سیشن عدالت نے یوٹیوبررجب بٹ سمیت دیگر کے خلاف فرد جرم عائد کرنے کا فیصلہ محفوظ کرلیا

لاہور (اُردو پوائنٹ اخبارتازہ ترین - اے پی پی۔ 06 مئی2026ء) لاہور کی سیشن عدالت نے معروف یوٹیوبر رجب بٹ سمیت دیگر شریک ملزمان کے خلاف لڑکی سے زیادتی کے الزام میں درج مقدمے میں فرد جرم عائد کرنے سے متعلق فیصلہ محفوظ کرلیا۔ایڈیشنل سیشن جج یاسر عرفات نے کیس کی سماعت کی۔بدھ کے روز دوران سماعت ملزمان رجب بٹ ،جہانگیر ،جواد علی اور عبد الرحمان نے عدالت میں پیش ہو کر اپنی حاضری مکمل کروائی۔

(جاری ہے)

رجب بٹ کے وکیل نے فرد جرم عائد نہ کرنے سے متعلق دلائل دیتے ہوئے کہا کہ رجب بٹ پر جھوٹا مقدمہ بنایا گیا۔ رجب بٹ کی عبوری ضمانت منظوری ہوچکی ہے۔ قانون کے مطابق رجب بٹ پر فرد جرم عائد نہیں کی جاسکتی ۔عدالت رجب بٹ پر فرد جرم عائد نہ کرنے کا حکم دے۔ جس پر عدالت نے رجب بٹ پر فرد جرم سے متعلق فیصلہ محفوظ کرلیا۔ عدالت نے سماعت گیارہ مئی تک ملتوی کردی۔ تھانہ نواب ٹاون پولیس نے مقدمے کا چالان جمع کروا رکھا ہے۔