وبز خبریں **

ممبئی (اُردو پوائنٹ اخبارتازہ ترین - آن لائن۔ 06 نومبر2016ء)بالی ووڈ کے نامور ہیرو رنبیر نے کہا ہے کہ ایشوریہ رائے کے ساتھ کام کر نے کا تجربہ شاندار رہا ٬ اتنی بڑی ہیروئن کے ساتھ کام کر نا میرے لئے کیریئر کا قیمتی و تاریخی لمحہ تھا ٬ میرے ہاتھ کانپ رہے تھے لیکن ایشوریا نے مجھے نارمل ہونے میں مدد دی۔ایک انٹرویو میں رنبیر سے ایشوریا کے ساتھ کام کے حوالے سے پوچھا گیا تو ان کا کہنا تھا کہ یہ تجربہ شاندار رہا۔

وہ میرے کیریئر کا تاریخی لمحہ تھا جب کرن جوہر نے مجھے بتایا کہ وہ ایشوریا رائے کو کاسٹ کر رہے ہیں٬ میرا خیال تھا کہ وہ انکار کردیں گی اور میرے ساتھ کام نہیں کریں گی۔رنبیر نے بتایا کہ فلم اے دل ہے مشکل میں ایشوریا کے ساتھ کچھ مناظر کرتے ہوئے انھیں کافی جھجھک ہوئی تھی٬ان کا کہنا تھاکہ میرے ہاتھ کانپ رہے تھے لیکن ایشوریا نے مجھے نارمل ہونے میں مدد دی٬ انھوں نے مجھے کہا کہ بچوں کی طرح برتا کرنا بند کرو اور سین کو مناسب طریقے سے شوٹ کروا٬ جس کے بعد پھر میں نے اعتماد کے ساتھ فلم میں کام کیا۔

(جاری ہے)

انھوں نے مزید کہا کہ ایشوریا نے کبھی اس طرح سے ظاہر نہیں کیا کہ وہ مجھ سے سینئر یا بڑی اداکار یا بہت بڑی اسٹار ہیں۔رنبیر کا کہنا تھا کہ ایشوریا رائے بچن کے ساتھ کام کرنے کا تجربہ ایسا تھا کہ جیسے کوئی اپنے ہم عصر اداکار کے ساتھ کام کر رہا ہو۔