Nail Art - Article No. 2263
نیل آرٹ - تحریر نمبر 2263
انفرادیت کے اظہار کا ذریعہ
ہفتہ 18 جنوری 2020
فیشن ایکسپرٹس کا کہنا ہے کہ نیک پالش کی فروخت لپ اسٹک کے مقابلے میں زیادہ بڑھ گئی ہے۔یہ ایک نیا ریکارڈ ہے ۔کیونکہ اس سے پہلے دنیا بھر میں فروخت ہونے والی میک اپ آئٹم میں لپ اسٹک ہی تھی۔
(جاری ہے)
اب مارکٹ میں پہلے سے کہیں زیادہ نیل پالش کے شیڈز دستیاب ہیں اور بہت سے ایسے شیڈز بھی متعارف کروائے ہیں جو اس سے پہلے استعمال نہیں کئے جاتے تھے ۔
یہ منفرد اور جوش رنگ شیڈز ان دنوں نوجوان خواتین کا پہلا انتخاب ہیں اور انہیں نت نئے طریقوں سے لگانے کا شوق ذوق اور فیشن ایبل ہونے کی علامت سمجھا جاتاہے۔یہی نہیں بلکہ اب تو اس نئے ٹرینڈ کو باقاعدہ ایک آرٹ کا سا درجہ حاصل ہے۔ناخنوں پر نیل پاش سے کئی رنگوں سے مختلف ڈیزائن بنائے جاتے ہیں اور لڑکیاں فنکارانہ انداز میں نفاست کے ساتھ اپنے ناخن پینٹ کرکے گویا اپنی انفرادیت کا اظہار کرتی ہیں یہی وجہ ہے کہ اس فن کو نیل آرٹ کا نام دیا جاتاہے۔ ناخنوں پر لگانے والے نیل ایکس ٹینشنز یا مصنوعی ناخنوں کا رواج تو خاصا پرانا ہے جنہیں اپنے ناخنوں پر چپکا کر خواتین لمبے ناخنوں کا شوق پورا کرتیں تھیں لیکن اب مختلف دلکش ڈیزائنوں پر مشتمل نیل ریپس بھی مارکٹ میں دستیاب ہیں۔
جنہیں اسٹکر کی مانند ناخنوں پر چپکا کر ان کی خوبصورتی میں اضافہ کیا جاتاہے۔یہی نہیں بلکہ ناخنوں پر دلکش موتی اور نگینے بھی اس خوبصورتی سے چپکائے جاتے ہیں کہ اس فن کی دادنہ دینا نا انصافی ہو گی۔ناخن سجانے سنوارنے کے فن کو اس سے پہلے اتنی مقبولیت اور اہمیت نہیں حاصل ہوئی تھی۔جتنی کہ اب ہے۔لطف کی بات یہ ہے کہ اس آرٹ کی ابتداء چھوٹے چھوٹے سیلونز سے ہوئی اور پھر دیکھتے ہی دیکھتے اسے باقاعدہ بزنس کا درجہ حاصل ہو گیا۔ یوں نیل آرٹ انڈسٹری نے اپنی اہمیت منوالی ہے اور مختلف قسم کے نیل آرٹ ہاتھوں کی دلکشی میں اضافے کا باعث بنتے ہیں۔ماربل نیل آرٹ ایک ایسا طریقہ ہے جس کے لئے نیل پالش کے قطروں کو پانی کی اوپری سطح پر گرا کر ایک ڈیزائن بنایا جاتاہے اور پھر اس ڈیزائن کو ناخنوں پر منتقل کیا جاتاہے۔
فری ڈراگنگ میں جیو میٹریکل ڈیزائن بنایا جاتاہے جبکہ فری ڈراپنگ اسٹائل میں گول ڈیزائن بناتے ہیں۔اس نیل آرٹ کو موسم گرما میں ٹرینڈ کے طور پر استعمال کیا جا سکتاہے۔اس کے علاوہ فریش فروٹ نیل آرٹ کے ذریعے بھی ناخنوں کی خوبصورتی میں اضافہ کیا جا سکتاہے،اگر آپ فیشن کی دلدادہ ہیں اور کچھ نیا کرنا چاہ رہی ہیں تو تربوزی آرٹ کو اپنے ناخنوں پر ضرور آزمائیں۔سن رائز نیل آرٹ بھی موسم گرما کے نیل آرٹ ٹرینڈ میں سے ایک ہے،اس نیل آرٹ کو ناخنوں پر لگانے کے لئے پیلی اور اورنج نیل پالش کا استعمال کیا جاتاہے۔
سورج کو ذہن میں رکھتے ہوئے ناخنوں پر نیل آرٹ سے مختلف قسم کے خوبصورت اسٹائل ترتیب دیے جاتے ہیں جو ناخنوں کی خوبصورتی کو چار چاند لگا دیتے ہیں ۔یہ ٹرینڈ دنیا بھر سے تعلق رکھنے والی مشہور خواتین کیلئے بھی پسندیدہ ثابت ہوا۔لہٰذا جب بہت سی مشہور اداکاراؤں خواتین گلوکاروں ،فیشن ماڈلز اور حتی کہ اسپورٹس سیلبر یٹیز نے نیل آرٹ کو اپنایا تو اسے بڑی تیزی کے ساتھ مقبولیت حاصل ہوئی۔آپ بھی اس آرٹ کو اپنانا چاہیں تو مختلف خوبصورت ڈیزائنوں سے آئیڈیا لے کر اپنا شوق خود پورا کر سکتی ہیں۔
Browse More Nail Care Tips for Health & Strong Nails
خوبصورت چمکدار ناخن
Khubsurat Chamakdar Nakhun
نیل آرٹ
Nail Art
ناخن کی صحت کیسے رہے گی بحال
Nakhun Ki Sehat Kaise Rahegi Bahal
نیل کٹنگ ایک آرٹ
Nail Cutting Aik Art
شخصیت اور موقع محل کے مطابق نیل آرٹ کا انتخاب کریں
Shakhsiyat Aur Moqa Mahal Ke Mutabik Nail Art Ka Intekhab Kareen
نیل آرٹ
Nail Art
نیل آرٹ ہے مصروف رہنے کا اک بہانہ
Nail Art Hai Masroof Rehne Ka Ek Bahana
ناخن مضبوط اور خوبصورت بنائیں
Nakhun Mazboot Aur Khoobsurat Banayeen
خوبصورت ناخن‘خوبصورت شخصیت
Khoobsurat Nakhun Khoobsurat Shakhsiyat
نیل پالش اور صحت مند ناخن
Nail Polish Aur Sehat Mand Nakhun
نیل کلر اور نیل آرٹ
Nail Color Aur Nail Art
دلکش اور اسٹائلش ناخن
Dilkash Aur Stylish Nakhun