ودیا بالن کے بعد زرین خان بھی ”ڈینگی وائرس “کا شکار

ممبئی(اُردو پوائنٹ تازہ ترین اخبار۔ 24 ستمبر - 2016ء) بالی ووڈ کی خوبرو اداکارہ زرین خان ڈینگی بخار کا شکار ہوگئی ہیں جنہیں فوری طور پر اسپتال میں داخل کرادیا گیا ہے۔

(جاری ہے)

اداکارہ زرین خان کو بھارتی شہر پونے سے واپسی پرتھکن اور تیزبخارکی شکایت پرفوری طور پر اسپتال لے جایا گیا جہاں مختلف ٹیسٹ کے بعد ان میں ڈینگی بخار کی تشخیص ہوئی جس پر انہیں ممبئی کے اسپتال میں داخل کردیا گیا ہے۔ڈاکٹروں کے مطابق اداکارہ ڈینگی کے باعث اسپتال میں زیر علاج ہیں اور مکمل صحت یابی میں 2 سے 3 روز لگیں گے جس کے بعد ہی ڈسچارج کا فیصلہ کیا جائے گا۔واضح رہے کہ گزشتہ دنوں اداکارہ ودیا بالن بھی ڈینگی کا شکار ہوگئیں تھیں جس پر ڈاکٹروں نے انہیں 15 روز کے لیے آرام کا مشورہ دیا تھا