ہر لڑکی بے چین و بے تاب ہے۔

(جاری ہے)

یہ بے حد خوبصورت و پرکشش دکھائی دیتے ہیں اور آپ ناخنوں کا یہ لک گھر پر بھی با آسانی حاصل کر سکتی ہیں۔ناخنوں پر لگی ہوئی پرانی نیل پالش کی باقیات کو اچھی طرح رگڑ کر صاف کر لیں۔اس کے بعد ناخنوں کے اوپر شفاف یا ہلکے گرے رنگ کی نیل پالش کا ایک کوٹ لگا لیں۔
اب رگڑنے والے الکحل کے محلول میں 30 سیکنڈ کے لئے ناخن کو ڈپ کریں اور اس کے بعد نیوز پیپر کے ٹکڑے کو ناخن پر رکھ کر ہلکے سے دبائیں تھوڑی دیر انتظار کریں۔جب تک نیوز پیپر کا پرنٹ ناخن پر آجائے۔اسے مکمل طور پر خشک ہونے دیں۔اسے ایک فنشنگ ٹچ عطا کرنے کے لئے اس کے اوپر شفاف نیل پالش کا ایک کوٹ کریں۔اس عمل کو باری باری باقی ناخنوں پر دہرائیں۔