Dry Shampoo Istemal Kab Aur Kaise - Article No. 3405

ڈرائی شیمپو اور کچھ نہیں بلکہ سنگھاری دنیا میں متعارف کروایا گیا ایک نیا بیوٹی آئٹم ہے جو بالوں سے چکنائی‘ گرد و غبار اور پسینے کو جذب کر کے انہیں صاف اور چمکدار بنا دیتا ہے۔
ان کا سب سے بڑا فائدہ یہ ہے کہ اسے بالوں پر لگانے کے بعد انہیں پانی سے دھونا نہیں پڑتا۔اس وقت جب آپ جلدی میں ہوں۔

(جاری ہے)

آپ کے پاس بال دھونے کا وقت نہ ہو اور آپ چاہتی ہوں کہ آپ کے بال منٹوں میں صاف ستھرے ہو جائیں اور ان میں سے بھینی بھینی مہک آنے لگے تو ایسے میں ڈرائی شیمپو پرفیکٹ انتخاب ہیں۔

اسے اپنے بالوں پر اسپرے کریں اور چند منٹ تک بالوں پر لگا رہنے دیں۔اس کے بعد تولیے سے تھپ تھپا کر بال خشک کر لیں۔
یہ صرف بالوں کو صاف ستھرا ہی نہیں بنائیں گے بلکہ انہیں ایک نرم اور باؤنسی لک بھی دیں گے۔یہ ان افراد کے لئے شیمپو کا بہترین متبادل ہے جن کے بال شیمپو کے زیادہ اور متواتر استعمال کی وجہ سے روکھے اور بے رونق ہو جاتے ہیں۔اسے استعمال کرنے سے پہلے پیکنگ پر درج ہدایات کو احتیاط سے پڑھیں اور ہمیشہ کسی معیاری و مستند برانڈ کا شیمپو خریدیں۔