''آپ کو پتہ ہے میں کون ہوں؟'' علی رحمان نے ریسٹورنٹ میں ملازم سے بدتمیزی کرنے پر وضاحت دے دی

کراچی (اُردو پوائنٹ تازہ ترین اخبار۔ 23 نومبر2019ء) : اداکار علی رحمان نے ''آپ کو پتہ ہے میں کون ہوں؟'' کے نام سے وائرل ہونے والی ویڈیو جس میں وہ بظاہر ایک ریسٹورینٹ کے ملازم سے بدتمزی کر رہے یں پو وضاحت دے دی ہے۔ اداکار نے کہا ہے کہ ہم ایک سوشل ایکسپیریمنٹ کر رہے تھے جس کا مقصد وی آئی پی کلچر کا استحصال تھا، سوشل میڈیا صارفین نے اس عمل کو برا کہا، لوگوں نے غلط چیز کے خلاف آواز اٹھائی جو کہ بہت اچھی بات ہے۔

علی رحمان کے مطابق وہ ویڈیو ایک سوشل ایکسپیریمنٹ(سماجی تحقیق) کا حصہ تھی جس میں ہم دیکھ رہے تھے کہ لوگ اس پر کیسے ردِعمل دیتے ہین اور لوگوں نے اس پر مجھے برا کہا جو کہ ایک اچھی بات ہے، اسکا مطلب ہے کہ لوگوں نے بری چیز کے خلاف آواز اٹھائی۔ انہوں نے مزید کہا کہ میں ریسٹورنٹ اور وہاں کہ سٹاف کا بھی شکرگزار ہوں۔

(جاری ہے)

آخر میں انہوں نے مزید کہا کہ اس ویڈیو میں جو غلط عمل کیا گیا اسے برا کہیں مجھے برا مت کہیں کیونکہ وہ ایک ایکسپیریمنٹ کا حصہ تھا۔

انہوں نے کہا کہ ہمیں اپنے بچوں کو بھی یہی سکھانا ہے کہ ہمیں وی آئی پی کلچر اور ''آپ کو پتہ ہے میں کون ہوں؟'' کے کلچر سے باہر آنا ہے۔