میں شاہ رخ خان کا نہیں، کسی اور خان کا مداح ہوں،ساحر لودھی

جمعہ 8 اگست 2025 19:50

کراچی (اُردو پوائنٹ اخبارتازہ ترین - این این آئی۔ 08 اگست2025ء)اداکار ساحر لودھی نے کہا ہے کہ میں شاہ رخ خان نہیں بلکہ بالی ووڈ کے کسی اور خان کا مداح ہوں۔نجی ٹی وی کے پوڈ کاسٹ میں گفتگو کرتے ہوئے ساحر لودھی نے کہا کہ میں کبھی شاہ رخ خان کا مداح نہیں رہا، بلکہ میرا دل کسی اور خان کی اداکاری پر آیا ہے۔ساحر نے بتایا کہ میں اس اداکار کا اتنا بڑا مداح ہوں کہ میں نے اس کی وہ فلمیں بھی دیکھی ہیں جو شاید خود اس اداکار نے بھی نہ دیکھی ہوں۔

(جاری ہے)

اگرچہ انہوں نے اس خان کا نام ظاہر نہیں کیا، لیکن ناظرین میں تجسس کی لہر دوڑ گئی کہ آخر وہ کون سا خان ہے جس نے ساحر لودھی کو اتنا متاثر کیا۔انہوں نے شاہ رخ خان کا انٹرویو لینے کا یادگار لمحہ بھی شیئر کیا اور کہا کہ میری شاہ رخ خان سے پہلی ملاقات میں جو جملے ادا کیے گئے، وہ آج بھی میرے ذہن میں تازہ ہے۔ساحر لودھی سے حال ہی میں ان کے منفرد انداز کی وائرل ہونے والی ویڈیوز سے متعلق سوال کیا گیا کہ ویڈیو میں پس پردہ شخص کب سامنے آئے گا جس کے جواب میں انہوں نے کہا کہ وہ کبھی بھی سامنے نہیں آئے گا۔
وقت اشاعت : 08/08/2025 - 19:50:07

مزید متعلقہ خبریں پڑھئیے‎ :

متعلقہ عنوان :