ہلکی بوندا باندی سے موسم سرد ہوگیا،کل مزید بارش کا امکان

سرگودھا (اُردو پوائنٹ اخبارتازہ ترین۔ 11 جنوری2019ء) سرگودھا اور گردونواح میں جمعرات اور جمعہ کی درمیانی شب ہونیوالی ہلکی بوندا باندی سے موسم سرد ہوگیا۔ جس کی وجہ سے کھانے پینے کی اشیاء اور چٹ پٹے پکوانوں کی فروخت بھی بڑھ گئی ۔

(جاری ہے)

سردی کی شدت میں اضافے کے باعث لکڑی‘ کوئلہ اور گیس سلنڈر کی قیمتوں میں بھی اضافہ دیکھنے میں آیا ،جبکہ انڈے کی قیمتوں میں 6 روپے فی درجن کا اضافہ ہو گیا۔ اسی طرح چکن کے علاوہ مچھلی اور خشک میوہ جات کی فروخت بھی بڑھ گئی۔ جمعہ کے روز دن بھر سورج اور بادلوں کے درمیان آنکھ مچولی کے علاوہ ٹھنڈی ہواء نے موسم کو انتہائی سرد کئے رکھا۔محکمہ موسمیات کے مطابق آج ہفتہ کے روز بھی سرگودھا میں مزید بارش کا امکان ہے ۔

Your Thoughts and Comments