رجب بٹ کے فیملی ایونٹ میں نوٹوں کی بارش، عوام برہم

لاہور (اُردو پوائنٹ اخبارتازہ ترین - این این آئی۔ 11 جون2025ء)رجب بٹ فیملی ایونٹ میں دولت کی بیجا نمائش اور نوٹ نچھاور کرنے پر ایک بار پھر شدید تنقید کی زد میں آگئی۔میڈیا رپورٹ کے مطابق حال ہی میں رجب بٹ کی بھانجی آیت زہرہ کے عقیقے کی تقریب منعقد کی گئی جس میں متعدد قریبی رشتہ داروں، دوستوں اور سوشل میڈیا شخصیات نے شرکت کی۔تقریب میں معروف صوفی گلوکارہ تحسین سکینہ کو مدعو کیا گیا، جنہوں نے رجب بٹ کی شادی میں بھی پرفارم کیا تھا، وائرل ویڈیو میں یوٹیوبر تحسین سکینہ کے ساتھ گاتے نظر آ رہے ہیں اور بھانجی سے محبت کا اظہار بھی کرتے دکھائی دے رہے ہیں تاہم، ویڈیو میں بھاری مقدار میں کرنسی نوٹ نچھاور کرنے کے مناظر نے عوام کو سخت برہم کر دیا ہے۔

متعدد افراد نے اسے فضول نمائش قرار دیا ہے۔

(جاری ہے)

ایک صارف نے لکھا لگتا ہے اب لوگ بچوں کو بھی صرف سوشل میڈیا کے کانٹینٹ کیلئے پیدا کر رہے ہیں۔ایک اور صارف نے لکھا پہلے زمانے میں نوٹ نچھاور کرنا مخصوص محفلوں تک محدود تھا، اب عام لوگ بھی وہی کام کر رہے ہیں۔کئی افراد نے رائے دی کہ اگر واقعی بچے سے محبت ہے تو یہ پیسہ مستحق افراد میں بانٹا جائے۔ ایک صارف نے لکھا کہ یہ محنت کی کمائی نہیں لگتی، اسی لئے اس طرح اڑائی جا رہی ہے۔کچھ لوگوں نے احادیث کا حوالہ دیتے ہوئے کہا کہ اسلام میں تقاریب کو سادہ رکھنے کی تلقین کی گئی ہے اور ایسی بے جا نمائش کی ممانعت ہے۔