چاہت فتح گلوکاری کی نزاکت کو نہیں سمجھتے ،گلوکاراسرارشاہ

کراچی (اُردو پوائنٹ اخبارتازہ ترین - این این آئی۔ 29 مئی2025ء)پاکستانی موسیقی کے منفرد انداز رکھنے والے گلوکار اسرار شاہ نے حال ہی میں ایک انٹرویو میں اپنے دل کی خوب باتیں کیں چاہے وہ محبت کی شادی ہو، موسیقی کا سفر ہو یا آج کل کے وائرل فنکار۔نجی چینل پر بات کرتے ہوئے اسرار نے بتایا کہ ان کی شادی ایک محبت کی کہانی سے جڑی ہے۔

(جاری ہے)

انہوں نے کہا کہ مجھے ہمیشہ علیزے نام پسند تھا، اور جب میری زندگی میں اسی نام کی ایک لڑکی آئیں، تو میں نے دیر نہیں کی۔

دلچسپ بات یہ ہے کہ جب اسرار شاہ اپنا مقبول گانا افغان جلیبی گنگناتے ہیں، تو ان کے ذہن میں سب سے پہلے اپنی بیوی کا خیال آتا ہے۔موسیقی کی بات ہو اور دھن کا تذکرہ نہ ہو، ایسا ہو نہیں سکتا، اسرار کہتے ہیں کہ اچھی دھن کلاسز یا کورسز سے نہیں آتی، یہ ایک اندرونی جذبہ ہوتا ہے جو کہ ایک عطا، جو اوپر والے کی طرف سے ملتی ہے۔دنیا میں بہت سے لوگ زبردست آواز رکھتے ہیں، لیکن ہر کوئی دھن یا کمپوزیشن کا ہنر نہیں جانتا۔