اداکارہ ایشا دیول کا اداکار فردین خان کی فلمی دنیا میں واپسی پر خوش آمدید

ہیرامنڈی ہمیں اس دور میں لے گئی، سنجے لیلا بھنسالی جی ہمیشہ آپکے سحر میں مبتلا ہوں،اداکارہ

جمعہ 26 اپریل 2024 12:58

اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
ممبئی (اُردو پوائنٹ اخبارتازہ ترین - این این آئی۔ 26 اپریل2024ء) اداکارہ ایشا دیول نے اداکار فردین خان کی ویب سیریز ہیرامنڈی میں پرفارمنس کو سراہا اور انہیں فلمی دنیا میں واپسی پر خوش آمدید کیا۔ سنجے لیلا بھنسالی کی سیریز ہیرامنڈی کی اسکریننگ نئی دلی میں ہوئی جس میں ایشا دیول بھی شریک تھیں۔

(جاری ہے)

انہوں نے انسٹاگرام پر اپنی پوسٹ میں لکھا کہ ہیرامنڈی کے گرینڈ پریمیئر میں شریک ہوئی، اس کے بارے میں صرف اتنا کہنا چاہوں گی کہ یہ انتہائی عمدہ ہے۔

ایشا دیول نے لکھا کہ ہیرامنڈی ہمیں اس دور میں لے گئی، سنجے لیلا بھنسالی جی ہمیشہ آپکے سحر میں مبتلا ہوں۔انہوں نے یہ بھی تحریر کیا کہ پیارے دوست فردین خان آپ پر فخر ہے، فلموں میں واپسی پر خوش آمدید۔واضح رہے کہ ایشا دیول اور فردین خان نو انٹری، شادی نمبر 1، پیارے موہن، جسٹ میریڈ اور ڈارلنگ جیسی نامور فلموں میں ایک ساتھ کام کرچکے ہیں۔
وقت اشاعت : 26/04/2024 - 12:58:14

مزید متعلقہ خبریں پڑھئیے‎ :

متعلقہ عنوان :