ہیوسٹن ، معروف نیشنل پروموٹر ریحان صدیقی کی والدہ کو سپردخاک کردیا گیا

ہیوسٹن (اُردو پوائنٹ اخبارتازہ ترین - این این آئی۔ 20 اگست2025ء)امریکا کے معروف نیشنل پروموٹر اور انٹرٹینمنٹ بزنس انڈسٹری کی شخصیت ریحان صدیقی کی والدہ کو سینکڑوں سوگواروں کی موجودگی میں سپرخاک کردیا گیا۔

(جاری ہے)

مرحومہ کی نمازِ جنازہ ہیوسٹن کی حمزہ مسجد میں ادا کی گئی جس میں بڑی تعداد میں کمیونٹی رہنمائوں، رشتہ داروں، دوستوں اور زندگی کے مختلف شعبوں سے تعلق رکھنے والی شخصیات، بشمول شوبزنس انڈسٹری سے وابستہ افراد نے شرکت کی۔

بعد ازاں، مرحومہ کو فاریسٹ لاون فنرل ہوم، المیڈا جینوا روڈ، ہیوسٹن میں سپردِ خاک کر دیا گیا۔مرحومہ چند ماہ سے شدید علیل تھیں اور مقامی اسپتال میں زیر علاج تھیں۔کمیونٹی رہنمائوں اور دوستوں نے ریحان صدیقی اور ان کے اہلِ خانہ سے گہری ہمدردی اور تعزیت کا اظہار کیا ہے۔اہلِ خانہ نے اس دکھ کی گھڑی میں ساتھ دینے، تعزیت کرنے اور ہمدردی جتانے والے تمام احباب کا تہہ دل سے شکریہ ادا کیا ہے۔