بھارتی اداکارہ کو فحش پیغامات بھیجنے والا غریب گھرانے کا طالب علم گرفتار

نئی دہلی (اُردو پوائنٹ اخبارتازہ ترین - این این آئی۔ 29 اپریل2017ء) بھارتی ریاست مہاراشٹر میں ٹی وی اداکارہ کو فحش پیغامات بھیجنے والے 23سالہ طالب علم کو گرفتار کر لیا گیا ۔میڈیا رپورٹ کے مطابق ٹی وی اداکارہ سنارکا بھدریا کو موبائل فون پر فحش پیغامات بھیجنے کی پاداش میںکالج کی( بی اے کے) طالب علم کو حراست میں لے لیا جو اداکارہ سے شادی کرنے کا خواہش مند نکلا۔

(جاری ہے)

پولیس کے مطابق ملزم غریب گھرانے سے تعلق رکھتا ہے جس نے گزشتہ برس اکتوبر سے اداکارہ کا فون نمبر انٹر نیٹ کی مدد سے حاصل کر رکھا تھا اور تب سے ہی فحش پیغامات اور تصاویر بھیج رہا ہے ۔پولیس حکام کے مطابق سنارکا نے کئی بار اس کا نمبر بلاک بھی کیا مگر وہ نمبر تبدیل کر کے اسے متواتر پریشان کرنے کی کوشش کرتا رہا جس کے بعد سوناریکا نے پولیس کو شکایت درج کرائی ۔پولیس کے مطابق ملزم کواس کے آبائی گائوں سے حراست میں لیئے جانے کے بعد اس کا موبائل ریکارڈ بھی حاصل کیا گیا اور پھر عدالت میں پیش کیا گیا جسے یکم مئی تک پولیس کی تحویل میں دے دیا گیا ۔