شویتا بچن کی سالگرہ میں ابھیشیک اور ایشوریا کی غیرموجودگی نے کئی سوال اٴْٹھادیئے

ممبئی(اُردو پوائنٹ اخبارتازہ ترین - آن لائن۔ 18 مارچ2024ء) بالی ووڈ کی مقبول ترین جوڑی ابھیشیک بچن اور ایشوریا رائے بچن نے شویتا بچن کی سالگرہ کی تقریب میں شرکت نہیں کی۔بھارتی میڈیا کے مطابق لیجنڈری اداکار امیتابھ بچن اور جیا بچن کی بیٹی شویتا بچن نے 17 مارچ اتوار کی شب اپنی 50ویں سالگرہ کے لیے ایک پارٹی کا اہتمام کیا جس میں اٴْن کے اہلخانہ، قریبی دوستوں اور بالی ووڈ کے چند بڑے ناموں نے شرکت کی۔

شویتا بچن نے ممبئی میں اپنی رہائش گاہ پر اپنی سالگرہ کی تقریب کا انعقاد کیا، اس تقریب میں جہاں جیا بچن، امیتابھ بچن، کرن جوہر، گوری خان، سہانا خان، سدھانت چترویدی سمیت دیگر اسٹارز کو دیکھا گیا تو وہیں شویتا بچن کے اکلوتے بھائی اور بھابھی تقریب میں نظر نہیں آئے۔

(جاری ہے)

رپورٹ میں کہا گیا کہ شویتا بچن کی سالگرہ کی تقریب میں ابھیشیک بچن، ایشوریا رائے بچن اور اٴْن کی بیٹی آرادھیا بچن نے شرکت نہیں کی، اس فیملی کی غیر موجودگی نے ایک بار پھر بچن خاندان اور بہو ایشوریا رائے کے تعلقات پر کئی سوال اٴْٹھا دیئے ہیں۔

سوشل میڈیا کا صارفین کی جانب سے دعویٰ کیا جارہا ہے کہ ایشوریا رائے کے اپنے سٴْسرالیوں کے ساتھ تعلقات خراب ہیں، اسی وجہ سے اٴْنہوں نے اپنی نند شویتا بچن کی سالگرہ کی تقریب میں شرکت نہیں کی۔دوسری جانب ابھیشیک بچن نے اپنی بہن کی سالگرہ کے موقع پر اپنے آفیشل انسٹاگرام اکاؤنٹ پر ایک ویڈیو پوسٹ کی جس میں دونوں بہن بھائیوں کے اپنے والدین، جیا بچن اور امیتابھ بچن کے ساتھ بچپن کے خوبصورت لمحات کو دکھایا گیا ہے۔

ابھیشیک بچن نے اس یادگار ویڈیو کے ساتھ اپنی بہن کے لیے ایک جذباتی پیغام بھی لکھا جس میں اٴْنہوں نے بتایا کہ اٴْن کی بہن شویتا اٴْن کے لیے کتنی معنی رکھتی ہیں۔واضح رہے کہ ایشوریا رائے سے متعلق کئی بار یہ خبر سامنے آئی ہے کہ اداکارہ کے بچن فیملی کے ساتھ تعلقات خراب چل رہے ہیں اور سال 2023 میں بھارتی میڈیا نے دعویٰ کیا تھا کہ ایشوریا نے بچن ہاؤس کو چھوڑ دیا ہے۔