جن کو میری شادی کی جلدی ہے ابھی انتظار کریں، عائشہ عمر

جمعرات 19 جون 2014 11:34

لاہور(اُردو پوائنٹ تازہ ترین اخبار۔ 19جون 2014ء)ٹی وی کی معروف اداکارہ وماڈل عائشہ عمرنے کہا ہے کہ جن لوگوں کو میری شادی کی جلدی ہے ان سے درخواست ہے کہ ابھی انتظار کریں ویسے بھی جوڑے آسمانوں پر بنتے ہیں، ابھی مجھے شادی کی کوئی جلدی نہیں ہے ، میری کوئی پلاننگ نہیں اور میرا ایمان ہے کہ پلاننگ تو خدا کی ذات کرتی ہے۔

(جاری ہے)

میڈیا سے گفتگو کے دوران انھوں نے کہا کہ میں آزاد خیال لڑکی ہوں اور پابندی برداشت نہیں کرتی، کھانے میں دال چاول اور بھنڈی گوشت پسند ہے، سادہ اور ماڈرن لباس شوق سے پہنتی ہوں۔

انھوں نے کہا کہ لاہور شہر مجھے بہت پسند ہے، خاص طور پر لاہور کے کھانے نہایت لذیز ہیں، یہاں کے لوگ بہت پیار کرنے والے ہیں۔ ایک سوال کے جواب میں انھوں نے بتایا کہ ’’یلغار ‘‘ نامی ایک اردو فلم میں مرکزی کردار ادا کررہی ہوں جس میں میرے ساتھ شان، ہمایوں سعید، ثنا بچہ شامل ہیں۔ اس کے ڈائریکٹر اور پروڈیوسر ڈاکٹر حسن رانا ہیں۔

وقت اشاعت : 19/06/2014 - 11:34:32

Facebook Twitter Reddit Pinterest Whatsapp