جینیفر لوپیز 47 برس کی ہوگئیں، مداح 'حیران

نیویارک(اُردو پوائنٹ اخبارتازہ ترین - آن لائن۔26 جولائی۔2016ء) امریکی گلوکارہ جینیفر لوپیز نے حال ہی میں اپنی 47 ویں سالگرہ منائی ہے، تاہم ان کی خوبصورت اور دلکش تصاویر دیکھ کر ایسا بالکل نہیں لگتا کہ وہ 47 برس کی ہوچکی ہیں۔جینیفر لوپیز 24 جولائی 1965 کو امریکا کے شہر نیویارک میں پیدا ہوئیں، وہ پیشے کے اعتبار سے گلوکارہ، اداکارہ، پروڈیوسر اور فیشن ڈیزائنر بھی ہیں۔

لیکن ہماری طرح گلوکارہ کے مداحوں کو بھی اس بات کا یقین نہیں کہ وہ اپنی عمر کی 47 بہاریں دیکھنے کے باوجود بھی اتنی جوان نظر آتیہیں۔

(جاری ہے)

مقبول گلوکارہ کو ٹوئٹر پر لوگوں نے ان کی سالگرہ کی مبارکباد تو دی لیکن کچھ فینز ایسے بھی تھے جو ان کی سالگرہ کی مبارکباد دینے کے بجائے ان کی تصاویر دیکھ کر حیران ہی رہ گئے۔بہت سے لوگوں کو جینیفر کے دلکش انداز کو دیکھ کر اس بات کا احساس ہوا کہ انہیں بھی اپنا خیال رکھنا چاہیے۔

انہوں نے جینیفر کی سالگرہ کی تصویر شیئر کرتے ہوئے کہا ’یہ تصویر گزشتہ رات کی ہے، اسے دیکھیں اور جم جانا نہ بھولیں‘۔ایک اور مداح نے اپنی برائی کرتے ہوئے کہا، ’جینیفر 47 برس کی ہیں اور اتنی حیرت انگیز نظر ا آتی ہیں، میں 25 کی ہوں اور ایک گیلے موزے جیسی لگتی ہوں‘۔۔