کترینہ کی پہلی فلم بنانے کے بعد دیوالیہ ہوگئے تھے‘ جیکی شروف

ممبئی (اُردو پوائنٹ اخبارتازہ ترین - آن لائن۔ 22 جون2021ء) سینئر اداکار جیکی شروف نے بالی وڈ فلم بوم کے فلاپ ہونے کے بعد پیش آنے والی معاشی مشکلات اور اس دوران کی جانے والی جدوجہد کا اظہار کیا ہے۔جیکی شروف نے بھارتی میڈیا سے گفتگو کے دوران کہا کہ اٴْس وقت انہیں اپنا گھر بیچنا پڑا اور قرض اتارنے کے لیے دگنی محنت کرنا پڑی تاہم اب انہوں نے ہر ایک کا قرض اداکردیا ہے۔

جیکی شروف کا کہنا تھا کہ میں جانتا تھا کہ ہم نے کچھ نیا کیا اور کچھ کھودیا اور مجھے اگر اس کی قیمت چکانی پڑی تو میں چکاؤں گا، میں نے زیادہ سے زیادہ کام کیا اور ہر ایک کا قرض اتارا تاکہ میری فیملی پر کوئی قرض باقی نہ رہے۔بالی وڈ اداکار نے کہا کہ بزنس میں اونچ نیچ ا?تی رہتی ہے اور یہ ضروری نہیں کہ ہم ہمیشہ اوپر ہی رہیں گے، ضرورت ہے تو بس اخلاقیات اور نفس کو برقرار رکھنے سے متعلق سیکھنے کی۔

(جاری ہے)

جیکی شروف کا کہناتھا کہ اس دوران میرے بیٹے ٹائیگر اور بیٹی کرشنا کو کچھ نہیں پتا تھا، وہ بہت چھوٹے تھے اور ہم نے ان کو اس سب مشکلات سے دور رکھا۔انہوں نے بتایا کہ ٹائیگر نے مجھ سے وعدہ کیا تھا کہ وہ ہمارے فروخت ہوئے گھر کو دوبارہ خرید کر دکھائے گا، مجھے اپنے بچوں پر فخر ہے۔ ٹائیگر نے مجھ سے وعدہ کیا تھا کہ وہ ہمارے فروخت ہوئے گھر کو دوبارہ خرید کر دکھائیں گے۔خیال رہے کہ بالی وڈ فلم بوم کو 2003 میں ریلیز کیا گیا تھا اور اس فلم سے ہی بالی وڈ کی خوبرو اداکارہ کترینہ کیف نے انڈسٹری میں ڈیبیو کیا تھا، اس فلم کی پروڈیوسر جیکی شروف کی اہلیہ عائشہ شروف تھیں۔