اداکارہ ایمن خان کی ہمشکل سوشل میڈیا صارفین کی تنقید سے تنگ آگئیں

کراچی(اُردو پوائنٹ اخبارتازہ ترین - این این آئی۔ 26 اپریل2024ء) پاکستانی شوبز انڈسٹری کی معروف اداکارہ ایمن خان کی ہمشکل سوشل میڈیا صارفین کی تنقید سے تنگ آگئیں۔حال ہی میں سوشل میڈیا پر ایک لڑکی کی ڈانس ویڈیو وائرل ہوئی تھی جسے دیکھ کر صارفین نے اٴْنہیں اداکارہ ایمن خان کی ہمشکل قرار دے دیا تھا جبکہ کچھ صارفین نے لڑکی کا مذاق اٴْڑاتے ہوئے کہا تھا کہ یہ کورنگی کی ایمن خان ہیں۔

مذکورہ لڑکی کا نام سامنے آگیا ہے، لڑکی کا نام مونا لیزا ہے اور اٴْنہوں نے فوٹو اینڈ ویڈیو شیئرنگ ایپ انسٹاگرام پر بھی مونا لیزا کے نام سے ہی اپنا آفیشل اکاؤنٹ بنایا ہوا ہے۔سوشل میڈیا پر وائرل ہونے کے بعد مونا لیزا کے انسٹاگرام فالوورز میں اضافہ ہوا ہے، اٴْن کے موجودہ فالوورز کی تعداد 2300 سے زائد ہے۔

(جاری ہے)

مونا لیزا وائرل ہونے کے بعد خوش تو ہیں لیکن صارفین کی تنقید نے اٴْنہیں غصہ بھی دلا دیا ہے، اس حوالے سے اٴْنہوں نے اپنے انسٹاگرام کی اسٹوری میں ناقدین کے نام ایک پیغام جاری کیا۔

اٴْنہوں نے کہا کہ میں نے کبھی نہیں کہا کہ میں اداکارہ ایمن خان جیسی لگتی ہوں، عوام نے خود ہی مجھے ایمن خان کی ہمشکل کہا اور اب عوام خود ہی پاگل ہوکر میری ویڈیوز اور تصاویر پر منفی تبصرے کررہے ہیں۔مونا لیزا نے کہا کہ میرے سوشل میڈیا اکاؤنٹس، میری تصاویر اور ویڈیوز سے دور رہو، میرے اکاؤنٹ کو گندا نہیں کرو۔اٴْنہوں نے مزید کہا کہ لوگوں نے منفی تبصرے کرکے اِن باکس میں میرا جینا حرام کردیا ہے۔مونا لیزا نے اب اپنی انسٹاگرام پوسٹس کا کمنٹ سیکشن بھی بند کردیا ہے تاکہ کوئی بھی اٴْن کی پوسٹس پر منفی تبصرے نہ کرسکے۔