Aloo Wala Zarda Recipe In Urdu - Recipe No. 3501

اشیاء:
آلو 250گرام
دودھ 250گرام
کھویا 100گرام
سبز الائچی دو عدد
روہ کیوڑہ چند قطرے
گھی 100گرام
چینی 125گرام
بادام کی گریاں چھ عدد
چاندی کے ورق حسب ضرورت
پستہ چار دانے
کٹا ہوا ناریل 5گرام
کشمش 5گرام
ترکیب:
آلو پانی سے دھو کر صاف کر یں اور چھیل کر کدوکش کرلیں۔ ایک برتن میں 50گرام گھی گرم کر لیں۔ اس میں الائچی ڈالیں۔ چند لمحوں بعد کدوکش کئے ہوئے آلو ڈال کر بھونیں اور اتار کر الگ رکھ دیں۔ اس کے بعد ایک الگ برتن میں دودھ ڈال کر چولہے پر رکھیں اور آدھے گھنٹے تک اس کو پکائیں اور اس میں کھویا بھی شامل کر لیں اور معمولی ساز ردہ رنگ شامل کر کے چینی اور باقی گھی بھی ڈال کر کفیگر کے ساتھ چلائیں۔ آنچ ہلکی رکھیں اور آدھا گھنٹہ تک اس کو پکائیں۔ پھر اس میں کشمش ، کٹاہوا ناریل اور بادام کی گریاں شامل کر کے بھنے ہوئے آلو بھی ڈال دیں۔ کفیگر کے ساتھ چلائیں اور پانچ منٹ بعد آگ سے اتار لیں۔ روح کیوڑہ چھڑک کر نکال کر پلیٹ میں رکھ دیں اور چاندی کے ورق لگا ئیں اور پستہ کتر کر چھڑک دیں۔ مزیدار اور لذیذ آلوؤں کا زردہ تیار ہے۔ کھانے کے لئے پیش کر یں۔