Gifts - Article No. 1732

تحائف کا انتخاب اور خریداری ایک فن کی حیثیت رکھتا ہے تحائف کے انتخاب میں کئی ایک باتیں قابل غور ہیں مثلاً تحفہ دینے والے کی مالی حیثیت موقع یا تقریب اور تحفہ لینے والے کی عمر دلچسپیاں اور مشاغل وغیرہ تحفے تحائف عام طور پر سالگرہ شادی بیاہ کے موقعوں امتحان میں پاس ہونے یا کسی تہوار کے موقع پر دیے جاتے ہیں،تحائف کے سلسلے میں کوئی حتمی مشورہ تو نہیں دیا جاسکتا لیکن ان کے انتخاب کا عام اصول یہ ہے کہ زیادہ قیمتی تحرفے خریدنے سے پرہیز کرنا چاہیے شادی بیاہ کے سلسلے میں گھریلو استعمال کی کوئی چیز بہتر رہتی ہے سالگرہ کے موقع پر عمر کے مطابق تحفے کا انتخاب کیا جانا چاہیے تحائف کی خریداری کا بہترین طریقہ یہ ہے کہ آپ کسی گفٹ شاپ(Gift shop) یا ہینڈی کرافٹ کی دکان پر جاکر مختلف اشیا کا موازنہ کریں اور پھر اپنی حیثیت اور بجٹ کے لحاظ سے تحفہ منتخب کریں۔