شان شاہد کی فلم سائیکو کا دھماکے دار ٹریلر جاری، فلم عیدالاضحی پر ریلیز ہوگی

کراچی (اُردو پوائنٹ اخبارتازہ ترین - این این آئی۔ 18 مئی2026ء) کراچی میں سپر سٹار شان شاہد کی نئی فلم سائیکو کی شاندار تقریب رونمائی منعقد ہوئی جہاں فلم کا سنسنی خیز ٹریلر جاری کردیا گیا۔ تقریب میں سونیا حسین، میرا، شبیر جان سمیت شوبز شخصیات نے شرکت کی اور محفل کو چار چاند لگا دیے۔فلم سائیکو ایک تھرل اور ایکشن سے بھرپور کہانی ہے جو اہم سماجی اور نفسیاتی مسائل کو اجاگر کرتی ہے، ٹریلر نے حاضرین کی بھرپور توجہ حاصل کی اور شائقین نے اسے بیحد پسند کیا۔

(جاری ہے)

تقریب سے خطاب کرتے ہوئے اداکارہ میرا نے کہا کہ شان شاہد نے ان کی خواہش پر فلم کی ہدایت کاری کی اور فلم کا ہر منظر سسپنس اور دلچسپی سے بھرپور ہے، انہوں نے تمام فنکاروں کی اداکاری کو بھی سراہا۔اداکارہ سونیا حسین نے کہا کہ سائیکو دنیا بھر میں کامیابی حاصل کرے گی۔ انہوں نے کہا کہ شان شاہد نے اداکاری کے ساتھ ہدایت کاری میں بھی اپنی صلاحیتوں کا بہترین مظاہرہ کیا جبکہ میرا نے اپنے کردار میں حقیقت کا رنگ بھر دیا ہے۔شان شاہد نے کہا کہ فلم کی کہانی معاشرتی اور نفسیاتی پہلوئوں کو موثر انداز میں پیش کرتی ہے۔